ꨗꨫ ꨕꨤꨆꩊ ꨎꨩ ꨟꨓꨩ ꨚꨵꨮꩀ ꨤꨪꨆꨭꩀ ꨕꨫ ꨡꨯꩍ ꨎꨤꩆ ꨆꨳꨮꩃ ꨗꨯꨱ ꨅꨩ꩝ ꨝꨵꨯꨱꩍ ꨐꨭꨩ ꨎꩀ ꨣꨤꨯꨩ꩝ ꨘꩆ ꨟꩃ ꨕꨯꩌ ꨕꩌ ꨕꨣꨩ ꨕꨯꨱꩀ ꨧꨩ ꨚꨤꨬ ꨧꨯꨱꩃ ꨐꨭꨩ ꨝꨩ ꨐꨭꨩ ꨗꨯꨱ ꨟꨁꩆ ꨧꨯꨱꩃ ꨆꨭꨟꨬ ꨚꩀ ꨚꨤꨬ ꨂꨣꩃ꩝ ꨘꩆ ꨟꩃ ꨕꨯꩌ ꨀꨕꨬ ꨦꨄꨰ ꨕꩌ ꨕꨣꨩ ꨕꨯꨱꩀ ꨧꨩ ꨚꨤꨬ ꨧꨯꨱꩃ ꨐꨭꨩ ꨝꨩ ꨐꨭꨩ ꨗꨯꨱ ꨟꨁꩆ ꨈꨶꨮꩆ ꨗꨯꨱ ꨟꨁꩆ ꨘꩆ ꨕꨯꩌ ꨀꨕꨬ ꨦꨄꨰ ꨂꨣꩃ ꨕꨶꨬ ꨐꨭꨩ ꨗꨯꨱ ꨟꨁꩆ꩝ ꨓꨮꩊ ꨨꨕꩍ ꨚꨈꨯꨮ ꨝꨵꨯꨱꩍ ꨕꨯꩌ ꨀꨕꨬ ꨦꨄꨰ ꨕꨶꨬ ꨐꨭꨩ ꨥꨮꩀ ꨟꨰ ꨧꩃ꩝ ꨕꨫ ꨕꩀ ꨨꨣꨬ ꨕꨫ ꨕꩀ ꨡꨮꩃ ꨂꨣꩃ ꨕꨶꨬ ꨐꨭꨩ ꨟꨪꩆ꩝ ꨓꨮꩊ ꨧꨩ ꨨꨣꨬ ꨘꩆ ꨂꨣꩃ ꨕꨶꨬ ꨐꨭꨩ ꨗꨯꨱ ꨟꨁꩆ ꨝꨵꨯꨱꩍ ꨨꨕꩍ ꨟꩃ ꨚꨈꨯꨮ ꨂꨣꩃ ꨕꨮꩇ ꨕꨫ ꨐꨭꨩ ꨝꨵꨯꨱꩍ ꨂꨣꩃ ꨥꨮꩀ ꨟꨰ ꨧꩃ ꨂꨣꩃ ꨕꨫ ꨨꨭꨩ ꨕꨶꨬ ꨐꨭꨩ ꨥꨮꩀ ꨟꨰ ꨧꩃ ꨓꨴꨩ ꨅꨩ ꨝꨣꨭꨥ ꨟꩃ ꨐꨭꨩ ꨕꨯꨱꩀ ꨥꩉ ꨈꨵꨰ ꨕꨫ ꨕꨤꩌ ꨚꨈꨩ ꨧꩃ ꨂꨣꩃ ꨘꩆ ꨎꨮ꩝ ꨝꨣꨭꨥ ꨟꩃ ꨐꨭꨩ ꨋꩇ ꨨꨝꩉ ꨕꨫ ꨎꨳꨮꩃ ꨓꨴꨩ ꨅꨩ ꨝꨣꨭꨥ ꨟꩃ ꨐꨭꨩ ꨋꩇ ꨠꨋꩇ ꨕꨭꨚꨩ ꨚꨈꨩ ꨂꨣꩃ ꨝꨵꨯꨱꩍ ꨐꨭꨩ ꨆꨳꨮꩃ ꨕꨶꩍ ꨚꨝꩍ ꨡꨮꩃ ꨎꩃ ꨝꨵꨯꨱꩍ ꨐꨭꨩ ꨆꨳꨮꩃ ꨓꨝꨳꩀ ꨗꨯꨱ ꨧꩃ ꨐꨭꨩ ꨝꨣꨭꨥ ꨟꩃ ꨅꩃ ꨛꨯꨮ ꨧꩃ ꨘꩆ ꨡꨯꩍ ꨐꨭꨩ ꨕꨯꨱꩀ ꨕꨭꨚꨩ ꨚꨈꨩ ꨘꩆ ꨝꨵꨯꨱꩍ ꨅꩃ ꨘꩆ ꨓꨊꨪ ꨤꩄ ꨆꨟꨶꨮꩆ ꨕꨯꨱꩀ ꨕꨚꨩ ꨚꨈꨩ ꨅꩃ ꨋꩇ ꨨꨈꨰꩀ ꨢꨮꨭ ꨘꩆ꩝ ꨘꩆ ꨟꩃ ꨐꨭꨩ ꨤꩄ ꨕꨨꨵꩀ ꨕꨭꨚꨩ ꨚꨈꨩ ꨅꩃ ꨀꨳꨮꩀ ꨕꨴꨮꩍ ꨚꨈꨩ ꨟꨰꩀ ꨕꨨꨵꩀ ꨣꨬ꩝ ꨝꨵꨯꨱꩍ ꨅꩃ ꨘꩆ ꨓꨊꨪ ꨐꨭꨩ ꨤꩄ ꨆꨟꨶꨮꩆ ꨕꨯꨱꩀ ꨕꨭꨚꨩ ꨚꨈꨩ ꨅꩃ ꨆꨯꨱꨥ ꨚꨈꨩ ꨅꩃ ꨕꨴꨮꩍ ꨚꨈꨩ ꨆꨟꨶꨮꩆ ꨣꨬ꩝ ꨝꨣꨭꨥ ꨟꩃ ꨐꨭꨩ ꨤꩄ ꨥꨮꩀ ꨤꩄ ꨚꨈꨩ ꨅꩃ ꨕꨴꨮꩍ ꨚꨈꨩ ꨟꨰꩀ ꨕꨨꨵꩀ ꨚꨈꨩ ꨗꨫ ꨅꩃ ꨚꨈꨩ ꨒꨮꩇ ꨟꨪꩆ ꨧꨩ ꨟꨓꨩ ꨘꩌ ꨚꨵꨭꩍ ꨕꨭꨚꨩ꩝ ꨅꩃ ꨚꨈꨩ ꨟꨓꨩ ꨚꨈꨩ ꨗꨫ ꨒꨮꩇ ꨕꨤꩌ ꨀꨈꩊ ꨕꨨꨵꩀ ꨎꨮ꩝ ꨟꩃ ꨐꨭꨩ ꨕꨫ ꨡꨯꩍ ꨟꨓꨩ ꨆꨳꨮꩃ ꨗꨯꨱ ꨅꨩ ꨝꨵꨯꨱꩍ ꨐꨭꨩ ꨋꩇ ꨠꨋꩇ ꨕꨭꨚꨩ ꨚꨈꨩ ꨟꨪꩆ꩝ ꨝꨣꨭꨥ ꨟꩃ ꨐꨭꨩ ꨕꨭꨚꨩ ꨚꨈꨩ ꨗꨯꨱ ꨎꨰꩀ ꨅꩃ ꨘꩆ ꨅꩃ ꨘꩆ ꨕꨯꨱꩀ ꨚꨆꨰꩀ ꨈꨗꨳꨮꩇ ꨣꨕꨰꩍ ꨝꨣꨭꨥ ꨟꩃ ꨐꨭꨩ ꨕꨯꨱꩀ ꨙꨯꩌ ꨧꨯꨱꩃ ꨅꩃ ꨘꩆ ꨓꩀ ꨘꩆ ꨎꨮ ꨝꨵꨯꨱꩍ ꨅꩃ ꨘꩆ ꨕꨫ ꨔꨮꨭ ꨆꨩ ꨐꨭꨩ ꨟꨓꨩ ꨚꨵꨮꩀ ꨤꨪꨆꨭꩀ ꨅꨩ꩝ ꨝꨣꨭꨥ ꨟꩃ ꨅꩃ ꨘꩆ ꨗꨯꨱ ꨟꩀ ꨙꨶꨮꩆ ꨨꨤꨩ ꨕꨤꩌ ꨧꩃ ꨆꨳꨮꩃ ꨝꨩ ꨟꨰ ꨚꨢꩀ ꨐꨭꨩ꩝ ꨝꨵꨯꨱꩍ ꨐꨭꨩ ꨕꨯꨱꩀ ꨚꩀ ꨘꩆ ꨝꨵꨯꨱꩍ ꨐꨭꨩ ꨟꩀ ꨈꨰ ꨤꨯꩃ ꨐꨭꨩ ꨚꨮꩃ ꨕꨫ ꨈꨰ ꨚꨤꩍ ꨅꩃ ꨚꨆꨰꩀ ꨈꨗꨳꨮꩇ ꨣꨕꨰꩍ ꨆꨴꨭꩃ ꨅꩃ ꨘꩆ ꨚꨆꨰꩀ ꨘꩆ ꨝꨵꨯꨱꩍ ꨆꨳꨮꩉ ꨓꨚꨩ ꨕꨫ ꨅꩃ ꨘꩆ ꨚꨆꨰꩀ ꨘꩆ ꨝꨣꨭꨥ ꨟꩃ ꨅꩃ ꨘꩆ ꨚꨯꩀ ꨙꨶꨮꩆ ꨨꨤꨩ ꨝꨩ ꨟꨰ ꨆꨩ ꨐꨭꨩ ꨡꨮꩃ ꨝꨵꨯꨱꩍ ꨅꩃ ꨘꩆ ꨟꨯꨱꩃ ꨡꨯꩍ ꨈꨗꨳꨮꩇ ꨣꨕꨰꩍ ꨘꩆ ꨆꨳꨮꩉ ꨧꨯꨱꩃ ꨅꩃ ꨘꩆ ꨡꨯꩍ ꨧꨭꨤꨩ ꨆꨴꨭꩃ ꨐꨭꨩ ꨆꨶꨮꩄ ꨟꨰ ꨓꨭꩍ ꨚꩀ ꨘꩆ ꨧꨩ ꨤꨁ ꨓꨴꨩ ꨝꨵꨯꨱꩍ ꨅꩃ ꨘꩆ ꨓꨊꨪ ꨐꨭꨩ ꨤꩄ ꨧꨬ ꨔꨰꩍ ꨈꨗꨳꨮꩇ ꨗꨫ ꨝꨵꨯꨱꩍ ꨚꨆꨳꨮꩉ ꨥꨮꩀ ꨆꨳꨮꩉ ꨓꨚꨩ ꨕꨫ ꨅꩃ ꨢꨮꨭ ꨗꨫ ꨆꨟꨶꨮꩆ꩝ ꨝꨵꨯꨱꩍ ꨐꨭꨩ ꨤꩄ ꨕꨨꨵꩀ ꨟꨪꩆ ꨕꨯꨱꩀ ꨔꨰꩍ ꨟꨁꩆ ꨝꨵꨯꨱꩍ ꨚꨆꨰꩀ ꨈꨗꨳꨮꩇ ꨗꨫ ꨀꨳꨮꩀ ꨆꨳꨮꩉ ꨣꨬ꩝ ꨝꨣꨭꨥ ꨟꩃ ꨅꩃ ꨘꩆ ꨕꨫ ꨔꨮꨭ ꨤꩄ ꨆꨩ ꨐꨭꨩ ꨆꨶꨮꩄ ꨧꨭꨤꨩ ꨆꨴꨭꩃ ꨅꩃ ꨘꩆ ꨔꨰꩍ ꨟꨰ ꨌꨰꩀ ꨚꩀ ꨘꩆ ꨅꨩ ꨝꨵꨯꨱꩍ ꨐꨭꨩ ꨟꩀ ꨈꨰ ꨤꨯꩃ ꨝꨵꨯꨱꩍ ꨐꨭꨩ ꨚꨮꩃ ꨅꨩ꩝ ꨅꩃ ꨘꩆ ꨤꩄ ꨐꨭꨩ ꨔꨰꩍ ꨟꨪꩆ꩝ ꨝꨵꨯꨱꩍ ꨅꩃ ꨘꩆ ꨤꩄ ꨐꨭꨩ ꨉꨮꩍ ꨢꨮꨭ ꨅꩃ ꨘꩆ ꨝꨣꨭꨥ ꨟꩃ ꨅꩃ ꨘꩆ ꨝꨴꨬ ꨀꨗꩀ ꨕꨣꨩ ꨅꩃ ꨘꩆ ꨆꨳꨮꩃ ꨐꨭꨩ꩝ ꨝꨣꨭꨥ ꨟꩃ ꨐꨭꨩ ꨆꨳꨮꩃ ꨀꨗꩀ ꨅꩃ ꨘꩆ ꨝꨵꨯꨱꩍ ꨐꨭꨩ ꨕꨯꨱꩀ ꨧꨯꨱꩃ ꨀꨗꩀ ꨅꩃ ꨘꩆ꩝ ꨐꨭꨩ ꨕꨯꨱꩀ ꨧꨯꨱꩃ ꨀꨗꩀ ꨅꩃ ꨘꩆ ꨕꨶꨩ ꨆꨵꨮꨭ ꨨꨣꨬ ꨝꨵꨯꨱꩍ ꨨꨕꩍ ꨟꩃ ꨚꨈꨯꨮ ꨝꨵꨯꨱꩍ ꨐꨭꨩ ꨗꨯꨱ ꨨꨒꨯꩊ ꨕꨴꨬ ꨚꩀ ꨤꨪꨆꨭꩀ ꨧꩃ ꨝꨵꨯꨱꩍ ꨐꨭꨩ ꨗꨯꨱ ꨈꨯꨱꩀ ꨝꨊꨭꩆ ꨀꨳꨩ ꨅꩃ ꨘꩆ ꨝꨵꨯꨱꩍ ꨓꨝꨵꨰꩅ ꨓꨆꨰ ꨐꨭꨩ ꨝꨵꨯꨱꩍ ꨤꨰꩀ ꨐꨭꨩ ꨓꨟꨩ ꨕꨤꩌ ꨝꨊꨭꩆ ꨀꨳꨩ ꨘꩆ꩝ ꨝꨵꨯꨱꩍ ꨐꨭꨩ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨋꩇ ꨨꨝꩉ ꨅꨩ ꨝꨔꩍ ꨀꨇꨩꩆ ꨝꨔꩍ ꨀꨥ ꨐꨭꨩ ꨀꨝꨪꩍ ꨧꨯꨱꩃ ꨝꨔꩍ ꨈꩌ ꨀꨆꨯꨱꩀ ꨈꩌ ꨓꨪꨐꨴꩀ ꨀꨆꩀ ꨀꨆꨯꨱꩀ ꨐꨭꨩ ꨀꨝꨪꩍ ꨝꩀ ꨈꨵꨭꩍ ꨝꨯꨱꩀ꩝ ꨝꨣꨭꨥ ꨟꩃ ꨐꨭꨩ ꨕꨯꨱꩀ ꨕꨤꩌ ꨝꨊꨭꩆ ꨘꩆ ꨎꨮ꩝ ꨘꩆ ꨟꩃ ꨨꨕꨳꨮꩇ ꨐꨭꨩ ꨟꨰ ꨏꨯꨱꩀ ꨀꨳꨩ ꨚꩀ ꨝꨊꨭꩆ ꨆꨳꨮꩃ ꨗꨯꨱ ꨓꨗꩀ꩝ ꨝꨣꨭꨥ ꨟꩃ ꨡꨯꩍ ꨐꨭꨩ ꨕꨯꨱꩀ ꨕꨤꩌ ꨝꨊꨭꩆ ꨀꨳꨩ ꨘꩆ꩝ ꨝꨵꨯꨱꩍ ꨨꨕꨳꨮꩇ ꨐꨭꨩ ꨓꨊꨪ ꨐꨭꨩ ꨤꩄ ꨨꨲꨩ ꨕꨯꨱꩀ ꨋꩇ ꨨꨈꨰꩀ ꨕꨤꩌ ꨝꨊꨭꩆ ꨢꨮꨭ ꨘꩆ꩝ ꨝꨵꨯꨱꩍ ꨐꨭꨩ ꨤꩄ ꨆꨮꨭ ꨕꨯꨱꩀ ꨆꨶꨯꩄ ꨝꨊꨭꩆ ꨥꨮꩀ꩝ ꨝꨊꨭꩆ ꨡꨯꩍ ꨕꨯꩌ ꨨꨣꨮꩀ ꨕꨯꩌ ꨣꨯꩌ ꨓꨧꨯꨱꩅ ꨘꨣꩀ ꨤꨯꨩ꩝ ꨐꨭꨩ ꨕꨯꨱꩀ ꨋꩇ ꨠꨋꩇ ꨝꨶꨪꩄ ꨨꨣꨮꩀ ꨕꨫ ꨕꨤꩌ ꨝꨊꨭꩆ ꨘꩆ ꨚꨣꩍ ꨓꨈꨯꩀ ꨓꨯꩀ ꨨꨕꨳꨮꩇ ꨐꨭꨩ ꨕꨫ ꨔꨮꨭ ꨤꩄ ꨆꨩ ꨐꨭꨩ ꨤꨰꩀ ꨕꨤꩌ ꨝꨊꨭꩆ ꨘꩆ ꨎꨶꨰ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨤꩄ ꨤꨶꨰ ꨆꨩ ꨕꨯꩌ ꨠꨗꨶꨪꩋ ꨂꨣꩃ ꨨꨕꨳꨮꩇ ꨐꨭꨩ ꨟꨰ ꨆꨶꨯꩄ ꨝꨊꨭꩆ ꨘꩆ ꨝꨰꩀ꩝ ꨘꩆ ꨟꩃ ꨐꨭꨩ ꨀꨶꨮꩆ ꨓꨝꨶꨮꩆ ꨕꨤꩌ ꨓꨳꩆ ꨐꨭꨩ꩝ ꨤꨀꩆ ꨓꨓꨮꩀ ꨕꨴꨬ ꨓꨓꨮꩀ ꨎꩆ ꨠꨎꨰꩀ ꨟꨓꨰ ꨕꨫ ꨕꨤꩌ ꨝꨊꨭꩆ ꨘꩆ꩝ ꨝꨵꨯꨱꩍ ꨐꨭꨩ ꨋꩇ ꨠꨋꩇ ꨙꨯꩌ ꨤꩄ ꨤꨶꨰ ꨆꨩ ꨐꨭꨩ ꨆꨶꩄ ꨝꨰꩀ꩝ ꨘꩆ ꨟꩃ ꨨꨕꨳꨮꩇ ꨐꨭꨩ ꨕꨫ ꨚꨮꩃ ꨅꨩ ꨝꨵꨯꨱꩍ ꨨꨕꨳꨮꩇ ꨐꨭꨩ ꨃꨥ ꨠꨗꨶꨪꩋ ꨂꨣꩃ ꨟꩀ ꨓꨆꨰ ꨈꨪꨑꩆ ꨝꨩ ꨟꨰ ꨝꨵꨯꨱꩍ ꨚꨓꨯꨱꩀ ꨕꨤꩌ ꨝꨊꨭꩆ ꨘꩆ ꨆꨩ ꨐꨭꨩ ꨙꨪꩀ ꨓꨈꨯꩀ ꨝꨵꨯꨱꩍ ꨨꨕꨳꨮꩇ ꨐꨭꨩ ꨝꨴꨬ ꨀꨇꨩꩆ ꨀꨥ ꨝꨣꨭꨥ ꨆꨩ ꨐꨭꨩ ꨀꨤꨪꩆ ꨕꨴꨬ ꨥꨮꩀ꩝ ꨝꨵꨯꨱꩍ ꨤꨶꨰ ꨆꨩ ꨠꨗꨶꨪꩋ ꨂꨣꩃ ꨐꨭꨩ ꨆꨶꨯꩄ ꨝꨊꨭꩆ ꨘꩆ ꨎꨮ꩝ ꨝꨣꨭꨥ ꨟꩃ ꨓꨮꩊ ꨨꨣꨬ ꨨꨕꨬ ꨨꨕꨳꨮꩇ ꨐꨭꨩ ꨗꨯꨱ ꨕꨣꩀ ꨓꨴꨭꩍ ꨝꨵꨯꨱꩍ ꨧꨭꨠꨩ ꨐꨭꨩ ꨓꨯꨱꩍ ꨤꨪꨔꨬ ꨝꨭꩍ ꨕꨫ ꨧꨤꨯꨱ ꨚꨯꩀ ꨝꨩ ꨟꨰ ꨆꨩ ꨐꨭꨩ ꨨꨶꩀ꩝ ꨧꨭꨠꨩ ꨐꨭꨩ ꨚꨯꩀ ꨧꨤꨯꨱ ꨤꨪꨔꨬ ꨘꩆ ꨝꨩ ꨟꨰ ꨌꨰꩀ ꨕꨫ ꨊꨯꨱꩀ ꨌꨘꩃ ꨕꨤꩌ ꨧꩃ ꨈꩆ ꨘꩆ ꨆꨩ ꨐꨭꨩ ꨝꨵꨯꨱꩍ ꨧꨭꨠꨩ ꨐꨭꨩ ꨤꩄ ꨧꨯꨱꩃ ꨐꨭꨩ ꨤꩄ ꨨꨕꨳꨮꩇ ꨨꨲꨩ ꨗꨯꨱ ꨕꨣꩀ ꨧꨶꨰ ꨟꨰ ꨣꨤꨯꨩ ꨝꨵꨯꨱꩍ ꨟꩀ ꨝꨭꩍ ꨤꨪꨔꨬ ꨆꨩ ꨨꨲꨩ ꨨꨶꩀ꩝ ꨝꨵꨯꨱꩍ ꨧꨭꨠꨩ ꨐꨭꨩ ꨓꨝꨳꩀ ꨟꨰ ꨚꩀ ꨤꨪꨊꨪꨥ ꨝꨵꨯꨱꩍ ꨐꨭꨩ ꨕꨫ ꨔꨮꨭ ꨅꨩ꩝ ꨝꨣꨭꨥ ꨟꩃ ꨀꨔꨮꨭ ꨓꨟꨩ ꨗꨯꨱ ꨡꨮꩃ ꨤꨪꨔꨬ ꨕꨫ ꨧꨤꨯꨱ ꨘꩆ ꨝꨵꨯꨱꩍ ꨐꨭꨩ ꨕꨫ ꨔꨮꨭ ꨅꨩ ꨐꨭꨩ ꨚꨯꨍꨯꩌ ꨤꩄ ꨧꨭꨠꨩ ꨐꨭꨩ ꨕꨯꨱꩀ ꨝꨭꩍ ꨤꨪꨔꨬ ꨟꨪꩆ ꨐꨭꨩ ꨕꨫ ꨔꨮꨭ ꨤꩄ ꨆꨩ ꨀꨔꨮꨭ ꨘꩆ ꨕꨯꨱꩀ ꨡꨮꩃ ꨤꨪꨔꨬ ꨕꨫ ꨧꨤꨯꨱ ꨘꩆ ꨅꨩ꩝ ꨝꨣꨭꨥ ꨟꩃ ꨐꨭꨩ ꨕꨯꨱꩀ ꨐꨭꨩ ꨓꩀ ꨘꩆ ꨎꨮ ꨐꨭꨩ ꨕꨫ ꨨꨶꩀ ꨅꨩ꩝ ꨘꩆ ꨟꩃ ꨀꨔꨮꨭ ꨘꩆ ꨡꨮꩃ ꨀꨝꨪꩍ ꨤꨪꨔꨬ ꨕꨫ ꨧꨤꨯꨱ ꨘꩆ ꨝꨵꨯꨱꩍ ꨀꨔꨮꨭ ꨘꩆ ꨕꨯꨱꩀ ꨤꨳꩍ ꨚꨊꨪꩆ ꨘꩆ ꨝꨵꨯꨱꩍ ꨧꨭꨠꨩ ꨐꨭꨩ ꨟꨰ ꨀꨳꨮꩀ ꨐꨭꨩ ꨨꨶꩀ ꨝꨵꨯꨱꩍ ꨚꨎꨮ ꨨꨰ ꨤꩄ ꨕꨫ ꨆꨩ ꨅꨩ ꨝꨵꨯꨱꩍ ꨧꨭꨠꨩ ꨐꨭꨩ ꨆꨳꨮꩃ ꨚꨯꩀ ꨧꨤꨯꨱ ꨤꨪꨔꨬ ꨘꩆ ꨆꨳꨮꩃ ꨗꨯꨱ ꨣꨟꨪꩀ꩝ ꨝꨣꨭꨥ ꨟꩃ ꨧꨭꨠꨩ ꨐꨭꨩ ꨟꨰ ꨡꨯꩍ ꨀꨔꨮꨭ ꨕꨯꨱꩀ ꨤꨳꩍ ꨚꨊꨪꩆ ꨘꩆ ꨝꨵꨯꨱꩍ ꨧꨭꨠꨩ ꨐꨭꨩ ꨓꨳꩇ ꨀꨔꨮꨭ ꨘꩆ ꨝꨵꨯꨱꩍ ꨀꨔꨮꨭ ꨙꨶꨮꩄ ꨓꨝꨳꩀ ꨝꨵꨯꨱꩍ ꨧꨭꨠꨩ ꨐꨭꨩ ꨓꨊꨪ ꨐꨭꨩ ꨤꩄ ꨀꨗꩀ ꨨꨶꩀ ꨝꨵꨯꨱꩍ ꨚꨎꨮ꩝ ꨐꨭꨩ ꨤꩄ ꨕꨨꨵꩀ ꨨꨶꩀ ꨝꨵꨯꨱꩍ ꨚꨎꨮ꩝ ꨧꨭꨠꨩ ꨐꨭꨩ ꨤꨪꨎꩃ ꨕꨫ ꨔꨮꨭ ꨤꩄ ꨀꨔꨮꨭ ꨡꨮꩃ ꨤꨪꨔꨬ ꨘꩆ ꨅꨩ ꨚꨍꨯꩌ ꨤꩄ ꨐꨭꨩ ꨨꨶꩀ ꨤꨪꨔꨬ ꨘꩆ ꨟꨪꩆ꩝ ꨝꨣꨭꨥ ꨟꩃ ꨧꨭꨠꨩ ꨐꨭꨩ ꨚꨯꩀ ꨧꨤꨯꨱ ꨘꩆ ꨗꨯꨱ ꨣꨟꨪꩀ꩝ ꨘꩆ ꨟꩃ ꨨꨕꨳꨮꩇ ꨐꨭꨩ ꨟꨰ ꨟꩃ ꨕꨣꩀ ꨝꨵꨯꨱꩍ ꨨꨕꨳꨮꩇ ꨐꨭꨩ ꨓꨊꨪ ꨐꨭꨩ ꨤꩄ ꨨꨶꩀ ꨚꨎꨮ ꨨꨰ ꨤꩄ ꨕꨫ ꨆꨩ ꨨꨶꩀ ꨅꨩ꩝ ꨐꨭꨩ ꨙꨯꩌ ꨚꨈꩅ ꨨꨕꨳꨮꩇ ꨐꨭꨩ ꨤꩄ ꨐꨭꨩ ꨨꨶꩀ ꨝꨵꨯꨱꩍ ꨚꨎꨮ꩝ ꨐꨭꨩ ꨕꨫ ꨙꨯꩌ ꨓꨚꩀ ꨧꨯꨱꩃ ꨨꨕꨳꨮꩇ ꨐꨭꨩ ꨅꨩ ꨐꨭꨩ ꨨꨶꨮꩄ ꨆꨙꨩ ꨆꨩ ꨨꨕꨳꨮꩇ ꨐꨭꨩ ꨔꨮꨭ ꨤꩄ ꨆꨩ ꨐꨭꨩ ꨓꨈꨵꨯꨱꩍ꩝ ꨝꨣꨭꨥ ꨟꩃ ꨓꨮꩊ ꨨꨣꨬ ꨨꨕꨬ ꨨꨕꨳꨮꩇ ꨐꨭꨩ ꨗꨯꨱ ꨕꨣꩀ ꨥꨮꩀ ꨧꨩ ꨡꨮꩃ ꨓꨴꨩ ꨝꨵꨯꨱꩍ ꨧꨭꨠꨩ ꨐꨭꨩ ꨚꨯꩀ ꨤꨪꨔꨬ ꨝꨩ ꨟꨰ ꨆꨩ ꨐꨭꨩ ꨨꨶꩀ꩝ ꨧꨭꨠꨩ ꨐꨭꨩ ꨚꨯꩀ ꨧꨤꨯꨱ ꨤꨪꨔꨬ ꨟꨰ ꨌꨰꩀ ꨕꨫ ꨊꨯꨱꩀ ꨌꨘꩃ ꨘꩆ ꨝꨵꨯꨱꩍ ꨧꨭꨠꨩ ꨐꨭꨩ ꨓꨝꨳꩀ ꨗꨯꨱ ꨟꩀ ꨚꨊꨪꩆ ꨀꨳꨩ ꨨꨝꨰ ꨝꨩ ꨟꨰ ꨆꨩ ꨐꨭꨩ ꨨꨶꩀ꩝ ꨝꨵꨯꨱꩍ ꨐꨭꨩ ꨕꨯꨱꩀ ꨚꩀ ꨘꩆ ꨐꨭꨩ ꨟꩀ ꨈꩉ ꨎꨯꨱꩃ ꨝꨵꨯꨱꩍ ꨐꨭꨩ ꨕꨯꨱꩀ ꨆꨴꩀ ꨀꨔꨮꨭ ꨆꨴꨭꩃ ꨡꨮꩃ ꨤꨪꨔꨬ ꨐꨭꨩ ꨟꩃ ꨨꨣꨬ ꨕꨨꨵꨮꨭ꩝ ꨝꨣꨭꨥ ꨟꩃ ꨧꨭꨠꨩ ꨐꨭꨩ ꨝꨩ ꨚꨊꨪꩆ ꨀꨳꨩ ꨨꨝꨰ ꨟꨰ ꨆꨩ ꨐꨭꨩ ꨝꨵꨯꨱꩍ ꨧꨭꨠꨩ ꨐꨭꨩ ꨌꨰꩀ ꨚꨊꨪꩆ ꨀꨳꨩ ꨨꨝꨰ ꨘꩆ ꨕꨫ ꨧꨤꨯꨱ ꨘꩆ ꨝꨵꨯꨱꩍ ꨕꨘꩈ ꨆꨴꨰꩂ꩝ ꨝꨵꨯꨱꩍ ꨐꨭꨩ ꨠꨨꨪꩅ ꨕꨘꩈ ꨕꨫ ꨧꨤꨯꨱ ꨘꩆ ꨆꨴꨰꩂ ꨐꨭꨩ ꨕꨫ ꨔꨮꨭ ꨤꩄ ꨧꨭꨠꨩ ꨐꨭꨩ ꨅꨩ ꨐꨭꨩ ꨚꨍꨯꩌ ꨤꩄ ꨀꨔꨮꨭ ꨕꨯꨱꩀ ꨡꨮꩃ ꨤꨪꨔꨬ ꨐꨭꨩ ꨝꨵꨯꨱꩍ ꨐꨭꨩ ꨈꨤꩌ ꨈꩉ ꨎꨯꨱꩃ ꨟꨰ ꨝꨵꨯꨱꩍ ꨐꨭꨩ ꨀꨓꨯꨱꩃ ꨟꨭꩀ ꨧꨭꨠꨩ ꨐꨭꨩ ꨙꨮ ꨢꩀ ꨙꨮ ꨤꨰꩀ ꨐꨭꨩ ꨀꨓꨯꨱꩃ ꨕꨶꨩ ꨆꨵꨮꨭ ꨡꨮꩃ ꨤꨰꩀ ꨝꨵꨯꨱꩍ ꨟꨭꩀ ꨧꨭꨠꨩ ꨐꨭꨩ ꨚꨴꨯꨮꨥ ꨘꩆ ꨟꩃ ꨐꨭꨩ ꨤꨶꨰ꩝ ꨝꨣꨭꨥ ꨟꩃ ꨐꨭꨩ ꨕꨯꨱꩀ ꨧꨗꩃ ꨛꨩꨄꨰꩍ ꨛꨩꨀꨯꨱꩍ ꨥꨮꩀ ꨆꨩ ꨧꨭꨠꨩ ꨐꨭꨩ ꨆꨢꨶꨩ ꨐꨭꨩ ꨀꨓꨯꨱꩃ ꨓꨝꨵꨰꩅ ꨐꨭꨩ ꨚꨍꨯꩌ ꨤꩄ ꨀꨔꨮꨭ꩝ ꨘꩆ ꨟꩃ ꨐꨭꨩ ꨕꨯꨱꩀ ꨈꨙꨮꩃ ꨐꨭꨩ ꨎꨮ ꨧꨕꨯꨮꩍ ꨐꨭꨩ ꨅꨩ ꨙꨯꩌ ꨧꨗꨪ ꨐꨭꨩ ꨅꨩ ꨙꨯꩌ ꨢꩍ ꨤꨪꨔꨬ ꨘꩆ ꨤꨪꨎꩃ ꨐꨭꨩ ꨅꨩ ꨨꨶꩀ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨟꨰ ꨟꩃ ꨕꨣꩀ ꨝꨵꨯꨱꩍ ꨧꨭꨠꨩ ꨐꨭꨩ ꨀꨇꨩꩆ ꨧꨯꨱꩃ ꨨꨕꨳꨮꩇ ꨐꨭꨩ ꨝꨵꨯꨱꩍ ꨨꨕꨳꨮꩇ ꨐꨭꨩ ꨓꨊꨪ ꨐꨭꨩ ꨤꩄ ꨒꨮꩇ ꨨꨈꨰꩀ ꨝꨵꨯꨱꩍ ꨨꨲꨩ ꨗꨯꨱ ꨀꨓꨯꨱꩃ ꨟꨰꩀ ꨆꨮꨭ꩝ ꨝꨣꨭꨥ ꨟꩃ ꨐꨭꨩ ꨤꩄ ꨀꨕꩅ ꨆꨮꨭ ꨨꨲꨩ ꨨꨕꨳꨮꩇ ꨘꩆ ꨚꨳꨯꨮꩍ ꨆꨩ ꨨꨕꨳꨮꩇ ꨆꨮꨭ ꨚꨯꩀ ꨧꨤꨯꨱ ꨤꨪꨔꨬ ꨆꨩ ꨆꨮꨭ ꨨꨶꩀ ꨘꩆ ꨟꩃ ꨒꨮꩇ ꨀꨕꩅ꩝ ꨀꨣꩀ ꨗꨫ ꨟꨰꩀ ꨨꨲꨩ ꨎꨳꨮꩃ ꨧꨭꨠꨩ ꨋꩇ ꨢꨮꨭ ꨎꨳꨮꩃ ꨟꨰꩀ ꨆꨮꨭ ꨝꨵꨯꨱꩍ ꨟꨰꩀ ꨨꨲꨩ ꨗꨯꨱ ꨚꨯꩀ ꨤꨪꨔꨬ ꨆꨩ ꨆꨮꨭ ꨨꨶꩀ ꨘꩆ ꨕꨫ ꨒꨮꩇ ꨀꨕꩅ ꨅꨩ ꨀꨇꨪꩆ ꨝꨪꨆꩊ ꨣꨤꨯꨩ ꨧꨯꨱꩃ ꨀꨈꩌ ꨧꨯꨱꩃ ꨟꨰꩀ ꨨꨲꨩ꩝ ꨝꨵꨯꨱꩍ ꨀꨣꩀ ꨗꨫ ꨟꨰꩀ ꨨꨲꨩ ꨎꨳꨮꩃ ꨧꨭꨠꨩ ꨝꨵꨯꨱꩍ ꨟꨰꩀ ꨨꨲꨩ ꨕꨫ ꨔꨮꨭ ꨀꨕꩅ ꨅꨩ ꨆꨮꨭ ꨀꨓꨯꨱꩃ ꨎꨮ꩝ ꨝꨣꨭꨥ ꨟꩃ ꨧꨭꨠꨩ ꨐꨭꨩ ꨗꨯꨱ ꨢꩀ ꨐꨭꨩ ꨚꩀ ꨛꨯꨮ ꨈꨗꨶꨮꩉ ꨤꨪꨎꩃ ꨛꨯꨮ ꨙꨯꩌ ꨢꨮꨭ ꨚꨗꨶꨮꩄ ꨐꨭꨩ ꨙꨯꩌ ꨘꩆ ꨣꨬ꩝ ꨝꨣꨭꨥ ꨟꩃ ꨧꨭꨠꨩ ꨐꨭꨩ ꨥꨮꩀ ꨟꨰ ꨧꩃ ꨝꨵꨯꨱꩍ ꨧꨭꨠꨩ ꨐꨭꨩ ꨠꨢꨯꨱꩌ ꨐꨭꨩ ꨥꨮꩀ꩝ ꨘꩆ ꨟꩃ ꨓꨮꩊ ꨨꨣꨬ ꨨꨕꨬ ꨝꨵꨯꨱꩍ ꨧꨭꨠꨩ ꨤꨪꨆꨬ ꨐꨭꨩ ꨚꨙꩉ ꨐꨭꨩ ꨝꨩ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ ꨗꨯꨱ ꨓꩀ ꨝꨯꨱꩍ ꨤꨪꨋꩆ꩝ ꨝꨣꨭꨥ ꨟꩃ ꨐꨭꨩ ꨝꨩ ꨠꨗꨶꨪꩋ ꨂꨣꩃ ꨐꨭꨩ ꨗꨯꨱ ꨓꨮꩊ ꨊꨯꨱꩀ ꨣꨤꨯꩃ ꨐꨭꨩ ꨙꨯꩌ ꨚꨈꩅ ꨠꨗꨶꨪꩋ ꨂꨣꩃ ꨐꨭꨩ ꨤꩄ ꨐꨭꨩ ꨨꨶꨮꩄ ꨕꨫ ꨈꨵꨰ ꨣꨤꨯꨩ ꨝꨴꨬ ꨆꨩ ꨐꨭꨩ ꨗꨯꨱ ꨆꨴꨲꩍ ꨝꨰꩀ꩝ ꨝꨣꨭꨥ ꨟꩃ ꨠꨗꨶꨪꩋ ꨂꨣꩃ ꨐꨭꨩ ꨝꨴꨬ ꨆꨩ ꨐꨭꨩ ꨗꨯꨱ ꨆꨴꨲꩍ꩝ ꨝꨵꨯꨱꩍ ꨐꨭꨩ ꨙꨯꩌ ꨚꨈꩅ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ ꨤꩄ ꨀꨕꩅ ꨕꨴꨬ ꨗꨯꨱ ꨈꨵꨰ ꨘꩆ ꨙꨯꩌ ꨨꨰ ꨓꨯꩀ ꨧꨭꨠꩃ ꨈꨵꨰ꩝ ꨝꨣꨭꨥ ꨟꩃ ꨠꨗꨶꨪꩋ ꨂꨣꩃ ꨐꨭꨩ ꨙꨯꩌ ꨚꨆꨴꨲꨩ ꨆꨵꨯꨱ ꨣꩍ ꨎꨤꩆ ꨗꨯꨱ ꨝꨵꨯꨱꩍ ꨐꨭꨩ ꨠꨨꨪꩅ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ ꨙꨯꩌ ꨝꨵꨯꨱꩍ ꨐꨭꨩ ꨓꨶꨬ ꨆꨵꨯꨱꩆ ꨠꨗꨶꨪꩋ ꨂꨣꩃ ꨐꨭꨩ꩝ ꨘꩆ ꨟꩃ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ ꨗꨯꨱ ꨡꨯꩍ ꨝꨯꨱꩍ ꨤꨪꨋꩆ ꨝꨵꨯꨱꩍ ꨠꨗꨶꨪꩋ ꨂꨣꩃ ꨐꨭꨩ ꨙꨯꩌ ꨧꨯꨱꩃ ꨐꨭꨩ ꨤꩄ ꨝꨯꨱꩍ ꨤꨪꨋꩆ ꨘꩆ ꨓꩀ ꨨꨭꨩ ꨣꨬ ꨐꨭꨩ ꨤꩄ ꨓꩀ ꨨꨭꨩ ꨟꨪꩆ꩝ ꨝꨣꨭꨥ ꨟꩃ ꨠꨗꨶꨪꩋ ꨂꨣꩃ ꨐꨭꨩ ꨓꩀ ꨝꨯꨱꩍ ꨤꨪꨋꩆ ꨘꩆ꩝ ꨠꨗꨶꨪꩋ ꨂꨣꩃ ꨐꨭꨩ ꨓꩀ ꨝꨯꨱꩍ ꨤꨪꨋꩆ ꨘꩆ ꨝꨵꨯꨱꩍ ꨠꨗꨶꨪꩋ ꨂꨣꩃ ꨐꨭꨩ ꨚꨙꩉ ꨐꨭꨩ ꨓꨣꩍ꩝ ꨝꨵꨯꨱꩍ ꨐꨭꨩ ꨚꨶꨮꩄ ꨚꨈꩅ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ꩝ ꨐꨭꨩ ꨤꩄ ꨐꨭꨩ ꨚꨙꨪꩀ ꨓꨳꩆ ꨣꨤꨯꨩ ꨕꨯꩌ ꨀꨕꨬ ꨦꨄꨰ ꨓꨣꩍ ꨚꨝꨯꨱꩍ ꨗꨯꨱ ꨝꨰꩀ ꨚꨳꨯꨮꩍ ꨆꨩ ꨕꨨꨵꩀ ꨖꨪꩅ ꨚꨙꨪꩀ ꨓꨳꩆ ꨝꨵꨯꨱꩍ ꨕꨨꨵꩀ ꨓꨣꩍ ꨚꨧꨳꩌ ꨥꨮꩀ꩝ ꨝꨣꨭꨥ ꨟꩃ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ ꨓꨣꩍ ꨝꨯꨱꩍ ꨤꨪꨋꩆ ꨘꩆ ꨝꨵꨯꨱꩍ ꨠꨗꨶꨪꩋ ꨂꨣꩃ ꨐꨭꨩ ꨧꨯꨱꩃ ꨐꨭꨩ ꨈꨤꩌ ꨝꨯꨱꩍ ꨤꨪꨋꩆ ꨘꩆ ꨥꨮꩀ ꨗꨯꨱ ꨧꩃ꩝ ꨗꨯꨱ ꨨꨭꨩ ꨟꨓꩍ ꨎꨤꩆ ꨝꨵꨯꨱꩍ ꨎꨩ ꨟꨓꨩ ꨚꨵꨮꩀ ꨤꨪꨆꨭꩀ ꨋꩇ ꨠꨋꩇ ꨚꨙꨪꩀ ꨓꨳꩆ ꨝꨵꨯꨱꩍ ꨐꨭꨩ ꨙꨪꩍ ꨚꩀ ꨎꨤꩆ ꨎꨮ ꨝꨵꨯꨱꩍ ꨐꨭꨩ ꨚꨙꩉ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ ꨗꨯꨱ ꨧꩃ ꨕꨨꨵꨮꨭ ꨨꨤꨬ ꨐꨭꨩ ꨘꩆ ꨚꨙꨪꩀ ꨓꨳꩆ ꨣꨤꨯꨩ ꨤꨶꨰ ꨆꨩ ꨐꨭꨩ ꨗꨯꨱ ꨧꩃ ꨨꨕꨬ꩝ ꨝꨣꨭꨥ ꨟꩃ ꨠꨗꨶꨪꩋ ꨂꨣꩃ ꨐꨭꨩ ꨌꨰꩀ ꨥꨮꩀ ꨚꩀ ꨘꩆ ꨆꨩ ꨐꨭꨩ ꨧꨩ ꨡꨰꩀ ꨎꨯꨱꩃ ꨧꨯꨱꩃ ꨧꨩ ꨝꨯꨱꩍ ꨤꨪꨋꩆ ꨆꨴꨭꩃ ꨠꨗꨶꨪꩋ ꨐꨭꨩ ꨓꨣꩍ ꨚꨝꨯꨱꩍ ꨘꩆ꩝ ꨝꨣꨭꨥ ꨟꩃ ꨎꨩ ꨟꨓꨩ ꨚꨵꨮꩀ ꨤꨪꨆꨭꩀ ꨘꩆ ꨙꨪꩍ ꨚꩀ ꨎꨤꩆ ꨘꩆ ꨎꨮ꩝ ꨝꨵꨯꨱꩍ ꨐꨭꨩ ꨠꨨꨪꩅ ꨂꨣꩃ ꨙꨪꩀ ꨀꨧꨰꩍ ꨟꨰ ꨓꨶꨬ ꨎꨤꩆ ꨘꩆ ꨕꨶꨩ ꨂꨣꩃ ꨝꨵꨯꨱꩍ ꨐꨭꨩ ꨙꨪꩍ ꨚꨈꩆ ꨕꨴꨬ ꨐꨭꨩ ꨕꨫ ꨆꨴꨲꩍ ꨎꨤꩆ ꨘꩆ ꨝꨵꨯꨱꩍ ꨐꨭꨩ ꨆꨟꨴꨯꨱ꩝ ꨝꨣꨭꨥ ꨟꩃ ꨕꨶꨩ ꨅꩃ ꨘꩆ ꨓꨊꨪ ꨤꩄ ꨒꨮꩇ ꨨꨈꨰꩀ ꨆꨟꨶꨮꩆ ꨕꨯꨱꩀ ꨙꨪꩍ ꨕꨫ ꨎꨤꩆ ꨢꨮꨭ ꨗꨫ꩝ ꨝꨣꨭꨥ ꨟꩃ ꨐꨭꨩ ꨚꨈꩅ ꨕꨶꨩ ꨂꨣꩃ ꨅꩃ ꨘꩆ ꨤꩄ ꨐꨭꨩ ꨗꨯꨱ ꨓꩀ ꨝꨯꨱꩍ ꨤꨪꨋꩆ ꨝꨵꨯꨱꩍ ꨐꨭꨩ ꨈꨤꩌ ꨝꨯꨱꩍ ꨤꨋꩆ ꨘꩆ ꨟꨰ ꨓꨮꩊ ꨌꨟꨯꨱꩍ ꨘꩆ ꨝꨵꨯꨱꩍ ꨚꨙꨪꩀ ꨓꨳꩆ ꨐꨭꨩ ꨝꨵꨯꨱꩍ ꨐꨭꨩ ꨈꨤꩌ ꨝꨯꨱꩍ ꨤꨪꨋꩆ ꨘꩆ ꨗꨯꨱ ꨕꨫ ꨓꨴꨭꩍ ꨓꨴꨩ ꨅꨩ꩝ ꨝꨣꨭꨥ ꨟꩃ ꨕꨶꨩ ꨂꨣꩃ ꨅꩃ ꨘꩆ ꨓꨣꩍ ꨝꨯꨱꩍ ꨤꨋꩆ ꨘꩆ ꨚꨨꨒꨶꨮꩊ ꨆꨩ ꨐꨭꨩ ꨈꨤꩌ ꨕꨶꨩ ꨂꨣꩃ ꨅꩃ ꨘꩆ ꨓꨣꩍ ꨝꨯꨱꩍ ꨤꨪꨋꩆ ꨘꩆ ꨧꨳꩌ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨚꨈꩇ ꨅꨩ ꨝꨵꨯꨱꩍ ꨕꨶꨩ ꨂꨣꩃ ꨅꩃ ꨘꩆ ꨙꨪꩀ ꨀꨧꨰꩍ ꨗꨯꨱ ꨐꨭꨩ ꨎꨮ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨟꨰ ꨣꨯꨱꩀ ꨐꨭꨩ꩝ ꨨꨕꨳꨮꩇ ꨐꨭꨩ ꨟꨰ ꨡꨯꩍ ꨐꨭꨩ ꨕꨯꨱꩀ ꨕꨮꩃ ꨚꩀ ꨎꨤꩆ ꨘꩆ ꨧꨩ ꨕꨴꨬ ꨝꨵꨯꨱꩍ ꨐꨭꨩ ꨕꨯꨱꩀ ꨙꨯꩌ ꨧꨩ ꨕꨴꨬ ꨐꨭꨩ ꨤꩄ ꨨꨭꨩ ꨨꨕꨳꨮꩇ ꨆꨮꨭ ꨟꨰ ꨣꨯꨱꩀ ꨆꨮꨭ ꨨꨰ ꨢꨮꨭ ꨗꨫ꩝ ꨝꨵꨯꨱꩍ ꨨꨕꨳꨮꩇ ꨐꨭꨩ ꨟꨰ ꨓꨚꩀ ꨀꨘꩀ ꨐꨭꨩ ꨝꨵꨯꨱꩍ ꨐꨭꨩ ꨕꨫ ꨡꨯꩍ ꨆꨳꨮꩃ ꨈꨵꨮꩃ ꨅꨩ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨤꩄ ꨝꨳꩀ ꨔꨮꨭ ꨙꨯꩌ ꨟꨮꨋꩇ ꨨꨣꨮꩍ꩝ ꨕꨴꨬ ꨟꨰ ꨓꨚꩀ ꨀꨘꩀ ꨐꨭꨩ ꨎꨮ ꨝꨵꨯꨱꩍ ꨐꨭꨩ ꨋꩇ ꨟꨮꨋꩇ ꨕꨫ ꨡꨯꩍ ꨅꨩ ꨝꨵꨯꨱꩍ ꨐꨭꨩ ꨙꨯꩌ ꨤꩄ ꨨꨭꨩ ꨕꨴꨬ ꨟꨰ ꨣꨯꨱꩀ ꨐꨭꨩ ꨨꨰ꩝ ꨓꨯꩀ ꨕꨴꨬ ꨠꨨꨪꩅ꩝ ꨨꨕꨳꨮꩇ ꨐꨭꨩ ꨕꨫ ꨔꨮꨭ ꨤꩄ ꨆꨩ ꨐꨭꨩ ꨓꨈꨵꨯꨱꩍ ꨝꨵꨯꨱꩍ ꨕꨫ ꨡꨯꩍ ꨨꨕꨳꨮꩇ ꨐꨭꨩ ꨆꨳꨮꩃ ꨟꨯꨱꩃ ꨘꩆ ꨅꨩ꩝ ꨝꨣꨭꨥ ꨟꩃ ꨐꨭꨩ ꨤꩄ ꨆꨮꨭ ꨕꨫ ꨡꨯꩍ ꨅꨩ ꨨꨲꨩ ꨟꨰ ꨣꨯꨱꩀ ꨆꨮꨭ ꨝꨵꨯꨱꩍ ꨆꨮꨭ ꨆꨳꨮꩃ ꨙꨯꩌ ꨡꨶꩍ ꨆꩉ ꨆꨳꨮꩃ ꨆꨩ ꨨꨲꨩ ꨠꨨꨪꩅ ꨓꨯꩀ ꨨꨲꨩ ꨔꨮꨭ ꨤꩄ ꨆꨩ ꨆꨮꨭ ꨡꨶꩍ ꨆꩉ ꨨꨰ꩝ ꨟꩃ ꨐꨭꨩ ꨕꨫ ꨡꨯꩍ ꨨꨕꨳꨮꩇ ꨐꨭꨩ ꨟꨰ ꨣꨯꨱꩀ ꨐꨭꨩ ꨅꨩ ꨝꨵꨯꨱꩍ ꨐꨭꨩ ꨙꨯꩌ ꨚꨈꩅ ꨨꨕꨳꨮꩇ ꨐꨭꨩ ꨤꩄ ꨐꨭꨩ ꨡꨯꩍ ꨨꨕꨳꨮꩇ ꨐꨭꨩ ꨟꨰ꩝ ꨝꨣꨭꨥ ꨟꩃ ꨨꨕꨳꨮꩇ ꨓꨊꨪ ꨐꨭꨩ ꨤꩄ ꨘꩌ ꨨꨲꨩ ꨨꨰ ꨔꨬ ꨓꨣꩍ ꨝꨯꨱꩍ ꨤꨪꨋꩆ ꨗꨫ ꨝꨵꨯꨱꩍ ꨐꨭꨩ ꨙꨯꩌ ꨚꨈꩅ ꨨꨕꨳꨮꩇ ꨐꨭꨩ ꨤꩄ ꨐꨭꨩ ꨟꨪꩆ ꨓꨣꩍ ꨝꨯꨱꩍ ꨤꨪꨋꩆ ꨘꩆ꩝ ꨝꨣꨭꨥ ꨟꩃ ꨕꨶꨩ ꨨꨕꨳꨮꩇ ꨚꨧꩃ ꨐꨭꨩ ꨝꨩ ꨈꨮꩇ ꨗꨯꨱ ꨧꩃ ꨐꨭꨩ ꨚꨙꩉ ꨨꨕꨳꨮꩇ ꨐꨭꨩ ꨗꨯꨱ ꨕꨨꨵꨮꨭ ꨐꨭꨩ ꨗꨯꨱ ꨨꨕꨬ ꨟꨯꨱꩃ ꨈꨵꨰ ꨆꨵꨯꨱꨥ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨗꨯꨱ ꨕꨨꨵꨮꨭ ꨐꨭꨩ ꨈꨤꩌ ꨝꨯꨱꩍ ꨤꨪꨋꩆ ꨗꨯꨱ ꨨꨕꨬ ꨐꨭꨩ ꨗꨯꨱ ꨕꨫ ꨨꨟꨭꨩ ꨨꨕꨳꨮꩇ ꨐꨭꨩ ꨅꨩ ꨨꨕꨳꨮꩇ ꨐꨭꨩ ꨕꨯꩌ ꨕꨫ ꨕꨯꨱꩀ ꨌꩃ ꨐꨭꨩ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨚꨶꨮꩄ ꨆꨩ ꨐꨭꨩ ꨤꩄ ꨒꨮꩇ ꨨꨈꨰꩀ ꨝꨵꨯꨱꩍ ꨟꨰ ꨧꨶꨰ ꨣꨤꨯꨩ ꨢꨮꨭ ꨘꩆ꩝ ꨝꨵꨯꨱꩍ ꨐꨭꨩ ꨤꩄ ꨆꨮꨭ ꨤꨪꨟꨭꩀ ꨕꨫ ꨨꨲꨩ ꨡꨰꩀ ꨀꨇꨩꩆ ꨈꨵꨯꨱꩃ ꨣꨤꨯꨩ ꨆꨮꨭ ꨕꨫ ꨗꨯꨱ ꨎꨰꩀ ꨨꨲꨩ ꨅꨩ꩝ ꨀꨕꩅ ꨕꨴꨬ ꨎꨳꨮꩃ ꨆꨭꨟꨬ ꨕꨴꨬ ꨡꨰꩀ ꨀꨇꨩꩆ ꨚꨝꨴꨳꩍ ꨝꨣꨯꨱꩃ ꨓꨆꨰ ꨘꩆ ꨟꩃ ꨒꨮꩇ ꨕꨤꩌ ꨀꨈꩊ꩝꩝꩝ ꨐꨭꨩ ꨕꨫ ꨡꨯꩍ ꨎꨤꩆ ꨆꨳꨮꩃ ꨗꨯꨱ ꨅꨩ ꨝꨵꨯꨱꩍ ꨐꨭꨩ ꨋꩇ ꨟꨮꨋꩇ ꨙꨯꩌ ꨢꨮꨭ ꨘꩆ ꨓꨯꩀ ꨨꨕꨳꨮꩇ ꨐꨭꨩ ꨡꨰꩀ ꨀꨇꨩꩆ ꨓꨏꨰꩈ ꨝꨵꨯꨱꩍ ꨨꨕꨳꨮꩇ ꨐꨭꨩ ꨗꨯꨱ ꨓꨯꩀ ꨀꨇꨩꩆ ꨘꩆ ꨠꨐꨪ ꨆꨩ ꨐꨭꨩ ꨠꨨꨪꩅ ꨀꨇꨩꩆ ꨘꩆ ꨠꨐꨪ ꨝꨵꨯꨱꩍ ꨆꨩ ꨐꨭꨩ ꨆꨳꨮꩃ ꨓꨶꨬ ꨆꨵꨯꨱꩆ ꨨꨕꨳꨮꩇ ꨐꨭꨩ ꨟꨪꩆ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨚꨮꩃ ꨆꨭꨖꨩ ꨐꨭꨩ ꨝꨵꨯꨱꩍ ꨨꨕꨳꨮꩇ ꨐꨭꨩ ꨡꨰꩀ ꨀꨇꨩꩆ ꨚꨓꨏꨰꩈ ꨝꨵꨯꨱꩍ ꨨꨕꨳꨮꩇ ꨐꨭꨩ ꨗꨯꨱ ꨕꨨꨵꨮꨭ ꨝꨵꨯꨱꩍ ꨀꨇꨩꩆ ꨘꩆ ꨚꨯꨱꩍ ꨕꨫ ꨓꨆꨰ ꨨꨕꨳꨮꩇ ꨐꨭꨩ ꨕꨗꩈ ꨝꨴꨭꩇ ꨝꨴꨭꩇ ꨝꨵꨯꨱꩍ ꨐꨭꨩ ꨓꨶꨬ ꨨꨕꨬ꩝ ꨝꨣꨭꨥ ꨟꩃ ꨕꨶꨩ ꨨꨕꨳꨮꩇ ꨚꨧꩃ ꨐꨭꨩ ꨝꨩ ꨈꩇ ꨗꨯꨱ ꨧꩃ꩝ ꨗꨯꨱ ꨓꨮꩊ ꨧꩃ ꨝꨵꨯꨱꩍ ꨧꨭꨠꨩ ꨤꨆꨬ ꨐꨭꨩ ꨟꨯꨱꩃ ꨡꨯꩍ ꨝꨯꨱꩍ ꨤꨪꨋꩆ ꨐꨭꨩ ꨝꨵꨯꨱꩍ ꨧꨭꨠꨩ ꨐꨭꨩ ꨠꨢꨯꨱꩌ ꨐꨭꨩ ꨤꩄ ꨐꨭꨩ ꨓꨣꩍ ꨝꨯꨱꩍ ꨤꨪꨋꩆ ꨉꨮꩍ ꨤꨯꨩ꩝ ꨝꨣꨭꨥ ꨟꩃ ꨓꨮꩊ ꨝꨤꩆ ꨤꨀꨶꨩ꩝ ꨝꨵꨯꨱꩍ ꨧꨭꨠꨩ ꨐꨭꨩ ꨚꨙꩉ ꨐꨭꨩ ꨝꨩ ꨠꨗꨶꨪꩋ ꨂꨣꩃ ꨐꨭꨩ ꨗꨯꨱ ꩝ ꨝꨣꨭꨥ ꨟꨤꨪꨀꨶꩃ ꨐꨭꨩ ꨆꨆꨬ ꨧꨯꨱꩃ ꨣꨗꨰꩍ ꨈꨵꩃ ꨆꨭꨝꨥ ꨤꩄ ꨢꩍ ꨨꨲꨩ ꨚꨮꩍ ꨆꨭꨝꨥ ꨓꨳꩇ ꨗꨯꨱ ꨚꩀ ꨨꨟꨭꨩ ꨘꩆ ꨨꨲꨩ ꨤꨶꨰ ꨥꨮꩀ ꨕꨤꩌ ꨥꩉ ꨘꩆ ꨧꨩ ꨕꨴꨬ ꨤꨪꨀꨶꨯꩈ ꨀꨦꨪꩅ ꨆꨩ ꨆꨮꨭ ꨕꨯꩌ ꨆꨝꨥ ꨚꨴꨯꨱꩃ ꨘꩆ ꨨꨲꨩ ꨓꨳꩇ ꨗꨯꨱ ꨕꨨꨵꨮꨭ꩝ ꨝꨣꨭꨥ ꨟꩃ ꨣꨗꨰꩍ ꨈꨵꨮꩃ ꨆꨭꨝꨥ ꨘꩆ ꨚꨮꩃ ꨆꨭꨖꨩ ꨐꨭꨩ ꨝꨵꨯꨱꩍ ꨓꨈꨯꩀ ꨟꩃ ꨝꨣꩌꨈꨭꩍ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ ꨚꨎꨳꨮꩃ ꨤꨪꨋꩆ ꨢꨮꨭ ꨗꨯꨱ ꨨꨟꨭꨩ ꨝꨵꨯꨱꩍ ꨣꨗꨰꩍ ꨈꨵꨮꩃ ꨆꨭꨝꨥ ꨘꩆ ꨚꨮꩍ ꨆꨭꨝꨥ ꨓꨳꩇ ꨗꨯꨱ ꨨꨟꨭꨩ꩝ ꨝꨣꨭꨥ ꨟꩃ ꨣꨗꨰꩍ ꨈꨵꨮꩃ ꨆꨭꨝꨥ ꨘꩆ ꨚꨮꩍ ꨆꨭꨝꨥ ꨓꨳꩇ ꨗꨯꨱ ꨝꨵꨯꨱꩍ ꨐꨭꨩ ꨤꨶꨰ ꨥꨮꩀ ꨧꨩ ꨕꨴꨬ ꨀꨗꩀ ꨤꨪꨀꨶꨯꩈ ꨕꨯꨱꩀ ꨕꨤꩌ ꨥꩉ ꨘꩆ ꨝꨵꨯꨱꩍ ꨐꨭꨩ ꨆꨣꨮꩀ ꨕꨤꩌ ꨥꩉ ꨘꩆ꩝ ꨝꨵꨯꨱꩍ ꨨꨕꨳꨮꩇ ꨎꨩ ꨟꨓꨩ ꨚꨵꨮꩀ ꨤꨪꨆꨭꩀ ꨌꨪꩍ ꨨꨤꨩ ꨙꨭꩃ ꨆꨩ ꨎꨩ ꨟꨓꨩ ꨚꨵꨮꩀ ꨤꨪꨆꨭꩀ ꨝꨵꨯꨱꩍ ꨨꨕꨳꨮꩇ ꨐꨭꨩ ꨚꨙꩉ ꨐꨭꨩ ꨗꨯꨱ ꨨꨟꨭꨩ꩝ ꨝꨵꨯꨱꩍ ꨐꨭꨩ ꨓꨝꨳꩀ ꨕꨫ ꨧꩃ ꨗꨯꨱ ꨓꨚꩀ ꨥꩉ ꨆꨭꨝꨥ ꨝꨵꨯꨱꩍ ꨐꨭꨩ ꨋꩇ ꨠꨋꩇ ꨤꩄ ꨝꩆ ꨘꩆ ꨨꨝꩉ ꨆꩄ ꨐꨭꨩ ꨚꨮꩍ ꨆꨭꨝꨥ ꨗꨯꨱ ꨝꨵꨯꨱꩍ ꨐꨭꨩ ꨤꨶꨰ ꨥꨮꩀ ꨧꨩ ꨕꨴꨬ ꨤꨪꨀꨶꨮꩈ ꨢꨮꨭ ꨗꨫ ꨤꨰꩈ꩝ ꨝꨵꨯꨱꩍ ꨐꨭꨩ ꨚꨮꩍ ꨨꨤꨶꩀ ꨥꩉ ꨘꩆ ꨝꨵꨯꨱꩍ ꨐꨭꨩ ꨓꨟꨩ ꨕꨤꩌ ꨥꩉ ꨆꨭꨝꨥ ꨝꨵꨯꨱꩍ ꨐꨭꨩ ꨀꨚꩆ ꨕꨫ ꨁꨆꨭꨩ ꨤꨪꨀꨶꨯꩈ ꨘꩆ ꨝꨵꨯꨱꩍ ꨐꨭꨩ ꨓꨳꩇ ꨓꨝꨳꩀ ꨕꨫ ꨥꩉ ꨘꩆ ꨝꨵꨯꨱꩍ ꨤꨪꨀꨶꨯꩈ ꨘꩆ ꨀꨧꨶꨮꩅ ꨙꨶꨮꩄ ꨓꨚꩀ ꨨꨟꨭꨩ ꨘꩆ ꨗꨯꨱ꩝ ꨨꨤꨬ ꨐꨭꨩ ꨘꩆ ꨔꨯꨱꨥ ꨕꨫ ꨁꨆꨭꨩ ꨤꨪꨀꨶꨯꩈ ꨘꩆ ꨝꨵꨯꨱꩍ ꨐꨭꨩ ꨙꨶꨮꩄ ꨓꨶꨬ ꨤꨪꨀꨶꨯꩈ ꨘꩆ꩝ ꨤꨪꨀꨶꨯꩈ ꨘꩆ ꨙꨶꨮꩄ ꨇꨮꩃ ꨤꨪꨎꩃ ꨤꨪꨎꩃ ꨐꨭꨩ ꨙꨶꨮꩄ ꨇꨮꩃ ꨤꨪꨀꨶꨯꩈ ꨘꩆ ꨙꨶꨮꩄ ꨀꨕꩉ ꨤꨪꨎꩃ ꨐꨭꨩ ꨙꨶꨮꩄ ꨀꨕꩉ ꨣꨬ꩝ ꨢꩍ ꨤꨪꨀꨶꨯꩈ ꨘꩆ ꨧꨰꩅ ꨣꨪꨝꨯꨱꩃ ꨤꨪꨎꩃ ꨐꨭꨩ ꨧꨰꩅ ꨣꨪꨝꨯꨱꩃ ꨣꨬ꩝ ꨤꨪꨀꨶꨯꩈ ꨘꩆ ꨙꨶꨮꩄ ꨈꩍ ꨀꨳꨩ ꨨꨤꩇ ꨤꨪꨎꩃ ꨐꨭꨩ ꨙꨶꨮꩄ ꨈꩆ ꨀꨳꨩ ꨨꨤꩇ ꨣꨬ꩝ ꨝꨔꩍ ꨀꨇꨩꩆ ꨝꨔꩍ ꨀꨥ ꨝꨔꩍ ꨡꨭꩀ ꨝꨔꩍ ꨓꨐꨴꩀ ꨀꨝꨪꩍ꩝ ꨝꨣꨭꨥ ꨟꩃ ꨤꨪꨀꨶꨯꩈ ꨘꩆ ꨧꨰꩅ ꨧꨩ ꨝꨯꨱꩍ ꨣꨪꨝꨯꨱꩃ ꨓꨴꨩ ꨝꨵꨯꨱꩍ ꨓꨧꨯꨱꩉ ꨓꨊꨪꩆ ꨐꨭꨩ ꨕꨫ ꨁꨆꨭꨩ ꨤꨪꨀꨶꨯꩈ ꨘꩆ ꨝꨵꨯꨱꩍ ꨤꨰꩀ ꨐꨭꨩ ꨕꨤꩌ ꨣꨪꨝꨯꨱꩃ ꨘꩆ ꨝꨵꨯꨱꩍ ꨐꨭꨩ ꨕꨯꨱꩀ ꨚꩀ ꨘꩆ ꨎꨮ꩝ ꨟꩃ ꨐꨭꨩ ꨤꨰꩀ ꨈꨯꨱꩀ ꨣꨪꨝꨯꨱꩃ ꨐꨭꨩ ꨥꨮꩀ ꨝꨵꨯꨱꩍ ꨐꨭꨩ ꨥꩉ ꨈꨵꨰ ꨐꨭꨩ ꨕꨯꨱꩀ ꨓꩀ ꨘꩆ ꨎꨮ ꨕꨫ ꨡꨯꩍ ꨎꨤꩆ ꨆꨳꨮꩃ ꨗꨯꨱ ꨓꨴꨩ ꨅꨩ꩝ ꨨꨎꨳꨮꩃ ꨧꨯꨱꩃ ꨐꨭꨩ ꨕꨭꩃ ꨕꨫ ꨁꨆꨭꨩ ꨤꨪꨀꨶꨯꩈ ꨘꩆ ꨝꨵꨯꨱꩍ ꨐꨭꨩ ꨙꨶꨮꩄ ꨓꨶꨬ ꨤꨪꨀꨶꨯꩈ ꨘꩆ ꨐꨭꨩ ꨌꨈꨩ ꨆꨩ ꨤꨪꨀꨶꨯꩈ ꨘꩆ ꨨꨀꨶꨮꩆ ꨟꩀ ꨝꨵꨯꨱꩍ ꨤꨪꨀꨶꨯꩈ ꨘꩆ ꨙꨶꨮꩄ ꨗꨯꨱ ꨓꨚꩀ ꨟꩀ ꨤꨪꨀꨶꨯꩈ ꨘꩆ ꨚꩀ ꨡꨵꩃ ꨨꨟꨭꨩ ꨐꨭꨩ꩝ ꨨꨤꨬ ꨐꨭꨩ ꨅꨩ ꨌꨈꨩ ꨕꨭꩃ ꨕꨫ ꨁꨆꨭꨩ ꨘꩆ ꨅꨩ ꨘꩆ ꨐꨭꨩ ꨕꨫ ꨔꨮꨭ ꨤꨝꨪꩀ ꨎꨤꩆ ꨝꨵꨯꨱꩍ ꨆꨳꨮꩃ ꨗꨯꨱ ꨨꨟꨭꨩ ꨅꨩ꩝ ꨝꨣꨭꨥ ꨟꩃ ꨐꨭꨩ ꨧꨗꩃ ꨥꩉ ꨈꨵꨰ ꨐꨭꨩ ꨤꩄ ꨆꨪꨗꨪ ꨂꨣꩃ ꨔꨮꨭ ꨆꨩ ꨆꨮꨭ ꨓꨈꨵꨯꨱꩍ ꨎꨮ ꨗꨫ꩝ ꨝꨵꨯꨱꩍ ꨐꨭꨩ ꨕꨯꨱꩀ ꨕꨤꩌ ꨣꨪꨝꨯꨱꩃ ꨝꨵꨯꨱꩍ ꨐꨭꨩ ꨕꨯꨱꩀ ꨝꨶꨪꩄ ꨨꨣꨮꩀ ꨣꩍ ꨣꨪꨝꨯꨱꩃ ꨘꩆ ꨝꨵꨯꨱꩍ ꨐꨭꨩ ꨋꩇ ꨠꨋꩇ ꨚꨶꨮꩄ ꨏꩀ ꨆꨩ ꨕꨯꩌ ꨠꨗꨶꨪꩋ ꨂꨣꩃ ꨐꨭꨩ ꨤꩄ ꨣꨪꨝꨯꨱꩃ ꨕꨯꩌ ꨨꨣꨮꩀ ꨢꨮꨭ ꨗꨫ ꨋꩇ ꨨꨟꨭꨩ ꨋꩇ ꨓꨗꩍ ꨨꨝꩉ ꨆꩄ ꨢꨮꨭ ꨗꨫ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨙꨶꨩ ꨤꨪꨔꨬ ꨗꨯꨱ ꨨꨟꨭꨩ ꨝꨵꨯꨱꩍ ꨡꨯꩍ ꨐꨭꨩ ꨕꨯꨱꩀ ꨕꨤꩌ ꨣꨪꨝꨯꨱꩃ ꨘꩆ ꨝꨔꩍ ꨀꨇꨩꩆ ꨝꨔꩍ ꨀꨥ ꨀꨝꨪꩍ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨓꨊꨪ ꨐꨭꨩ ꨤꩄ ꨨꨲꨩ ꨕꨯꨱꩀ ꨋꩇ ꨨꨈꨰꩀ ꨢꨮꨭ ꨘꩆ ꨝꨔꩍ ꨀꨇꨩꩆ ꨝꨔꩍ ꨀꨥ ꨀꨝꨪꩍ ꨢꨮꨭ ꨘꩆ꩝ ꨝꨵꨯꨱꩍ ꨐꨭꨩ ꨤꩄ ꨐꨭꨩ ꨟꨰ ꨡꨯꩍ ꨣꨪꨝꨯꨱꩃ ꨘꩆ ꨨꨣꨮꩀ ꨣꨤꨯꨩ ꨝꨵꨯꨱꩍ ꨐꨭꨩ ꨕꨯꨱꩀ ꨝꨶꨪꩄ ꨆꨵꩀ ꨣꨪꨝꨯꨱꩃ ꨗꨫ ꨒꨮꩇ ꨣꨪꨝꨯꨱꩃ ꨕꨴꨬ ꨣꨬ꩝ ꨝꨵꨯꨱꩍ ꨨꨕꨳꨮꩇ ꨐꨭꨩ ꨤꩄ ꨣꨪꨝꨯꨱꩃ ꨕꨴꨬ ꨎꨮ ꨘꩆ꩝ ꨝꨵꨯꨱꩍ ꨐꨭꨩ ꨋꩇ ꨠꨋꩇ ꨙꨯꩌ ꨤꩄ ꨋꩇ ꨨꨟꨭꨩ ꨢꨮꨭ ꨗꨫ ꨨꨝꩉ ꨆꩄ ꨝꨵꨯꨱꩍ ꨆꨳꨮꩃ ꨧꨳꩌ ꨚꨕꨰ ꨚꨈꩍ ꨣꨪꨝꨯꨱꩃ ꨝꨪ ꨧꨳꩌ ꨆꨩ ꨀꨳꨩ ꨙꨶꨮꩄ ꨓꨟꨩ ꨨꨟꨭꨩ ꨘꩆ ꨟꩃ ꨤꨪꨊꨯꨱꩌ ꨆꨆꨮꨭ ꨘꩆ ꨟꩃ ꨚꨕꨰ ꨕꨴꨬ ꨧꨳꩌ꩝ ꨝꨣꨭꨥ ꨟꩃ ꨕꨶꨩ ꨨꨕꨳꨮꩇ ꨚꨧꩃ ꨗꨯꨱ ꨚꩀ ꨨꨟꨭꨩ ꨨꨕꨳꨮꩇ ꨐꨭꨩ ꨗꨯꨱ ꨕꨨꨵꨮꨭ ꨝꨵꨯꨱꩍ ꨐꨭꨩ ꨓꨶꨬ ꨨꨕꨬ꩝ ꨘꩆ ꨟꩃ ꨗꨯꨱ ꨓꨮꩊ ꨨꨟꨭꨩ ꨝꨵꨯꨱꩍ ꨐꨭꨩ ꨚꨙꩉ ꨠꨗꨶꨪꩋ ꨂꨣꩃ ꨐꨭꨩ ꨗꨯꨱ ꨚꨈꩍ ꨣꨪꨝꨯꨱꩃ ꨆꨴꨭꩃ ꨐꨭꨩ ꨤꨰꩀ ꨘꩆ꩝ ꨝꨣꨭꨥ ꨟꩃ ꨎꨩ ꨟꨓꨩ ꨚꨵꨮꩀ ꨤꨪꨆꨭꩀ ꨕꨯꨱꩀ ꨚꩀ ꨨꨭꨟꨭꨩ ꨘꩆ ꨎꨮ꩝ ꨝꨵꨯꨱꩍ ꨨꨕꨳꨮꩇ ꨐꨭꨩ ꨥꨮꩀ ꨟꨰ ꨧꩃ ꨥꨮꩀ꩝ ꨝꨣꨭꨥ ꨟꩃ ꨓꨮꩊ ꨀꨳꨩ ꨨꨣꨬ ꨈꨵꨮꩍ ꨝꨵꨯꨱꩍ ꨎꨩ ꨟꨓꨩ ꨚꨵꨮꩀ ꨤꨪꨆꨭꩀ ꨚꨙꩉ ꨣꨗꨰꩍ ꨈꨵꨮꩃ ꨆꨭꨝꨥ ꨟꩀ ꨆꨭꨝꨥ ꨌꨴꨯꩃ ꨢꨮꨭ ꨆꨩ ꨐꨭꨩ ꨤꨪꨀꨶꨩ꩝ ꨝꨣꨭꨥ ꨟꩃ ꨣꨗꨰꩍ ꨈꨵꨮꩃ ꨆꨭꨝꨥ ꨌꨴꨯꩃ ꨢꨮꨭ ꨝꨵꨯꨱꩍ ꨎꨩ ꨟꨓꨩ ꨚꨵꨮꩀ ꨤꨪꨆꨭꩀ ꨤꨪꨀꨶꨩ ꨐꨭꨩ ꨤꨪꨀꨶꨩ ꨀꨤꨯꨱꩀ ꨨꨟꨭꨩ ꨗꨫ ꨓꨚꨩ ꨓꨴꨭꩍ ꨚꩀ ꨀꨤꨯꨱꩀ ꨨꨟꨭꨩ ꨝꨪꨆꩆ꩝ ꨐꨭꨩ ꨤꨪꨀꨶꨩ ꨈꩆ ꨀꩉ ꨤꨪꨎꩃ ꨐꨭꨩ ꨤꨪꨀꨶꨩ ꨈꩆ ꨓꨡꨯꩀ ꨤꨪꨎꩃ ꨐꨭꨩ ꨤꨪꨀꨶꨩ꩝ ꨝꨣꨭꨥ ꨟꩃ ꨧꨭꨠꨩ ꨤꨪꨆꨬ ꨐꨭꨩ ꨟꨰ ꨚꩀ ꨨꨟꨭꨩ ꨝꨵꨯꨱꩍ ꨧꨭꨠꨩ ꨐꨭꨩ ꨡꨯꩍ ꨐꨭꨩ ꨤꨪꨀꨶꨩ ꨆꨣꨬ ꨝꨵꨯꨱꩍ ꨧꨭꨠꨩ ꨐꨭꨩ ꨓꨊꨪ ꨐꨭꨩ ꨤꩄ ꨤꨪꨀꨶꨩ ꨨꨝꩉ ꨆꩄ ꨀꩉ ꨅꨩ ꨤꨶꨰ ꨢꩍ ꨓꨡꨯꩀ ꨅꨩ ꨤꨶꨰ ꨢꨮꨭ ꨘꩆ꩝ ꨝꨣꨭꨥ ꨟꩃ ꨐꨭꨩ ꨤꩄ ꨤꨪꨀꨶꨩ ꨀꩉ ꨘꩆ ꨧꨯꨱꩃ ꨓꨡꨯꩀ ꨘꩆ ꨚꨳꨯꨮꩍ ꨚꨤꨩ ꨓꨊꨮꩈ ꨤꨪꨀꨶꨩ ꨨꨟꨭꨩ ꨘꩆ ꨚꨳꨯꨮꩍ ꨕꨴꩀ ꨚꨕꨰ ꨨꨤꨬ ꨅꨩ ꨤꨪꨀꨶꨩ ꨓꨡꨯꩀ ꨧꨯꨱꩃ ꨀꩉ ꨘꩆ ꨅꨩ ꨘꩆ ꨚꨤꨰ ꨤꨯꨩ꩝ ꨝꨣꨭꨥ ꨟꩃ ꨧꨭꨠꨩ ꨐꨭꨩ ꨤꩄ ꨨꨰꩈ ꨕꨯꨱꩀ ꨕꨫ ꨓꨳꩆ ꨢꩍ ꨤꨪꨀꨶꨩ ꨢꨮꨭ ꨘꩆ ꨎꩃ ꨨꨭꨩ ꨣꨬ꩝ ꨟꩃ ꨐꨭꨩ ꨕꨫ ꨡꨯꩍ ꨀꩉ ꨨꨟꨭꨩ ꨆꨳꨮꩃ ꨈꨵꩃ ꨅꨩ ꨝꨵꨯꨱꩍ ꨐꨭꨩ ꨤꨪꨀꨶꨩ ꨈꨯꨱꩀ ꨀꩉ ꨨꨟꨭꨩ ꨘꩆ ꨟꨪꩆ꩝ ꨝꨣꨭꨥ ꨟꩃ ꨐꨭꨩ ꨤꨪꨀꨶꨩ ꨨꨟꨭꨩ ꨘꩆ ꨝꨵꨯꨱꩍ ꨐꨭꨩ ꨕꨴꩀ ꨚꨕꨰ ꨨꨤꨬ ꨀꩉ ꨨꨟꨭꨩ ꨘꩆ ꨐꨭꨩ ꨚꨤꨩ ꨓꨊꨮꩈ ꨧꨯꨱꩃ ꨚꨤꨩ ꨚꨵꨯꩈ꩝ ꨝꨣꨭꨥ ꨟꩃ ꨓꨮꩊ ꨓꨊꨮꩈ ꨧꨯꨱꩃ ꨚꨵꨯꩈ ꨘꩆ ꨎꨳꨮꩃ ꨝꨯꨱꩍ ꨎꨳꨮꩃ ꨀꨔꩉ ꨝꨵꨯꨱꩍ ꨧꨭꨠꨩ ꨐꨭꨩ ꨠꨢꨯꨱꩌ ꨐꨭꨩ꩝ ꨧꨭꨠꨩ ꨐꨭꨩ ꨡꨯꩍ ꨓꨊꨮꩈ ꨘꩆ ꨧꨳꩌ ꨙꨯꨱꨥ ꨚꨵꨯꩈ ꨘꩆ ꨧꨳꩌ ꨝꨯꨱꩍ ꨣꨤꨯꨩ꩝ ꨝꨣꨭꨥ ꨟꩃ ꨂꨣꩃ ꨋꩇ ꨆꨭꨝꨥ ꨆꨩ ꨛꨯꨮ ꨝꨵꨯꨱꩍ ꨂꨣꩃ ꨟꨰ ꨕꨀꨩ ꨧꨭꨠꨩ ꨐꨭꨩ ꨧꨯꨱꩃ ꨕꨶꨩ ꨂꨣꩃ ꨨꨕꨳꨮꩇ ꨚꨧꩃ ꨐꨭꨩ ꨗꨯꨱ ꨡꨮꩃ ꨣꨤꨯꨱꨥ ꨆꨭꨝꨥ ꨘꩆ꩝ ꨝꨣꨭꨥ ꨟꩃ ꨕꨶꨩ ꨚꨧꩃ ꨐꨭꨩ ꨗꨯꨱ ꨚꩀ ꨙꩌ ꨂꨣꩃ ꨘꩆ꩝ ꨨꨕꨳꨮꩇ ꨐꨭꨩ ꨗꨯꨱ ꨕꨨꨵꨮꨭ ꨐꨭꨩ ꨗꨯꨱ ꨨꨕꨬ ꨝꨵꨯꨱꩍ ꨨꨕꨳꨮꩇ ꨐꨭꨩ ꨙꨯꩌ ꨣꩍ ꨎꨤꩆ ꨗꨯꨱ ꨝꨵꨯꨱꩍ ꨐꨭꨩ ꨠꨨꨪꩅ ꨨꨕꨳꨮꩇ ꨐꨭꨩ ꨙꨯꩌ ꨝꨵꨯꨱꩍ ꨐꨭꨩ ꨓꨶꨬ ꨆꨵꨯꨱꩆ ꨨꨕꨳꨮꩇ ꨐꨭꨩ꩝ ꨗꨯꨱ ꨓꨮꩊ ꨚꨝꩍ ꨡꨮꩃ ꨎꩃ ꨂꨣꩃ ꨋꩇ ꨆꨭꨝꨥ ꨘꩆ ꨝꨵꨯꨱꩍ ꨨꨕꨳꨮꩇ ꨐꨭꨩ ꨗꨯꨱ ꨓꨚꩀ ꨂꨣꩃ ꨕꨚꨶꨮꩊ ꨗꨯꨱ ꨝꨵꨯꨱꩍ ꨐꨭꨩ ꨕꨫ ꨔꨮꨭ ꨤꨝꨪꩀ ꨆꨩ ꨨꨕꨳꨮꩇ ꨐꨭꨩ ꨗꨯꨱ ꨓꨚꩀ ꨨꨤꨬ ꨓꨴꨩ ꨅꨩ ꨝꨵꨯꨱꩍ ꨐꨭꨩ ꨗꨯꨱ ꨓꨚꩀ ꨂꨣꩃ ꨕꨯꨱꩀ ꨨꨓꨭꩀ ꨣꨤꨯꨱꨥ ꨆꨭꨝꨥ ꨕꨫ ꨡꨵꩃ ꨘꩆ ꨐꨭꨩ ꨠꨨꨪꩅ ꨕꨯꩌ ꨂꨣꩃ ꨘꩆ ꨕꨯꨱꩀ ꨙꨯꩌ ꨧꨯꨱꩃ ꨈꨮꩇ꩝ ꨝꨣꨭꨥ ꨟꩃ ꨕꨯꩌ ꨂꨣꩃ ꨕꨯꨱꩀ ꨨꨓꨭꩀ ꨣꨤꨯꨱꨥ ꨆꨭꨝꨥ ꨘꩆ ꨤꩄ ꨧꨯꨱꩃ ꨐꨭꨩ ꨤꩄ ꨄꨰ ꨗꨯꨱ ꨕꨯꨱꩀ ꨚꩀ ꨊꨯꨱꩀ ꨚꨚꨩꩆ ꨧꨯꨱꩃ ꨂꨣꩃ ꨝꨰꩀ꩝ ꨝꨵꨯꨱꩀ ꨐꨭꨩ ꨤꩄ ꨅꨩ ꨀꨕꩅ ꨟꨰ ꨕꨯꨱꩃ ꨂꨣꩃ ꨎꨮ ꨝꨭꩍ ꨀꨚꨶꨬ ꨨꨰ ꨆꨩ ꨂꨣꩃ ꨝꨵꨯꨱꩍ ꨕꨴꨬ ꨕꨯꨱꩀ ꨔꨶꨮꩈ ꨈꨪꩂ ꨔꨶꨮꩈ ꨈꨯꨱꩀ ꨗꨫ ꨟꩃ ꨨꨭꨩ ꨀꨮꩆ꩝ ꨝꨵꨯꨱꩍ ꨕꨯꩌ ꨂꨣꩃ ꨕꨯꨱꩀ ꨨꨓꨭꩀ ꨣꨤꨯꨱꨥ ꨆꨭꨝꨥ ꨘꩆ ꨀꨚꩆ ꨕꨫ ꨓꨊꨪꩆ ꨐꨭꨩ ꨕꨶꨬ ꨗꨯꨱ ꨕꨯꨱꩀ ꨊꨯꨱꩀ ꨚꨚꩆ ꨝꨵꨯꨱꩍ ꨐꨭꨩ ꨗꨯꨱ ꨕꨯꨱꩀ ꨊꨯꨱꩀ ꨚꨚꩆ ꨘꩆ ꨎꨮ꩝ ꨝꨣꨭꨥ ꨟꩃ ꨐꨭꨩ ꨙꨯꩌ ꨧꨯꨱꩃ ꨂꨣꩃ ꨚꨆꨴꨲꨩ ꨆꨵꨯꨱ ꨝꨵꨯꨱꩍ ꨂꨣꩃ ꨧꨩ ꨕꨚꨶꨮꩊ ꨝꨵꨯꨱꩍ ꨕꨫ ꨔꨮꨭ ꨤꩄ ꨆꨩ ꨐꨭꨩ ꨟꨓꨩ ꨚꨵꨮꩀ ꨤꨪꨆꨭꩀ ꨅꨩ꩝ ꨝꨣꨭꨥ ꨟꩃ ꨂꨣꩃ ꨚꨯꩀ ꨧꨤꨯꨱ ꨤꨪꨔꨬ ꨧꨯꨱꩃ ꨣꨤꨯꨱꨥ ꨆꨭꨝꨥ ꨟꨰ ꨕꩀ ꨕꨫ ꨊꨯꨱꩀ ꨚꨚꨩꩆ ꨘꩆ꩝ ꨝꨵꨯꨱꩍ ꨀꨝꨪꩍ ꨕꨴꨬ ꨕꨯꩌ ꨂꨣꩃ ꨟꨰ ꨌꨴꨭꩍ ꨙꩌ ꨘꩆ ꨧꨯꨱꩃ ꨐꨭꨩ ꨨꨶꩀ꩝ ꨝꨣꨭꨥ ꨟꩃ ꨐꨭꨩ ꨟꩀ ꨀꨳꨩ ꨓꨗꨭꩅ ꨧꨯꨱꩃ ꨀꨳꨩ ꨨꨝꨰ ꨧꨯꨱꩃ ꨣꨤꨯꨱꨥ ꨆꨭꨝꨥ ꨝꨵꨯꨱꩍ ꨐꨭꨩ ꨓꨭꩍ ꨎꨴꨭꨥ ꨧꨯꨱꩃ ꨤꨪꨔꨬ ꨘꩆ ꨝꨵꨯꨱꩍ ꨐꨭꨩ ꨨꨶꩀ꩝ ꨝꨣꨭꨥ ꨟꩃ ꨀꨝꨪꩍ ꨕꨴꨬ ꨕꨯꩌ ꨂꨣꩃ ꨕꨯꨱꩀ ꨨꨶꩀ ꨘꩆ ꨡꨯꩍ ꨐꨭꨩ ꨎꨴꨭꨥ ꨢꨮꨭ ꨘꩆ ꨝꨵꨯꨱꩍ ꨂꨣꩃ ꨓꨊꨪ ꨐꨭꨩ ꨤꩄ ꨨꨶꩀ ꨨꨝꩉ ꨆꩄ ꨆꨣꨬ ꨢꨮꨭ ꨘꩆ꩝ ꨝꨵꨯꨱꩍ ꨐꨭꨩ ꨤꩄ ꨦꨪꩅ ꨓꨴꨩ ꨐꨭꨩ ꨓꨟꨩ ꨕꨤꩌ ꨓꨳꩆ ꨗꨯꨱ ꨕꨯꨱꩀ ꨧꨯꨱꩃ ꨈꨮꩇ ꨟꨪꩆ꩝ ꨝꨣꨭꨥ ꨟꩃ ꨀꨝꨪꩍ ꨕꨴꨬ ꨕꨯꩌ ꨂꨣꩃ ꨘꩆ ꨤꩄ ꨐꨭꨩ ꨙꨯꩌ ꨒꨮꩇ꩝ ꨠꨕꨭꩍ ꨧꨯꨱꩃ ꨐꨭꨩ ꨙꨯꩌ ꨢꨮꨭ ꨘꩆ ꨟꩀ ꨆꨩ ꨐꨭꨩ ꨕꨫ ꨡꨯꩍ ꨆꨳꨮꩃ ꨈꨵꨮꩃ ꨀꨳꨩ ꨨꨝꨰ ꨧꨯꨱꩃ ꨣꨤꨯꨱꨥ ꨆꨭꨝꨥ ꨘꩆ ꨅꨩ꩝ ꨝꨣꨭꨥ ꨟꩃ ꨐꨭꨩ ꨡꨮꩃ ꨣꨤꨯꨱꨥ ꨆꨭꨝꨥ ꨘꩆ ꨝꨵꨯꨱꩍ ꨀꨶꨮꩊ ꨠꨎꨰꩀ ꨟꨓꨰ ꨝꨵꨯꨱꩍ ꨨꨕꩍ ꨟꨓꨩ ꨐꨭꨩ ꨥꨮꩀ ꨤꨪꨎꩃ ꨂꨣꩃ ꨕꨫ ꨔꨮꨭ ꨤꩄ ꨆꨩ ꨐꨭꨩ ꨀꨶꨮꩊ ꨝꨵꨯꨱꩍ ꨨꨕꩍ ꨟꨓꨩ ꨐꨭꨩ ꨥꨮꩀ ꨅꨩ ꨣꨬ꩝ ꨕꨯꩌ ꨘꩆ ꨐꨭꨩ ꨀꨶꨮꩆ ꨓꨝꨶꨯꩆ ꨕꨤꩌ ꨓꨳꩆ ꨐꨭꨩ ꨆꨩ ꨟꨓꨩ ꨐꨭꨩ ꨨꨕꩍ ꨥꨮꩀ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨚꨈꩇ ꨅꨩ꩝ ꨝꨣꨭꨥ ꨟꩃ ꨡꨮꩃ ꨨꨶꩀ ꨝꨵꨯꨱꩍ ꨂꨣꩃ ꨝꨩ ꨈꨮꩇ ꨥꨮꩀ ꨟꨰ ꨧꩃ꩝ ꨝꨵꨯꨱꩍ ꨐꨭꨩ ꨕꨫ ꨔꨮꨭ ꨤꨝꨪꩀ ꨧꩃ ꨆꨳꨮꩃ ꨗꨯꨱ ꨅꨩ ꨟꨢꩍ ꨨꨕꨳꨮꩇ ꨐꨭꨩ ꨤꨪꨎꩃ ꨐꨭꨩ ꨅꨩ ꨆꨴꨲꩆ ꨓꨴꨩ꩝ ꨝꨣꨭꨥ ꨟꩃ ꨐꨭꨩ ꨤꨪꨆꨮꨭ ꨀꨤꩀ ꨕꨫ ꨛꨯꨮ ꨧꩃ ꨘꩆ ꨟꨐꨭꩌ ꨧꨩ ꨌꨥꩆ ꨝꨵꨯꨱꩍ ꨐꨭꨩ ꨠꨐꨭꩌ ꨀꨤꩀ ꨘꩆ ꨕꨫ ꨨꨭꨩ ꨠꨝꨭꩀ ꨅꨩ ꨝꨵꨯꨱꩍ ꨐꨭꨩ ꨋꩇ ꨠꨋꩇ ꨟꨝꨭꩀ ꨀꨤꩀ ꨝꨵꨯꨱꩍ ꨐꨭꨩ ꨚꨶꨮꩄ ꨚꨆꨴꨲꨩ ꨧꨯꨱꩃ ꨣꨗꨰꩍ ꨕꨣꨩ ꨀꨦꨪꩅ ꨧꨯꨱꩃ ꨐꨭꨩ ꨚꨶꨮꩄ ꨔꨰꩄ ꨧꨯꨱꩃ ꨟꨰꩀ ꨟꨈꨰꩅ ꨘꩆ꩝ ꨝꨣꨭꨥ ꨟꩃ ꨨꨕꨳꨮꩇ ꨐꨭꨩ ꨡꨯꩍ ꨐꨭꨩ ꨟꨝꨭꩀ ꨀꨤꩀ ꨝꨵꨯꨱꩍ ꨨꨕꨳꨮꩇ ꨐꨭꨩ ꨟꨰ ꨀꨚꩆ ꨕꨫ ꨓꨊꨪꩆ ꨐꨭꨩ ꨝꨵꨯꨱꩍ ꨕꨶꨬ ꨗꨯꨱ ꨧꩃ ꨘꩆ ꨟꩃ ꨐꨭꨩ ꨆꨴꨲꩆ ꨨꨕꨳꨮꩇ ꨐꨭꨩ ꨧꨯꨱꩃ ꨐꨭꨩ ꨆꨴꨲꩆ ꨧꨭꨠꨩ ꨐꨭꨩ ꨥꨮꩀ꩞