꩑꩞ ꨀꨆꨢꨯꨮꩅ ꨧꨪ ꨚꨗꩍ ꨓꨶꨮꩉ ꨓꨝꨳꩀ꩝ ꨚꨗꨶꨮꩄ ꨆꨭꨖꨩ ꨔꩅ ꨓꨳꩀ꩝ ꨨꨤꨭꩆ ꨋꩇ ꨝꨩ ꨤꨪꨠꩍ꩝꩝ ꩒꩞ ꨦꩀꨆꨣꨰ ꨚꨗꨶꨮꩄ ꨝꨪꨗꨴꨪꩀ ꨕꨨꨵꩀ ꨥꩀ꩝ ꨎꩊ ꨈꨴꨭꩀ ꨆꨔꨯꨱꩅ ꨣꨪꨡꩍ꩝ ꨚꨴꨯꨱꩃ ꨤꨯꨩ ꨕꨫ ꨣꨳꨪꩌ ꨚꨆꩉ꩝꩝ ꩓꩞ ꨨꨤꨭꩆ ꨆꨘꩊ ꨕꨫ ꨣꨩ ꨓꨨꨩ ꨙꨯꩌ ꨀꨇꨩꩆ꩝ ꨕꨤꩌ ꨚꨗꨶꨮꩄ ꨕꨭꨤꨪꨆꩊ꩝ ꨨꨤꨭꩆ ꨚꨗꩍ ꨝꨩ ꨓꨝꨳꩀ꩝꩝ ꩔꩞ ꨧꨳꩌ ꨧꨭꨩ ꨏꩀ ꨕꨯꨱꩀ ꨨꨚꩀ ꨕꨯꨮꨝꨪꨓꨩ꩝ ꨀꨲꩆ ꨓꨘꩆ ꨌꩃ ꨆꨩ꩝ ꨔꨬ ꨤꨪꨆꨮꨭ ꨎꩃ ꨅꨩ ꨨꨭꨩ꩝꩝ ꩕꩞ ꨟꩃ ꨕꨯꨮꩍ ꨧꨗꨪ ꨚꨮꩃ ꨚꨗꨶꨮꩄ ꨣꨩ ꨓꨨꨩ꩝ ꨙꨯꩌ ꨨꨚꩀ ꨙꨯꨱꩌ ꨝꨩ꩝ ꨚꨗꨶꨮꩄ ꨕꨤꩌ ꨦꩀꨆꨣꨰ꩝꩝ ꩖꩞ ꨚꨣꩆ ꨨꨕꨮꩉ ꨝꨪꨣꨭꨥ ꨠꨡꨯꩍ ꨛꨯꨮ ꨠꨣꨰ꩝ ꨀꨝꨪꩍ ꨕꨴꨬ ꨀꨕꨬ ꨧꨀꨰ꩝ ꨓꨨꨩ ꨕꨣꨩ ꨀꨮꩆ ꨓꨝꨶꨮꩆ꩝꩝ ꩗꩞ ꨚꨣꨪꩀ ꨚꨗꨴꩃ ꨆꨴꨯꨱꩃ ꨚꨎꨰ ꨟꨰ ꨀꨮꩆ꩝ ꨨꨶꨮꩄ ꨆꨙꨩ ꨤꨯꨩ ꨕꨫ ꨢꨶꨮꩆ꩝ ꨐꨭꨩ ꨉꩌ ꨌꩌ ꨕꨫ ꨂꨣꩃ꩝꩝ ꩘꩞ ꨢꨶꨮꩆ ꨤꩄ ꨌꩌ ꨆꨳꨮꩃ ꨨꨭꨩ ꨛꨯꨮ ꨕꨯꨱꩃ꩝ ꨠꨢꩍ ꨨꨕꨬ ꨌꩌ ꨅꨩ ꨎꨳꨯꨮꩃ꩝ ꨎꨶꨰ ꨡꨶꩍ ꨆꩉ ꨕꨫ ꨆꨮꨭ꩝꩝ ꩙꩞ ꨧꨭꨗꨪꩅ ꨈꨪꨗꨴꨮꩍ ꨤꨪꨝꨰꩍ ꨕꨫ ꨣꩈ ꨛꨯꨮ ꨕꨨꨵꨮꨭ꩝ ꨨꨤꨬ ꨀꨗꩀ ꨢꨶꨮꩆ ꨆꨮꨭ꩝ ꨕꩀ ꨓꨆꨴꨲꨩ ꨤꨪꨨꨪꩀ ꨚꨓꨯꨱ꩝꩝ ꩑꩐꩞ ꨓꨈꨯꩀ ꨕꨫ ꨣꩈ ꨕꨯꨱꩀ ꨕꨫ ꨧꨴꨪ ꨝꨪꨗꩈ꩝ ꨤꨯꨱꨥ ꨧꨯꨱꩃ ꨌꩌ ꨋꩇ ꨚꨣꨶꨬ꩝ ꨀꨗꩀ ꨠꨓꨭꨥ ꨧꨳꩌ ꨧꨯꨱꩃ ꨈꨮꩇ꩝꩝ ꩑꩑꩞ ꨓꨟꨩ ꨠꨣꨰ ꨓꨮꩊ ꨘꨈꨮꩉ ꨚꨴꩃꨕꨣꩃ꩝ ꨧꨭꨗꨪꩅ ꨈꨪꨗꨴꨮꩍ ꨛꨯꨮ ꨆꨵꨯꨱꩃ꩝ ꨓꨴꨭꩆ ꨠꨣꨰ ꨚꨆꨴꨮꩃ ꨘꨈꨮꩉ꩝꩝ ꩑꩒꩞ ꨚꨣꨯꩀ ꨌꨮꩀ ꨕꩀ ꨆꨤꩆ ꨚꨟꨆꨴꨲꨩ꩝ ꨋꩇ ꨣꨭꩇ ꨝꨩ ꨓꨟꨩ꩝ ꨗꩌ ꨟꩀ ꨟꩃ ꨣꨩ ꨓꨨꨩ꩝꩝ ꩑꩓꩞ ꨣꨯꩀ ꨨꨟꨭꨩ ꨝꨮꩀ ꨝꨪꨗꩀ ꨆꨶꨮꩄ ꨣꨪꨝꨯꨱꩃ꩝ ꨧꨭꨗꨪꩅ ꨈꨪꨗꨴꨮꩍ ꨛꨯꨮ ꨆꨵꨯꨱꩃ꩝ ꨓꨈꨯꩀ ꨣꩈ ꨚꨆꨴꨮꩃ ꨘꨈꨮꩉ꩝꩝ ꩑꩔꩞ ꨝꨪꨣꨭꨥ ꨟꩃ ꨨꨟꨪꩅ ꨓꨮꩊ ꨚꨓꨯꨱ ꨤꨯꨱꨥ ꨢꨶꨮꩆ꩝ ꨐꨭꨩ ꨝꨩ ꨝꨶꨮꩊ ꨣꨪꨝꨭꨥ ꨓꨟꩆ꩝ ꨙꨪꩀ ꨀꨨꨯꨱꩀ ꨣꨰ ꨠꨧꨭꩍ꩝꩝ ꩑꩕꩞ ꨞꨯꨚꨓꨪꩍ ꨧꨭꨗꨪꩅ ꨈꨪꨗꨴꨮꩍ ꨧꩀꨓꨎꨰ꩝ ꨚꨙꩉ ꨓꨤꨬ ꨧꨯꨱꩃ ꨈꨰ꩝ ꨌꩀ ꨚꨯꨱꩍ ꨤꨯꨱꨥ ꨧꨯꨱꩃ ꨢꨶꨮꩆ꩝꩝ ꩑꩖꩞ ꨤꨯꨱꨥ ꨢꨶꨮꩆ ꨌꨳꨪꩇ ꨀꨤꩍ ꨠꨧꨭꩍ ꨅꨩ ꨎꨰ꩝ ꨧꨭꨗꨪꩅ ꨈꨪꨗꨴꨮꩍ ꨛꨯꨮ ꨚꨓꨴꨰ꩝ ꨕꨨꨵꩀ ꨤꨪꨆꨮꨭ ꨓꨚꩍ ꨧꨣꨪ꩝꩝ ꩑꩗꩞ ꨎꨝꩅ ꨧꨪꨤꩌ ꨝꨩ ꨈꨮꩇ ꨥꨮꩀ ꨚꨤꨬ꩝ ꨤꨪꨆꨮꨭ ꨠꨩ ꨗꨫ ꨧꨩ ꨓꨮꩊ ꨨꨕꨬ꩝ ꨓꨚꩍ ꨧꨣꨪ ꨆꨶꩍ ꨀꨆꨯꨱꩀ꩝꩝ ꩑꩘꩞ ꨕꨯꩌ ꨘꩆ ꨛꨯꨮ ꨆꨵꨯꨱꩃ ꨤꨶꨪꩄ ꨣꩈ꩝ ꨚꨗꨴꨯꨱꩃ ꨎꨝꨶꨮꩊ ꨧꨪꩆꨝꨳꨪ꩝ ꨆꨳꨮꩃ ꨚꨯꩀ ꨚꨓꨯꨱ ꨚꨆꨴꨮꩃ ꨘꨈꨮꩉ꩝꩝ ꩑꩙꩞ ꨕꨯꨱꩀ ꨨꨝꩉ ꨝꨪꨣꨭꨥ ꨟꩃ ꨓꨮꩊ ꨝꨪꩊꨔꨶꨮꩉ꩝ ꨧꨭꨗꨪꩅ ꨈꨪꨗꨴꨮꩍ ꨅꨩ ꨔꨬ ꨣꨩ ꨓꨮꩊ꩝ ꨆꨳꨮꩃ ꨚꨯꩀ ꨓꨈꨯꩀ ꨎꨳꨯꨮꩃ ꨚꨓꨯꨱ꩝꩝ ꩒꩐꩞ ꨝꨪꩊꨔꨶꨮꩉ ꨧꨭꨗꨪꩅ ꨈꨪꨗꨴꨮꩍ ꨧꩀꨓꨎꨰ꩝ ꨙꨪꩀ ꨤꨪꨟꩆ ꨓꨝꨳꩀ ꨠꨣꨰ꩝ ꨆꨳꨮꩃ ꨗꨯꨱ ꨀꨓꨯꨱꩃ ꨘꨈꨮꩉ ꨎꨮꩀ꩝꩝ ꩒꩑꩞ ꨚꨟꨓꨰ ꨝꨶꨮꩊ ꨎꨮꩀ ꨕꨫ ꨠꨖꨪꩉ꩝ ꨕꨣꩍ ꨙꨶꨮꩄ ꨕꨮꩇ ꨕꨗꨯꨱ꩝ ꨧꨭꨟꨭꨩ ꨧꨯꨱꩃ ꨆꨯꨮꩃ ꨀꨧꨰꩍ꩝꩝ ꩒꩒꩞ ꨚꨓꨯꨱ ꨢꨶꨮꩆ ꨇꨶꨰ ꨆꨆꨭꩍ ꨌꨳꨪꩇ ꨀꨤꩍ꩝ ꨕꨨꨵꩀ ꨤꨪꨆꨮꨭ ꨌꨳꨪꩇ ꨓꨚꩀ꩝ ꨅꨩ ꨇꨪꩆ ꨠꨧꨭꩍ ꨓꨴꨩ ꨧꨯꨱꩃ ꨛꨯꨮ꩝꩝ ꩒꩓꩞ ꨚꨓꨯꨱ ꨢꨶꨮꩆ ꨝꨪꨙꨪ ꨝꨪꨗꨳꨪ ꨝꨳꩀ ꨤꨯꨩ꩝ ꨣꨖꨪ ꨖꨶꨮꩆ ꨙꨯꩌ ꨧꨯꨱꩃ ꨛꨯꨮ꩝ ꨚꨗꨶꨮꩄ ꨆꨭꨖꨩ ꨅꩍ ꨚꨤꨰ꩝꩝ ꩒꩔꩞ ꨨꨤꨭꩆ ꨤꨪꨆꨮꨭ ꨕꨶꩍ ꨆꨭꨟꨬ ꨧꨳꩌ ꨝꨪꨗꨰ꩝ ꨝꨩ ꨤꨪꨠꩍ ꨈꨪꨗꨴꨮꩍ ꨚꨓꨴꨰ꩝ ꨌꨳꨪꩇ ꨀꨤꩍ ꨅꨩ ꨇꨪꩆ ꨠꨧꨭꩍ꩝꩝ ꩒꩕꩞ ꨗꨯꨣꨚꩅ ꨓꨯꩀ ꨧꩍ ꨀꨗꩀ ꨢꨶꨮꩆ꩝ ꨤꨪꨨꨪꩀ ꨀꨝꨪꩍ ꨖꨮꩉ ꨜꨶꨮꩊ꩝ ꨕꨯꨮꨝꨪꨓꨩ ꨚꨵꨮꩀ ꨤꨪꨆꨭꩀ꩝꩝ ꩒꩖꩞ ꨀꨨꨯꨱꩀ ꨛꨯꨮ ꨗꨯꨱ ꨥꨮꩀ ꨚꨕꨮꩍ ꨚꨕꨬ꩝ ꨝꨶꨮꩊ ꨎꨮꩀ ꨣꨤꨯꨩ ꨕꨴꨬ꩝ ꨥꩃ ꨟꩀ ꨛꨯꨮ ꨝꨪ ꨨꨭꨩ꩝꩝ ꩒꩗꩞ ꨞꨯꨕꨮꩉꨨꨩ ꨙꨪꩀ ꨆꨚꩊ ꨢꩅꨓꨴꩀ꩝ ꨈꨪꨗꨶꨮꩉ ꨘꨨꨶꨮꩉ ꨃꨥ ꨉꩀ꩝ ꨝꨯꨱꩃ ꨈꨪꨗꨴꨮꩍ ꨎꩃ ꨅꨩ ꨗꨯꨱ꩝꩝ ꩒꩘꩞ ꨞꨯꨚꨓꨪꩍ ꨔꨶꩀ ꨝꩅ ꨚꨤꨪꨕꨯꨱ꩝ ꨆꨣꨳꩀ ꨝꨯꨱꩃ ꨧꨪꨝꩉ ꨅꩍ ꨗꨯꨱ꩝ ꨝꨯꨱꩃ ꨒꨮꩉ ꨓꨝꨳꩀ ꨕꨣꩍ꩝꩝ ꩒꩙꩞ ꨍꨰꩅ ꨓꨈꨯꩀ ꨓꨥꩀ ꨀꨤꨩ ꨆꨩ ꨠꨕꨬ꩝ ꨝꨶꨮꩊ ꨢꨶꨮꩆ ꨣꨤꨯꨩ ꨕꨴꨬ꩝ ꨚꨟꨓꨰ ꨝꨶꨮꩊ ꨌꩌ ꨀꨝꨪꩍ꩝꩝ ꩓꩐꩞ ꨌꨰꩀ ꨈꨮꩇ ꨝꨩ ꨝꨶꨮꩊ ꨗꨯꨱ ꨤꨪꨠꩍ꩝ ꨠꨘꩃ ꨕꨴꨬ ꨗꨯꨱ ꨕꨶꩍ꩝ ꨝꨪꩊꨘꨔꨶꨮꩉ ꨟꩀ ꨝꨪ ꨨꨭꨩ꩝꩝ ꩓꩑꩞ ꨧꨭꨗꨪꩅ ꨈꨪꨗꨴꨮꩍ ꨤꨪꨝꨰꩍ ꨕꨫ ꨛꨯꨮ ꨝꨪꩊꨔꨶꨮꩉ꩝ ꨠꨝꨰ ꨢꨮꨭ ꨘꩆ ꨠꨧꨭꩍ ꨧꨯꨱꩃ ꨢꨶꨮꩆ꩝ ꨎꩃ ꨟꩀ ꨅꩍ ꨨꨭꨩ ꨘꨈꨮꩉ꩝꩝ ꩓꩒꩞ ꨢꨶꩀ ꨀꨆꨯꨱꩀ ꨝꨩ ꨆꨩ ꨢꨶꨮꩆ ꨝꨵꨯꨱꩍ ꨆꨆꨬ꩝ ꨚꨈꨶꨮꩆ ꨧꨯꨱꩃ ꨣꨭꩇ ꨆꨵꨮꨭ ꨨꨣꨬ꩝ ꨀꨆꨯꨱꩀ ꨟꨮꨣꨰ ꨥꨮꩀ ꨅꨩ ꨡꨯꩍ꩝꩝ ꩓꩓꩞ ꨆꨵꨮꨭ ꨨꨣꨬ ꨣꨭꩇ ꨕꨶꩍ ꨎꩃ ꨅꨩ ꨡꨯꩍ꩝ ꨣꨭꩇ ꨓꨈꨯꩀ ꨗꨯꨱ ꨨꨭꩍ꩝ ꨀꨆꨯꨱꩀ ꨚꨮꩉ ꨓꨈꨯꩀ ꨚꨝꨭꩃ꩝꩝ ꩓꩔꩞ ꨕꨯꩌ ꨘꩆ ꨝꨪꩊꨔꨶꨮꩉ ꨤꨶꨪꩄ ꨣꩈ꩝ ꨚꨗꨴꨯꨱꩃ ꨎꨝꨶꨮꩊ ꨧꨪꨘꨝꨳꨪ꩝ ꨆꨳꨮꩃ ꨚꨯꩀ ꨚꨓꨯꨱ ꨚꨆꨴꨮꩃ ꨘꨈꨮꩉ꩝꩝ ꩓꩕꩞ ꨨꨤꨬ ꨎꨲꨩ ꨝꨩ ꨤꨪꨠꩍ ꨚꨓꨯꨱ ꨢꨶꨮꩆ꩝ ꨝꨪꨣꨭꨥ ꨠꨩ ꨨꨭꨩ ꨈꨪꨙꨮꩃ ꨘꨈꨮꩉ꩝ ꨌꩌ ꨕꨴꨬ ꨔꨭꩀ ꨨꨓꨰ꩝꩝ ꩓꩖꩞ ꨨꨕꩄ ꨤꨪꨥꨪꩀ ꨟꩃ ꨡꨯꩍ ꨛꨯꨮ ꨣꨠꨯꨮꨩ꩝ ꨧꨭꨗꨪꩅ ꨈꨪꨗꨴꨮꩍ ꨝꨳꩀ ꨤꨯꨩ꩝ ꨚꨯꩀ ꨓꨈꨯꩀ ꨎꨳꨮꩃ ꨚꨓꨯꨱ꩝꩝ ꩓꩗꩞ ꨧꩀꨓꨎꨰ ꨓꨝꨳꩀ ꨕꨫ ꨛꨯꨮ ꨌꩍꨢꨩ꩝ ꨧꨯꨱꩃ ꨆꨴꨰꩀ ꨝꨪꨗꩀꨧꨩ꩝ ꨛꨯꨮ ꨣꨠꨯꨮꨩ ꨈꨪꨗꨴꨮꩍ ꨓꨘꩆ꩝꩝ ꩓꩘꩞ ꨚꨣꨯꨱꩍ ꨌꨮꩀ ꨕꩀ ꨆꨤꨮꩆ ꨚꨟꨆꨴꨲꨩ꩝ ꨚꨯꨱꩍ ꨣꨭꩇ ꨝꨩ ꨓꨟꨩ꩝ ꨗꩌ ꨟꩀ ꨞꨯꨕꨮꩉꨨꨩ꩝꩝ ꩓꩙꩞ ꨝꨪꨣꨭꨥ ꨟꩃ ꨨꨟꨳꨪꩅ ꨓꨮꩊ ꨚꨓꨯꨱ ꨢꨶꨮꩆ꩝ ꨐꨭꨩ ꨝꨩ ꨝꨶꨮꩊ ꨣꨪꨝꨭꨥ ꨓꨟꩆ꩝ ꨙꨪꩀ ꨀꨨꨯꨱꩀ ꨟꨰ ꨠꨧꨭꩍ꩝꩝ ꩔꩐꩞ ꨕꨯꩌ ꨘꩆ ꨚꨓꨯꨱ ꨚꨙꨮꩉ ꨛꨯꨮ ꨧꩍ ꨝꨪꩊ꩝ ꨗꨯꨱ ꨓꨊꨪ ꨚꨴꨯꨱꩃ ꨢꨶꨮꩆ꩝ ꨀꨨꨯꨱꩀ ꨣꨤꨯꨩ ꨟꨰ ꨨꨝꨮꩉ꩝꩝ ꩔꩑꩞ ꨚꨴꨯꨱꩃ ꨢꨶꨮꩆ ꨤꩄ ꨠꨣꨰ ꨆꨳꨮꩃ ꨠꨧꨭꩍ꩝ ꨚꨓꨯꨱ ꨨꨭꨩ ꨧꨭꨗꨪꩅ ꨈꨪꨗꨴꨮꩍ꩝ ꨆꨮꨭ ꨟꨰ ꨎꩀ ꨠꨧꨭꩍ꩝꩝ ꩔꩒꩞ ꨧꩍ ꨝꨪꩊ ꨨꨭꨩ ꨧꨭꨗꨭꨥ ꨧꨭꨗꨪꩅ ꨈꨪꨗꨴꨮꩍ꩝ ꨐꨭꨩ ꨌꨴꨮꩃ ꨣꨝꨭꩀ ꨚꨮꩉ ꨀꨝꨪꩍ꩝ ꨀꨨꨯꨱꩀ ꨎꨮꩀ ꨥꨮꩀ ꨘꨈꨮꩉ꩝꩝ ꩔꩓꩞ ꨗꨯꨣꨚꨮꩅ ꨆꨴꨯꩅ ꨆꨩ ꨛꨯꨮ ꨧꩍ ꨝꨪꩊ꩝ ꨨꨭꨩ ꨚꨴꨯꨱꩃ ꨨꨓꨰ ꨤꨯꨩ ꨢꨮꨭ ꨘꩆ꩝ ꨅꨩ ꨝꨴꨬ ꨆꨩ ꨢꨶꨮꩆ ꨓꨈꨯꩀ ꨠꨣꨰ꩝꩝ ꩔꩔꩞ ꨧꩍ ꨝꨪꩊ ꨈꨪꨗꨯꨱꩃ ꨝꨪꨤꨬ ꨕꨤꩌ ꨨꨓꨰ꩝ ꨐꨭꨩ ꨆꨵꩀ ꨗꨯꨱ ꨅꩍ ꨝꨳꨪ꩝ ꨎꨥ ꨘꨈꨮꩉ ꨆꨩ ꨞꨯꨕꨮꩉꨨꨩ꩝꩝ ꩔꩕꩞ ꨞꨯꨚꨓꨪꩍ ꨓꨝꨳꩀ ꨠꨣꨰ ꨣꨯꨱꩀ ꨠꨧꨭꩍ꩝ ꨨꨤꨭꨥ ꨝꨪꨤꩃ ꨕꨮꩃ ꨚꨗꩍ꩝ ꨝꨶꨮꩊ ꨢꨶꨮꩆ ꨠꨓꨰ ꨀꨝꨪꩍ꩝꩝ ꩔꩖꩞ ꨚꨓꨯꨱ ꨢꨶꨮꩆ ꨎꩀ ꨉꨮꩍ ꨝꨪꨙꨪ ꨝꨪꨗꨳꨪ꩝ ꨚꨔꨮꨭ ꨚꨓꨯꨱ ꨝꨵꨯꨱꩍ ꨝꨳꨪ꩝ ꨣꨶꩍ ꨆꨭꨟꨬ ꨝꨩ ꨤꨪꨠꩍ꩝꩝ ꩔꩗꩞ ꨚꨓꨯꨱ ꨘꩆ ꨚꨗꨶꨮꩄ ꨆꨭꨖꨩ ꨎꩀ ꨉꨮꩍ꩝ ꨝꨪꨣꨭꨥ ꨟꩃ ꨟꩀ ꨧꨭꨗꨪꩅ ꨈꨪꨗꨴꨮꩍ꩝ ꨚꨓꨯꨱ ꨌꩌ ꨘꩆ ꨠꨩ ꨨꨭꨩ꩝꩝ ꩔꩘꩞ ꨨꨤꨭꩆ ꨠꨕꨩ ꨨꨭꨩ ꨆꨭꨟꨬ ꨧꨳꩌ ꨝꨪꨗꨰ꩝ ꨝꨩ ꨟꨰ ꨤꨪꨠꩍ ꨚꨓꨴꨰ꩝ ꨆꨩ ꨛꨯꨮ ꨌꩌ ꨈꨪꨙꨮꩃ ꨘꨈꨮꩉ꩝꩝ ꩔꩙꩞ ꨚꨓꨯꨱ ꨌꩌ ꨡꨯꩍ ꨤꨪꨈꨰꩍ ꨕꨫ ꨨꨓꨰ꩝ ꨀꨗꩀ ꨢꨶꨮꩆ ꨧꨳꩌ ꨝꨪꨗꨰ꩝ ꨡꨶꩀ ꨗꨫ ꨡꨶꩀ ꨀꨝꨪꩍ ꨕꨫ ꨌꩌ꩝꩝ ꩕꩐꩞ ꨋꩇ ꨨꨕꨳꨮꩇ ꨝꨩ ꨓꨟꨩ ꨆꨶꨮꩀ ꨕꨤꩌ꩝ ꨝꨳꨩ ꨛꨯꨮ ꨀꨗꩀ ꨌꩌ꩝ ꨕꨯꨱꩀ ꨚꩀ ꨆꨶꨮꩀ ꨤꨪꨊꨪꨥ꩝꩝ ꩕꩑꩞ ꨕꨯꨱꩀ ꨧꨯꨱꩃ ꨈꨮꩇ ꨢꨯꨱꩌ ꨨꨭꨩ ꨓꨯꨱꩌ ꨔꨭꩆ꩝ ꨛꨯꨮ ꨝꨳꨩ ꨀꨗꩀ ꨢꨶꨮꩆ꩝ ꨝꨵꨯꨱꩍ ꨟꩃ ꨐꨭꨩ ꨋꩇ ꨠꨣꨶꩀ꩝꩝ ꩕꩒꩞ ꨐꨭꨩ ꨆꨟꨴꨯꨱ ꨣꨶꩀ ꨨꨆꨪꩀ ꨚꨙꨪꩀ ꨓꨴꩀ꩝ ꨕꨨꨵꩀ ꨙꨪꩍ ꨤꨪꨚꨬ ꨓꨚꩀ꩝ ꨢꩃ ꨆꨴꨰꩀ ꨟꩀ ꨕꨨꨵꩀ꩝꩝ ꩕꩓꩞ ꨠꨢꩍ ꨛꨯꨮ ꨀꨗꨪꩅ ꨔꩆ ꨕꨨꨵꩀ ꨝꨳꩀ꩝ ꨤꨪꨆꨮꨭ ꨛꨯꨮ ꨓꩀ ꨆꨴꨰꩀ꩝ ꨕꨨꨵꩀ ꨆꨵꩍ ꨕꨫ ꨠꨓꨰ꩝꩝ ꩕꩔꩞ ꨛꨯꨮ ꨣꨟꨯꨮ ꨚꨮꩃ ꨨꨕꨳꨮꩇ ꨢꨶꨮꩆ ꨝꨳꨪ꩝ ꨓꩀ ꨆꨴꨰꩀ ꨆꨩ ꨠꨓꨰ꩝ ꨆꨳꨮꩃ ꨆꨩ ꨝꨳꨩ ꨢꨶꨮꩆ ꨆꨎꩇ꩝꩝ ꩕꩕꩞ ꨆꨴꨰꩀ ꨤꨪꨝꨭꩍ ꨈꨪꨗꨴꨮꩍ ꨛꨯꨮ ꨀꨝꨪꩍ ꨝꨳꩀ꩝ ꨝꨳꨩ ꨢꨶꨮꩆ ꨚꨙꨶꨮꩄ ꨨꨣꩀ꩝ ꨆꨩ ꨚꨓꨯꨱ ꨀꨳꨩ ꨐꨭꨩ ꨔꨮꨭ꩝꩝ ꩕꩖꩞ ꨝꨩ ꨝꨶꨮꩊ ꨙꨪꩀ ꨀꨨꨯꨱꩀ ꨓꨟꩆ ꨣꨪꨝꨭꨥ꩝ ꨟꨮꨣꨰ ꨥꨮꩀ ꨢꨮꨭ ꨕꨨꨵꨮꨭ꩝ ꨧꨩ ꨨꨓꨰ ꨕꨮꩃ ꨟꨮꨧꨭꩍ꩝꩝ ꩕꩗꩞ ꨝꨶꨮꩊ ꨌꩌ ꨠꨓꨰ ꨣꨪꨝꨭꨥ ꨣꨪꨝꨭꨥ ꨣꨪꨓꨭꩍ꩝ ꨌꩌ ꨌꨳꨪꩇ ꨅꩍ ꨧꨗꩍ꩝ ꨤꨪꨨꨪꩀ ꨀꨝꨪꩍ ꨚꨓꨯꨱ ꨛꨯꨮ ꨝꨳꨩ꩝꩝꩝