ꨗꨫ ꨕꨤꨭꨆꩊ ꨆꨩ ꨌꨬ ꨝꨤꨯꨱꩀ ꨤꨂꨩ ꨠꨕꨩ ꨓꩀ ꨕꨫ ꨆꩊ ꨘꩆ ꨧꨩ ꨅꩃ ꨧꨩ ꨓꨌꨯꨱꨥ ꨆꨔꨯꨱꩅ ꨣꨡꩍ ꨟꨪꩆ꩞ ꨘꩆ ꨟꩃ ꨕꨶꨩ ꨅꩃ ꨓꨌꨯꨱꨥ ꨘꩆ ꨗꨯꨱ ꨟꩀ ꨒꨭꩍ ꨝꨩ ꨤꨧꨬ ꨘꩆ ꨧꨩ ꨌꨳꨮꩅ ꨀꨳꨩ ꨘꩆ ꨧꨩ ꨆꨕꨯꨱꩍ ꨓꨴꨩ ꨀꨠꨴꨩ ꨧꨩ ꨡꨰꩀ ꨚꨎꨳꨮꩃ ꨊꨯꨱꩀ ꨣꨕꨰꩍ꩝ ꨝꨵꨯꨱꩍ ꨓꨴꨶꩀ ꨗꨯꨱ ꨟꩀ ꨒꨭꩍ ꨚꩀ ꨊꨯꨱꩀ ꨣꨤꨯꩂ꩞ ꨗꨯꨱ ꨓꨮꩊ ꨊꨯꨱꩀ ꨣꨤꨯꩂ ꨅꩃ ꨓꨌꨯꨱꨥ ꨨꨶꩀ ꨡꨮꩃ ꨝꨵꨯꨱꩍ ꨗꨯꨱ ꨟꩀ ꨒꨭꩍ ꨓꨮꩊ ꨆꨴꨲꩍ ꨚꨙꨳꩀ ꨠꨨꨭꨩ ꨀꨳꨩ ꨘꩆ ꨟꩃ ꨓꨌꨯꨱꨥ ꨘꩆ ꨗꨯꨱ ꨕꨶꩍ ꨀꨳꨩ ꨠꨐꨭꩌ ꨗꨯꨱ ꨡꨯꩍ ꨀꨳꨩ ꨓꨟꨭꩍ ꨕꨫ ꨆꨴꨲꩍ ꨓꨤꨫ ꨝꩀ ꨧꨩ ꨓꨤꨫ꩝ ꨝꨣꨭꨥ ꨓꨌꨯꨱꨥ ꨘꩆ ꨠꨐꨭꩌ ꨝꨵꨯꨱꩍ ꨐꨭꨩ ꨠꨗꨬ꩞ ꨘꩆ ꨟꩃ ꨐꨭꨩ ꨥꨮꩀ ꨠꨣꨰ ꨀꨇꩆ ꨧꨯꨱꩃ ꨅꩃ ꨘꩆ ꨝꨣꨭꨥ ꨟꩃ ꨅꩃ ꨘꩆ ꨚꨙꩉ ꨓꨌꨯꨱꨥ ꨘꩆ ꨝꨩ ꨗꨯꨱ ꨚꨓꨯꨱꨥ ꨀꨳꨩ ꨘꩆ ꨆꨩ ꨅꩃ ꨘꩆ ꨆꨳꨮꩃ ꨠꨐꨭꩌ꩞ ꨘꩆ ꨟꩃ ꨓꨌꨯꨱꨥ ꨘꩆ ꨝꨩ ꨚꨓꨯꨱꨥ ꨗꨯꨱ ꨡꨯꩍ ꨀꨳꨩ ꨕꨫ ꨓꨤꨫ ꨘꩆ ꨔꨭꨩ ꨥꨮꩀ ꨀꨝꨪꩍ꩞ ꨝꨣꨭꨥ ꨟꩃ ꨅꩃ ꨘꩆ ꨓꨐꨫ ꨓꨌꨯꨱꨥ ꨘꩆ ꨤꩄ ꨨꨝꩉ ꨤꩄ ꨝꨵꨯꨱꩍ ꨡꨯꩍ ꨕꨯꩌ ꨗꩌ ꨝꨔꩍ ꨕꨫ ꨓꨤꨫ ꨗꨫ ꨝꨵꨯꨱꩍ ꨅꨩ ꨡꨯꩍ ꨀꨳꨩ ꨅꨩ꩞ ꨝꨣꨭꨥ ꨟꩃ ꨓꨌꨯꨱꨥ ꨘꩆ ꨤꩄ ꨥꨮꩀ ꨤꩄ ꨟꩃ ꨆꨣꨗꨫ ꨕꨨꨵꩀ ꨡꨯꩍ ꨀꨳꨩ ꨔꨴꨰꩈ ꨓꨤꨫ ꨕꨨꨵꩀ ꨠꨐꨭꩌ ꨔꨴꨭꩇ ꨠꨨꨭꨩ ꨝꨵꨯꨱꩍ ꨕꨨꨵꩀ ꨠꨗꨬ ꨝꩀ ꨕꨴꨬ ꨝꩀ ꨎꩆ ꨨꨝꩉ ꨆꩄ ꨀꨣꩀ ꨗꨫ ꨝꨵꨯꨱꩍ ꨀꨳꨩ ꨔꨭꨩ ꨀꨝꨪꩍ ꨌꨰꩀ꩞
ꨅꩃ ꨘꩆ ꨠꨨꨭꨩ ꨀꨳꨩ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨋꩇ ꨨꨝꩉ ꨅꨩ꩝ ꨘꩆ ꨟꩃ ꨅꩃ ꨘꩆ ꨚꨙꩉ ꨓꨌꨯꨱꨥ ꨘꩆ ꨣꨥꩀ ꨒꨭꩍ ꨠꨣꨰ ꨚꨎꨳꨮꩃ ꨝꨵꨯꨱꩍ ꨓꨴꨶꩀ ꨣꨕꨰꩍ ꨗꨯꨱ ꨧꩃ꩞ ꨝꨣꨭꨥ ꨟꩃ ꨓꨌꨯꨱꨥ ꨘꩆ ꨕꨯꨱꩀ ꨕꨫ ꨧꩃ ꨢꨯꨱꩌ ꨓꨎꨭꩍ ꨨꨣꨬ ꨈꩆ ꨝꨵꨯꨱꩍ ꨠꨓꨳꩆ ꨎꨮꨩ꩞ ꨘꩆ ꨟꩃ ꨕꨯꩌ ꨚꨯꨩ ꨈꨗꨶꨮꩉ ꨤꩃ ꨧꨯꨱꩌ ꨚꨴꨯꨱꩃ ꨀꨗꨰꩍ ꨕꨤꩌ ꨚꨤꨬ ꨟꩀ ꨅꩃ ꨧꨯꨱꩃ ꨟꨭꩀ ꨘꩆ꩞ ꨤꩄ ꨨꨝꩉ ꨓꨌꨯꨱꨥ ꨅꩃ ꨧꨭꨩ ꨟꨭꩀ ꨘꩆ ꨓꨳꩆ ꨝꨵꨯꨱꩍ ꨅꨩ ꨡꨯꩍ ꨚꨧꩃ ꨅꨩ꩞ ꨘꩆ ꨟꩃ ꨅꩃ ꨧꨯꨱꩃ ꨟꨭꩀ ꨤꩄ ꨕꨨꨵꩀ ꨤꨆꨮꨭ ꨙꨯꩌ ꨥꨮꩀ ꨧꨯꨱꩃ ꨚꨯꨩ ꨈꨗꨶꨮꩉ ꨤꩃ ꨧꨯꨱꩌ ꨨꨤꨬ ꨓꨌꨯꨱꨥ ꨕꨨꨵꩀ ꨟꩃ ꨀꨗꨰꩍ ꨙꨮꨩ ꨗꨫ ꨕꨫ ꨨꨭꨩ ꨔꨮꨭ ꨙꨯꩌ ꨚꨆꨴꨲꨩ ꨆꨵꨯꨱ ꨧꨯꨱꩃ ꨔꨬ ꨅꨩ ꨓꨌꨯꨱꨥ ꨕꨨꨵꩀ ꨓꩀ ꨕꨫ ꨆꩊ ꨐꨭꨩ ꨓꨶꨬ ꨅꩃ ꨐꨭꨩ ꨗꨯꨱ ꨟꩀ ꨒꨭꩍ ꨚꩀ ꨊꨯꨱꩀ ꨣꨤꨯꩂ ꨝꨵꨯꨱꩍ ꨓꨌꨯꨱꨥ ꨕꨨꨵꩀ ꨠꨨꨭꨩ ꨀꨳꨩ ꨝꨵꨯꨱꩍ ꨐꨭꨩ ꨗꨯꨱ ꨕꨶꩍ ꨀꨳꨩ ꨠꨐꨭꩌ ꨐꨭꨩ ꨗꨯꨱ ꨡꨯꩍ ꨀꨳꨩ ꨓꨟꨭꩀ ꨕꨫ ꨆꨴꨲꩍ ꨓꨤꨫ ꨝꨵꨯꨱꩍ ꨐꨭꨩ ꨠꨐꨭꩌ ꨧꨯꨱꩃ ꨐꨭꨩ ꨠꨗꨬ ꨝꨵꨯꨱꩍ ꨐꨭꨩ ꨠꨣꨰ ꨀꨇꩆ ꨧꨯꨱꩃ ꨅꩃ ꨐꨭꨩ ꨝꨵꨯꨱꩍ ꨅꩃ ꨐꨭꨩ ꨚꨙꩉ ꨐꨭꨩ ꨝꨩ ꨅꩃ ꨐꨭꨩ ꨗꨯꨱ ꨠꨐꨭꩌ꩞ ꨘꩆ ꨟꩃ ꨐꨭꨩ ꨝꨩ ꨗꨯꨱ ꨠꨐꨭꩌ ꨡꨯꩍ ꨀꨳꨩ ꨕꨫ ꨓꨤꨫ ꨘꩆ ꨔꨭꨩ ꨥꨮꩀ ꨀꨝꨪꩍ ꨝꨵꨯꨱꩍ ꨕꨶꨩ ꨅꩃ ꨓꨌꨯꨱꨥ ꨚꨎꨳꨮꩃ ꨒꨭꩍ ꨥꨮꩀ ꨠꨣꨰ ꨧꩃ ꨎꨮꨩ꩞ ꨠꨕꨩ ꨓꨌꨯꨱꨥ ꨕꨨꨵꩀ ꨠꨓꨳꩆ ꨆꨢꨶꨩ ꨠꨐꨭꩌ ꨀꨳꨩ ꨕꨫ ꨓꨤꨫ ꨘꩆ ꨟꨪꩆ꩞ ꨘꩆ ꨤꩃ ꨧꨯꨱꩌ ꨚꨯꨩ ꨈꨗꨶꨮꩉ ꨂꨣꩃ ꨕꨫ ꨟꩀ ꨅꩃ ꨧꨯꨱꩃ ꨟꨭꩀ ꨓꨴꨩ ꨅꨩ꩞ ꨝꨣꨭꨥ ꨟꩃ ꨓꨌꨯꨱꨥ ꨘꩆ ꨠꨓꨳꩆ ꨕꨤꨚꩆ ꨝꨤꩆ ꨙꨪꩍ ꨕꨫ ꨀꨚꨶꨬ ꨀꨗꩀ ꨤꨆꨬ ꨥꨪꩊ ꨎꨳꨮꩃ ꨝꨤꨯꨱꩀ ꨤꨂꨩ ꨠꨕꨩ ꨨꨣꨬ ꨠꨕꨩ ꨚꨴꨯꨱꩃ ꨓꨮꩊ ꨓꨪꨎꨭꩍ ꨝꨤꩆ ꨔꨮꨭ ꨙꨯꩌ ꨝꩀ ꨓꨯꨱꩌ ꨔꨭꩆ ꨔꨮꨭ ꨙꨶꨮꩄ ꨠꨁꩆ ꨣꩍ ꨓꨆꨰ ꨈꨵꨰ ꨝꩀ ꨆꨵꨮꨭ ꨔꨭꩆ ꨔꨮꨭ ꨈꨵꨮꩃ ꨚꨝꨰꩈ꩞ ꨘꩆ ꨐꨭꨩ ꨟꨰ ꨟꩃ ꨈꨵꨮꩃ ꨚꨝꨰꩈ ꨐꨭꨩ ꨚꨙꩉ ꨀꨟꨰꩀ ꨐꨭꨩ ꨚꨀꨚꩍ ꨐꨭꨩ ꨕꨫ ꨚꨓꨯꨱ ꨆꨩ ꨐꨭꨩ ꨆꨳꨮꩃ ꨈꨵꨮꩃ ꨆꨭꨝꨥ ꨚꨓꨯꨱ ꨘꩆ ꨟꩃ ꨀꨟꨰꩀ ꨐꨭꨩ ꨤꩄ ꨥꨮꩀ꩝ ꨤꩄ ꨨꨲꨩ ꨓꨊꨪꩆ ꨓꨆꨰ ꨅꨩ ꨨꨭꨩ ꨕꨯꩌ ꨕꨫ ꨈꨤꨭꩃ ꨗꨯꨱ ꨈꨤꨭꩃ ꨟꨰ ꨢꨮꨭ ꨘꩆ꩝ ꨈꨵꨮꩃ ꨚꨝꨰꩈ ꨓꨯꩀ ꨆꨵꨮꨭ ꨕꨴꨬ ꨚꨝꨰꩈ ꨟꨪꩆ ꨀꨟꨰꩀ ꨕꨯꨱꩀ ꨆꨂꩀ ꨨꨶꨮꩄ ꨙꨩ ꨆꨩ ꨤꨨꨪꩀ ꨟꨪꩆ ꨝꨵꨯꨱꩍ ꨀꨗꩀ ꨚꨙꩉ ꨀꨟꨰꩀ ꨚꨀꨚꩍ ꨀꨗꩀ ꨕꨫ ꨚꨓꨯꨱ ꨆꨩ ꨀꨗꩀ ꨆꨳꨮꩃ ꨈꨵꨮꩃ ꨆꨭꨝꨥ ꨚꨓꨯꨱ ꨨꨝꩉ ꨆꩄ ꨆꨳꨮꩃ ꨆꨵꩍ ꨕꨫ ꨤꨨꨪꩀ꩞ ꨆꨭꨝꨥ ꨂꨣꩃ ꨣꨤꨯꨮꨩ ꨢꨮꨭ ꨘꩆ꩞ ꨀꨟꨰꩀ ꨐꨭꨩ ꨕꨫ ꨚꨀꨚꩍ ꨐꨭꨩ ꨅꨩ ꨐꨭꨩ ꨕꨫ ꨚꨮꩃ ꨅꨩ ꨧꨩ ꨕꨶꨩ ꨐꨭꨩ ꨚꨙꩉ ꨀꨟꨰꩀ ꨐꨭꨩ ꨗꨯꨱ ꨚꨶꨮꩄ ꨧꨯꨱꩃ ꨚꨓꨯꨱ ꨝꨫ ꨨꨭꨩ ꨆꨩ ꨐꨭꨩ ꨎꨮꨩ꩞ ꨘꩆ ꨟꩃ ꨀꨟꨰꩀ ꨐꨭꨩ ꨌꨳꨪꩇ ꨗꨯꨱ ꨚꨶꨮꩄ ꨧꨯꨱꩃ ꨚꨓꨯꨱ ꨆꨩ ꨐꨭꨩ ꨎꨮꨩ꩞
ꨝꨣꨭꨥ ꨟꩃ ꨀꨟꨰꩀ ꨐꨭꨩ ꨗꨯꨱ ꨚꨶꨮꩄ ꨧꨯꨱꩃ ꨚꨓꨯꨱ꩞ ꨀꨟꨰꩀ ꨐꨭꨩ ꨗꨯꨱ ꨓꨮꩊ ꨚꨝꩍ ꨡꨮꩃ ꨎꩃ ꨚꨓꨯꨱ ꨝꨵꨯꨱꩍ ꨀꨔꨮꨭ ꨈꨴꨯꨱꩍ꩞ ꨘꩆ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨃꨥ ꨓꨐꨫ꩞ ꨤꩄ ꨔꨬ ꨠꨣꨰ ꨝꨵꨯꨱꩍ ꨀꨔꨮꨭ ꨈꨴꨯꨱꩍ꩞ ꨘꩆ ꨟꩃ ꨀꨟꨰꩀ ꨝꨤꨯꨱꩀ ꨤꨂꨩ ꨤꩄ ꨕꨨꨵꩀ ꨟꨪꩆ꩞ ꨝꨣꨭꨥ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨓꨐꨫ ꨤꩄ ꨟꨰ ꨨꨓꨯꨱ ꨝꨳꨮꩆ ꨗꨫ꩞ ꨘꩆ ꨟꩃ ꨀꨟꨰꩀ ꨝꨤꨯꨱꩀ ꨤꨂꨩ ꨤꩄ ꨕꨨꨵꩀ ꨠꨣꨰ ꨚꨶꨮꩄ ꨧꨯꨱꩃ ꨚꨯꨩ ꨈꨗꨴꨮꩍ ꨚꨓꨴꨰ ꨠꨕꨩ ꨀꨗꩀ ꨕꨨꨵꩀ ꨎꨩ ꨝꨤꨯꨱꩀ ꨤꨂꨩ ꨚꨙꩉ ꨕꨨꨵꩀ ꨟꨰ ꨚꨶꨮꩄ ꨚꨀꨚꩍ ꨐꨭꨩ ꨕꨫ ꨚꨯꨩ ꨈꨗꨴꨮꩍ ꨚꨓꨴꨰ ꨆꨩ ꨐꨭꨩ ꨆꨳꨮꩃ ꨈꨵꨮꩃ ꨆꨭꨝꨥ ꨚꨯꨩ ꨈꨗꨴꨮꩍ ꨚꨓꨴꨰ ꨝꨣꨭꨥ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨓꨟꨩ ꨗꨯꨱ ꨚꨔꨮꨭ ꨚꨓꨯꨱ꩞ ꨤꩄ ꨆꨘꨩ ꨖꨭꩊ ꨚꨤꩀ ꨓꨆꨰ ꨠꩍ ꨈꨗꨴꨮꩍ ꨚꨓꨴꨰ ꨠꨕꨩ ꨚꨗꨶꨮꩄ ꨀꨟꨰꩀ ꨝꨤꨯꨱꩀ ꨤꨂꨩ ꨠꨣꨰ ꨚꨶꨮꩄ ꨆꨭꨝꨥ ꨚꨯꨩ ꨈꨗꨴꨮꩍ ꨚꨓꨴꨰ ꨆꨩ ꨀꨗꩀ ꨐꨭꨩ ꨈꨵꨮꩃ꩞ ꨘꩆ ꨟꩃ ꨚꨓꨯꨱ ꨚꨙꩉ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨃꨥ ꨝꨤꨯꨱꩀ ꨤꨂꨩ ꨧꨯꨱꩃ ꨀꨟꨰꩀ ꨎꨩ ꨝꨤꨯꨱꩀ ꨤꨂꨩ ꨠꨣꨰ꩞ ꨝꨣꨭꨥ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨃꨥ ꨀꨟꨰꩀ ꨝꨤꨯꨱꩀ ꨤꨂꨩ ꨧꨯꨱꩃ ꨝꨤꨯꨱꩀ ꨤꨂꨩ ꨠꨣꨰ ꨝꨣꨭꨥ ꨟꩃ ꨀꨟꨰꩀ ꨝꨤꨯꨱꩀ ꨤꨂꨩ ꨎꨩ ꨝꨤꨯꨱꩀ ꨤꨂꨩ ꨠꨣꨰ꩞ ꨘꩆ ꨟꩃ ꨓꨐꨫ ꨤꩄ ꨀꨟꨰꩀ ꨎꨩ ꨝꨤꨯꨱꩀ ꨤꨂꨩ ꨝꨩ ꨎꨩ ꨝꨤꨯꨱꩀ ꨤꨂꨩ ꨟꨰ ꨨꨓꨯꨱ꩞ ꨘꩆ ꨟꩃ ꨀꨟꨰꩀ ꨝꨤꨯꨱꩀ ꨤꨂꨩ ꨤꩄ ꨆꨘꨩ ꨖꨭꩊ ꨚꨤꩀ ꨓꨆꨰ ꨠꩍ ꨚꨯꨩ ꨠꨕꨩ ꨀꨗꩀ ꨕꨨꨵꩀ ꨎꨩ ꨝꨤꨯꨱꩀ ꨤꨂꨩ ꨚꨙꩉ ꨕꨨꨵꩀ ꨠꨣꨰ ꨚꨀꨚꩍ ꨐꨭꨩ ꨆꨩ ꨐꨭꨩ ꨆꨳꨮꩃ ꨈꨵꨮꩃ ꨆꨭꨝꨥ ꨚꨯꨩ ꨘꩆ ꨟꩃ ꨚꨓꨯꨱ ꨘꩆ ꨤꩄ ꨥꨮꩀ ꨤꩄ ꨆꨭꨝꨥ ꨆꨮꨭ ꨆꨵꨮꨭ ꨚꨵꨭꩍ ꨂꨣꩃ ꨝꨯꨱꩊ ꨝꨵꨯꨱꩍ ꨈꨵꨮꩃ ꨕꨫ ꨆꨎꩇ ꨅꨩ ꨕꨫ ꨆꨵꩍ ꨕꨫ ꨤꨨꨪꩀ ꨅꨩ꩞ ꨆꨭꨝꨥ ꨓꨮꩊ ꨆꨵꨮꨭ ꨣꨓꨭꩍ ꨓꨠꩆ꩝ ꨝꨵꨯꨱꩍ ꨎꨩ ꨝꨤꨯꨱꩀ ꨤꨂꨩ ꨈꨵꨮꩃ ꨨꨝꩉ ꨆꨳꨮꩃ ꨆꨩ ꨆꨎꩇ꩞ ꨝꨣꨭꨥ ꨟꩃ ꨚꨓꨯꨱ ꨃꨥ ꨎꨩ ꨝꨤꨯꨱꩀ ꨤꨂꨩ ꨠꨣꨰ ꨓꨐꨫ ꨤꩄ ꨆꨭꨝꨥ ꨆꨮꨭ ꨓꨮꩊ ꨆꨵꨮꨭ ꨣꨓꨭꩍ ꨓꨠꩆ ꨨꨲꨩ ꨈꨵꨮꩃ ꨕꨫ ꨆꨎꩇ ꨅꨩ ꨙꨩ ꨘꩆ ꨟꩃ ꨎꨩ ꨝꨤꨯꨱꩀ ꨤꨂꨩ ꨤꩄ ꨕꨨꨵꩀ ꨈꨵꨮꩃ ꨆꨎꩇ ꨟꨪꩆ꩞ ꨝꨣꨭꨥ ꨟꩃ ꨚꨓꨯꨱ ꨤꩄ ꨥꨮꩀ ꨧꨯꨱꩃ ꨀꨟꨰꩀ ꨎꨩ ꨝꨤꨯꨱꩀ ꨤꨂꨩ ꨤꩄ ꨢꩍ ꨢꨮꨭ ꨘꩆ ꨎꨮꨩ ꨎꨩ ꨝꨤꨯꨱꩀ ꨤꨂꨩ ꨤꨶꨰ ꨆꨩ ꨐꨭꨩ ꨕꨯꨱꩀ ꨥꨮꩀ ꨚꩀ ꨗꨫ ꨚꨈꨭꩍ ꨟꩃ ꨚꨈꨯꨮꨩ ꨆꨩ ꨐꨭꨩ ꨗꨯꨱ ꨈꨵꨮꩃ ꨆꨝꨥ꩞
ꨀꨟꨰꩀ ꨝꨤꨯꨱꩀ ꨤꨂꨩ ꨥꨮꩀ ꨗꨯꨱ ꨧꩃ ꨝꨰꩀ꩞ ꨘꩆ ꨟꩃ ꨀꨟꨰꩀ ꨝꨤꨯꨱꩀ ꨤꨂꨩ ꨥꨮꩀ ꨗꨯꨱ ꨧꩃ꩞ ꨎꨩ ꨝꨤꨯꨱꩀ ꨤꨂꨩ ꨕꨯꨱꩀ ꨥꨮꩀ ꨧꨯꨱꩃ ꨚꨓꨯꨱ ꨓꨮꩊ ꨨꨕꩍ ꨟꩃ ꨚꨈꨯꨮꨩ ꨕꨯꩌ ꨝꨯꨱꩊ ꨚꨓꨯꨱ ꨚꨮꩍ ꨆꨝꨥ ꨆꨩ ꨎꨩ ꨝꨤꨯꨱꩀ ꨤꨂꨩ ꨗꨯꨱ ꨈꨵꨮꩃ ꨚꨮꩍ ꨆꨝꨥ ꨓꨝꨳꩀ ꨕꨫ ꨥꩉ ꨝꨵꨯꨱꩍ ꨂꨣꩃ ꨚꨯꩀ ꨎꨩ ꨝꨤꨯꨱꩀ ꨤꨂꨩ ꨌꨴꨯꩃ ꨊꨯꨱꩀ ꨣꨯꨱꩃ ꨆꨝꨥ ꨝꨵꨯꨱꩍ ꨂꨣꩃ ꨓꨳꩇ ꨆꨝꨥ ꨚꨣꨤꨯꨱ ꨗꨯꨱ ꨆꨩ ꨐꨭꨩ ꨈꨵꨮꩃ ꨚꩀ ꨊꨯꨱꩀ ꨣꨤꨯꩂ ꨕꨯꩌ ꨝꨯꨱꩊ ꨚꨓꨯꨱ ꨓꨳꩇ ꨆꨝꨥ ꨚꨤꨯꨱ ꨓꨮꩊ ꨊꨯꨱꩀ ꨣꨤꨯꩂ ꨆꨩ ꨎꨩ ꨝꨤꨯꨱꩀ ꨤꨂꨩ ꨝꨵꨯꨱꩍ ꨥꨮꩀ ꨠꨣꨰ ꨧꩃ ꨝꨵꨯꨱꩍ ꨐꨭꨩ ꨙꨯꩌ ꨧꨯꨱꩃ ꨈꨮꩇ ꨐꨭꨩ ꨣꩍ ꨎꨤꩆ ꨟꨰ ꨤꩄ ꨕꨯꩌ ꨚꨗꨯꨱꩀ ꨕꨴꨬ ꨝꨵꨯꨱꩍ ꨓꨳꩇ ꨆꨝꨥ ꨚꨣꨤꨯꨱ ꨗꨯꨱ ꨆꨩ ꨝꨤꨯꨱꩀ ꨤꨂꨩ ꨈꨵꨮꩃ ꨘꩆ ꨋꩇ ꨢꨮꨭ ꨕꨴꨬ ꨓꨳꩇ ꨆꨝꨥ ꨗꨯꨱ ꨚꨤꨨꨪꩀ ꨔꨯꨱꩍ ꨕꨯꩌ ꨂꨣꩃ ꨘꩆ ꨐꨭꨩ ꨕꨯꨱꩀ ꨙꨯꩌ ꨧꨯꨱꩃ ꨈꨮꩇ ꨐꨭꨩ ꨤꩄ ꨎꨩ ꨝꨤꨯꨱꩀ ꨤꨂꨩ ꨈꨵꨮꩃ ꨆꨝꨥ ꨘꩆ ꨕꨫ ꨆꨵꩍ ꨕꨫ ꨤꨨꨪꩀ ꨅꨩ꩞ ꨘꩆ ꨟꩃ ꨓꨮꩊ ꨎꨤꨩ ꨚꨴꨯꨱꩃ ꨆꨗꨰ ꨓꨤꨶꨪꩄ ꨀꨗꩀ ꨚꨓꨯꨱ ꨝꨩ ꨤꨧꨬ ꨗꨯꨱ ꨆꨩ ꨝꨤꨯꨱꩀ ꨤꨂꨩ ꨗꨯꨱ ꨡꨯꩍ ꨕꨯꩌ ꨆꨝꨥ ꨕꨯꨱꩀ ꨡꨮꩃ ꨈꨭꩊ ꨈꨮꩇ ꨝꨵꨯꨱꩍ ꨕꨫ ꨡꨯꩍ ꨝꨤꨯꨱꩀ ꨤꨂꨩ ꨅꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨃꨥ ꨤꩄ ꨝꨤꨯꨱꩀ ꨤꨂꨩ ꨗꨯꨱ ꨨꨓꨯꨱ ꨝꨤꨯꨱꩍ ꨅꨩ ꨡꨯꩍ ꨅꨩ ꨢꨩ ꨗꨫ ꨤꨰꩈ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨤꩄ ꨚꨯꨩ ꨝꨵꨯꨱꩍ ꨝꨤꨯꨱꩀ ꨤꨂꨩ ꨈꨤꨭꩃ ꨟꨰ ꨓꨯꨱꩌ ꨗꨰ ꨓꨤꨶꨪꩄ ꨝꨵꨯꨱꩍ ꨟꩀ ꨤꨧꨬ ꨗꨯꨱ ꨨꨶꩀ ꨘꩆ ꨟꩃ ꨗꨰ ꨓꨤꨶꨪꩄ ꨥꨮꩀ ꨠꨣꨰ ꨧꩃ꩞ ꨓꨮꩊ ꨝꨳꨮꩉ ꨨꨣꨬ ꨝꨤꨯꨱꩀ ꨤꨂꨩ ꨓꨳꩇ ꨆꨝꨥ ꨠꨣꨰ ꨧꩃ ꨝꨵꨯꨱꩍ ꨝꨤꨯꨱꩀ ꨤꨂꨩ ꨧꨰꩅ ꨓꨈꨯꩀ ꨕꨯꨱꩀ ꨊꨯꨱꩀ ꨣꨯꨱꩃ ꨆꨝꨥ ꨝꨵꨯꨱꩍ ꨓꨳꩇ ꨆꨝꨥ ꨠꨣꨰ ꨧꩃ ꨆꨝꨥ ꨡꨯꩍ ꨀꨝꨪꩍ ꨕꨫ ꨨꨭꨩ ꨤꨨꨪꩀ ꨧꨩ ꨕꨴꨬ ꨨꨤꨬ ꨅꨩ ꨓꩊ ꨀꨝꨪꩍ ꨘꩆ ꨟꩃ ꨚꨓꨯꨱ ꨗꨪꩅ ꨕꨤꩌ ꨨꨓꨰ ꨧꨗꩃ ꨤꩄ ꨠꨗꨶꨪꨧꨩ ꨂꨣꩃ ꨚꨓꨯꨱ ꨧꨩ ꨕꨚꨶꨮꩊ ꨝꨵꨯꨱꩍ ꨈꨵꨮꩃ ꨆꨭꨝꨥ ꨘꩆ ꨕꨫ ꨆꨎꩇ ꨅꨩ ꨝꨵꨯꨱꩍ ꨀꨣꩀ ꨗꨫ ꨎꨩ ꨝꨤꨯꨱꩀ ꨤꨂꨩ ꨓꨊꨪꩆ ꨅꨩ ꨨꨭꨩ ꨢꩍ ꨓꨆꨰ ꨤꨪꨎꩃ ꨅꨩ ꨨꨭꨩ ꨝꨵꨯꨱꩍ ꨐꨭꨩ ꨈꨵꨮꩃ ꨆꨝꨥ ꨘꩆ ꨆꨎꩇ ꨌꨰꩀ ꨠꨕꨩ ꨕꨤꩌ ꨣꨭꩇ ꨐꨭꨩ ꨨꨝꩉ ꨀꨮꨩ꩞
ꨘꩆ ꨟꩃ ꨨꨣꨬ ꨨꨕꨬ ꨚꨙꩉ ꨎꨩ ꨝꨤꨯꨱꩀ ꨤꨂꨩ ꨝꨩ ꨈꩌ ꨀꨟꨴꨩ ꨝꨵꨯꨱꩍ ꨢꩍ ꨡꨯꩍ ꨨꨣꨰꩀ ꨘꩆ ꨣꨶꨪꩄ ꨨꨣꨰꩀ ꨝꨵꨯꨱꩍ ꨈꨥꩃ ꨥꩀ ꨕꨫ ꨓꨆꨯꨮꨩ ꨆꨝꨥ ꨘꩆ ꨝꨩ ꨠꨣꨰ ꨧꩃ ꨨꨰ ꨚꨈꨩ ꨕꨴꨬ ꨓꨢꩍ ꨚꨎꨮꨩ ꨣꨶꨪꩄ ꨚꨓꨯꨱꩌ ꨧꨩ ꨨꨣꨬ ꨧꨩ ꨕꩃ ꨎꩃ ꨨꨭꨩ ꨧꨩ ꨨꨣꨬ ꨀ꩒ ꨕꩃ ꨎꩃ ꨨꨭꨩ ꨟꨪꩆ ꨠꨕꨩ ꨨꨣꨬ ꨠꨕꨩ ꨕꨴꨬ ꨣꨶꨪꩄ ꨚꨓꨯꨱꩌ ꨚꨓꨯꨱ ꨆꨆꨬ ꨧꨯꨱꩃ ꨎꨩ ꨝꨤꨯꨱꩀ ꨤꨂꨩ ꨢꨮꨭ ꨘꩆ꩝ ꨓꨮꩊ ꨓꨭꩀ ꨨꨣꨬ ꨂꨣꩃ ꨚꨮꩍ ꨆꨝꨥ ꨆꨩ ꨝꨤꨯꨱꩀ ꨤꨂꨩ ꨗꨯꨱ ꨈꨵꨮꩃ ꨘꩆ ꨂꨣꩃ ꨚꨯꩀ ꨎꨩ ꨝꨤꨯꨱꩀ ꨤꨂꨩ ꨌꨴꨯꨱꩃ ꨊꨯꨱꩀ ꨣꨯꨱꩃ ꨆꨝꨥ ꨧꨯꨱꩃ ꨟꩀ ꨀꨟꨴꨩ ꨌꨴꨯꩃ ꨊꨯꨱꩀ ꨣꨯꨱꩃ ꨆꨝꨥ ꨧꨯꨱꩃ ꨝꨤꨯꨱꩀ ꨤꨂꨩ ꨝꨵꨯꨱꩍ ꨂꨣꩃ ꨓꨳꩇ ꨆꨝꨥ ꨚꨣꨤꨯꨱ ꨗꨯꨱ ꨆꨩ ꨝꨤꨯꨱꩀ ꨤꨂꨩ ꨈꨵꨮꩃ ꨎꨮꨩ꩞ ꨘꩆ ꨟꩃ ꨕꨫ ꨨꨣꨬ ꨘꩆ ꨗꨰ ꨓꨤꨶꨪꩄ ꨝꨩ ꨤꨔꨬ ꨗꨯꨱ ꨆꨩ ꨎꨩ ꨝꨤꨯꨱꩀ ꨤꨂꨩ ꨝꨵꨯꨱꩍ ꨗꨰ ꨓꨤꨶꨪꩄ ꨗꨯꨱ ꨓꨮꩊ ꨌꨟꨯꨱꩍ ꨐꨭꨩ ꨈꨵꨮꩃ ꨆꨝꨥ ꨘꩆ ꨝꨵꨯꨱꩍ ꨗꨰ ꨓꨤꨶꨪꩄ ꨆꨴꩀ ꨆꨳꨮꩃ ꨈꨵꨮꩃ ꨝꨙꨪ ꨝꨗꨳꨰ ꨝꨤꨯꨱꩀ ꨤꨂꨩ ꨣꨶꨪꩄ ꨨꨣꨰꩀ ꨨꨝꩉ ꨙꨩ ꨓꨊꨪꩆ ꨅꨩ ꨨꨭꨩ ꨓꨆꨰ ꨅꨩ ꨨꨭꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨗꨯꨱ ꨡꨯꩍ ꨝꨤꨯꨱꩀ ꨤꨂꨩ ꨌꨴꨮꩃ ꨠꨗꨶꨪꨧꨩ ꨂꨣꩃ ꨝꨯꨱꩊ ꨞꩇ ꨣꨝꨭꨥ ꨓꨠꩆ ꨆꨶꨮꩄ ꨣꨓꨭꩍ ꨨꨭꨩ ꨠꨖꨪꩉ ꨣꨪꨢꨩ ꨚꨝꨰꩈ ꨚꨝꨶꨬ ꨠꨗꨭꩀ ꨆꨒꨯꨱꩀ ꨀꨔꨮꨭ ꨈꨴꨯꨱꩍ ꨨꨟꨭꨩ ꨧꨯꨱꩃ ꨧꨮꩇ ꨣꨝꩇ ꨠꨣꨫ ꨨꨈꩉ ꨌꨮꩃ ꨀꨕꨯꨱꩍ ꨚꨟꨴꨮꨩ ꨎꨩ ꨝꨤꨯꨱꩀ ꨤꨂꨩ ꨤꨆꨬ ꨆꨭꨟꨬ ꨀꨧꨪꩅ ꨚꨴꨯꨱꩃ ꨕꩌ ꨕꨣꨩ ꨠꨗꩃ ꨗꨯꨱ ꨕꨶꩍ ꨣꨶꨪꩄ ꨨꨣꨰꩀ ꨟꩃ ꨗꩃ ꨂꨣꩃ ꨈꨵꨮꩃ ꨆꨝꨥ꩞ ꨘꩆ ꨟꩃ ꨗꨰ ꨓꨤꨶꨪꩄ ꨆꨴꩀ ꨟꨯꨱꩃ ꨡꨯꩍ ꨝꩀ ꨠꨓꨩ ꨝꩀ ꨀꨕꨭꩃ ꨔꨮꨭ ꨆꨩ ꨝꨤꨯꨱꩀ ꨤꨂꨩ ꨈꨗꨴꨮꩍ ꨝꨵꨯꨱꩍ ꨗꨰ ꨓꨤꨶꨪꩄ ꨌꨰꩀ ꨕꨤꩌ ꨓꨳꩆ ꨕꨫ ꨙꨯꩌ ꨓꨝꨳꩀ ꨆꨩ ꨂꨣꩃ ꨔꨮꨭ ꨅꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨃꨥ ꨋꩇ ꨟꩃ ꨋꩇ ꨕꨶꩍ ꨐꨭꨩ꩞ ꨗꨰ ꨓꨤꨶꨪꩄ ꨀꨮꨥ꩝ ꨤꩄ ꨟꨰ ꨟꩀ ꨤꨔꨬ ꨨꨶꩀ ꨤꨮꨩ ꨄꨰ ꨝꨤꨯꨱꩀ ꨤꨂꨩ ꨤꨮꩈ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨚꨙꩉ ꨕꨯꩌ ꨠꨗꨶꨪꨧꨩ ꨂꨣꩃ ꨝꨯꨱꩊ ꨞꩇ ꨤꨶꩀ ꨓꨟꨩ ꨓꨗꩍ ꨣꨪꨢꨩ ꨀꨝꨪꩍ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨈꨤꨭꩃ ꨟꨰ ꨓꨯꨱꩌ ꨗꨰ ꨓꨤꨶꨪꩄ ꨝꨵꨯꩍ ꨟꩀ ꨤꨔꨬ ꨗꨯꨱ ꨨꨶꩀ꩞ ꨘꩆ ꨟꩃ ꨗꨰ ꨓꨤꨶꨪꩄ ꨥꨮꩀ ꨠꨣꨰ ꨧꩃ ꨝꨵꨯꨱꩍ ꨚꨓꨯꨱ ꨓꨐꨫ ꨤꩄ ꨠꨓꨤꨶꨪꩄ ꨝꨩ ꨤꨔꨬ ꨧꨩ ꨡꨮꩃ ꨗꨫ ꨨꨝꩉ ꨝꨵꨯꨱꩍ ꨎꨤꨩ ꨤꨯꨮꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨤꩄ ꨕꨨꨵꩀ ꨗꨯꨱ ꨥꩉ ꨈꨵꨰ ꨎꨤꩆ ꨟꨪꩆ ꨚꨯꨩ꩞ ꨘꩆ ꨗꨰ ꨓꨤꨶꨪꩄ ꨚꨶꨮꩄ ꨚꨈꩅ ꨚꨓꨯꨱ ꨟꨪꩆ ꨗꨰ ꨓꨤꨶꨪꩄ ꨕꨯꨱꩀ ꨎꨤꨩ ꨤꨯꨩ ꨘꩆ ꨆꨢꨶꨩ ꨕꨯꨱꩀ ꨆꨴꩀ ꨀꨳꨮꩀ ꨝꨙꨪ ꨝꨗꨳꨰ ꨝꨤꨯꨱꩀ ꨤꨂꨩ ꨟꨪꩆ꩞ ꨘꩆ ꨟꩃ ꨓꨮꩊ ꨝꨳꨩ ꨨꨣꨬ ꨝꨤꨯꨱꩀ ꨤꨂꨩ ꨓꨳꩇ ꨆꨝꨥ ꨠꨣꨰ ꨧꩃ ꨝꨤꨯꨱꩀ ꨤꨂꨩ ꨌꨴꨮꩃ ꨥꨮꩀ ꨐꨭꨩ ꨃꨥ ꨕꨯꩌ ꨝꨯꨱꩊ ꨞꩇ ꨠꨗꨶꨪꨧꨩ ꨂꨣꩃ ꨓꨈꨯꩀ ꨟꩃ ꨀꨵꨩ ꨓꨗꩍ ꨣꨪꨢꨩ ꨠꨣꨰ ꨠꨤꨳꨮꩃ ꨆꨗꨩ ꨐꨭꨩ ꨠꨗꩃ ꨗꨯꨱ ꨈꨥꩃ ꨨꨣꨰꩀ ꨝꨵꨯꨱꩍ ꨥꩀ ꨕꨫ ꨕꨆꨯꨮꨩ ꨆꨝꨥ ꨠꨗꩃ ꨗꨯꨱ ꨓꨳꩇ ꨆꨝꨥ ꨠꨣꨰ ꨚꨓꨯꨱꩌ ꨈꨮꩇ ꨠꨗꩃ ꨂꨣꩃ ꨕꨯꨱꩀ ꨟꩃ ꨤꨳꨮꩃ ꨆꨗꨩ ꨐꨭꨩ꩞ ꨘꩆ ꨟꩃ ꨕꨯꩌ ꨝꨯꨱꩊ ꨞꩇ ꨈꨥꩃ ꨨꨣꨰꩍ ꨝꨵꨯꨱꩍ ꨥꩀ ꨕꨫ ꨕꨆꨯꨮꨩ ꨆꨝꨥ ꨥꩀ ꨕꨫ ꨈꨴꨮꩇ ꨕꨴꨬ ꨆꨝꨥ ꨝꨵꨯꨱꩍ ꨐꨭꨩ ꨓꨳꩇ ꨆꨝꨥ ꨚꨣꨤꨯꨱ ꨝꨤꨯꨱꩀ ꨤꨂꨩ ꨠꨣꨰ ꨟꩃ ꨓꨲꩍ ꨎꨤꩆ ꨝꨵꨯꨱꩍ ꨝꨤꨯꨱꩀ ꨤꨂꨩ ꨚꨙꩉ ꨕꨯꩌ ꨠꨗꨶꨪꨧꨩ ꨂꨣꩃ ꨤꨶꩀ ꨓꨟꨩ ꨓꨗꩍ ꨣꨪꨢꨩ ꨥꨮꩀ ꨀꨝꨪꩍ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨓꨳꩇ ꨆꨝꨥ ꨠꨣꨰ ꨓꨮꩊ ꨧꩃ ꨘꩆ ꨚꨓꨯꨱ ꨕꨯꩌ ꨕꨫ ꨕꨯꨱꩀ ꨠꨢꨯꨱꩌ ꨧꨯꨱꩃ ꨀꨝꨪꩍ ꨧꨩ ꨘꨈꩉ ꨤꨆꨬ ꨋꩆ ꨆꨟꨬ ꨕꩌ ꨋꩆ ꨕꨣꨩ ꨀꨧꨪꩅ ꨚꨴꨯꨱꩃ ꨠꨢꨯꨱꩌ ꨝꨤꨯꨱꩀ ꨤꨂꨩ꩞
ꨚꨓꨯꨱ ꨃꨥ ꨕꨯꩌ ꨝꨯꨱꩊ ꨠꨣꨰ ꨨꨕꨬ ꨥꩀ ꨨꨣꨰꩀ ꨕꨫ ꨕꨆꨯꨮꨩ ꨆꨝꨥ ꨘꩆ ꨙꩃ ꨓꨎꨭꩍ ꨚꨤꨬ ꨝꨯꨱꩊ ꨘꩆ ꨟꩃ ꨥꩀ ꨨꨣꨰꩀ ꨕꨫ ꨕꨆꨯꨮꨩ ꨆꨝꨥ ꨝꨵꨯꨱꩍ ꨀꨝꨪꩍ꩞ ꨥꩀ ꨨꨣꨰꩀ ꨕꨫ ꨈꨴꨮꩇ ꨕꨴꨬ ꨆꨝꨥ ꨝꨵꨯꨱꩍ ꨚꨓꨯꨱꩌ ꨙꩃ ꨧꨩ ꨚꨵꨭꩍ ꨣꨕꨰꩍ ꨨꨣꨰꩀ꩞ ꨘꩆ ꨟꩃ ꨓꨮꩊ ꨨꨣꨬ ꨨꨕꨬ ꨝꨤꨯꨱꩀ ꨤꨂꨩ ꨗꨯꨱ ꨈꨵꨮꩃ ꨆꨭꨝꨥ ꨝꨵꨯꨱꩍ ꨗꨰ ꨓꨤꨶꨪꩄ ꨝꨩ ꨤꨔꨬ ꨥꨮꩀ ꨧꨩ ꨡꨮꩃ ꨓꨴꨩ ꨝꨵꨯꨱꩍ ꨗꨰ ꨓꨤꨶꨪꩄ ꨆꨴꩀ ꨀꨳꨮꩀ꩞ ꨘꩆ ꨡꨯꩍ ꨝꨤꨯꨱꩀ ꨤꨂꨩ ꨌꨴꨮꩃ ꨥꨮꩀ ꨧꨩ ꨡꨮꩃ ꨓꨴꨩ꩝ ꨘꩆ ꨗꨰ ꨓꨤꨶꨪꩄ ꨡꨯꩍ ꨠꨗꨶꨪꨧꨩ ꨂꨣꩃ ꨤꨆꨬ ꨆꨟꨬ ꨕꩌ ꨕꨣꨩ ꨝꩀ ꨡꨵꩃ ꨝꩀ ꨆꨓꩃ ꨣꨝꨭꨥ ꨣꨝꨭꨥ ꨓꨠꩆ ꨓꨠꩆ꩞ ꨕꨯꨱꩀ ꨠꨤꨳꨮꩃ ꨆꨗꨩ ꨝꨵꨯꨱꩀ ꨤꨂꨩ꩞ ꨀꨝꨪꩍ ꨀꨔꨭꩉ ꨝꨳꨮꩇ ꨕꨫ ꨈꨵꨰ ꨆꨴꨭꩀ ꨣꨧꨩ ꨤꨪꨠꩆ ꨆꨯꨱꩀ ꨣꨪꨟꨯꨱꩃ ꨌꨈꨭꨥ ꨧꨯꨱꩃ ꨀꨝꨪꩍ ꨠꨓꨩ ꨌꨪꩌ ꨕꨫ ꨈꨵꨰ ꨓꨳꨯꨱꩃ ꨝꨢꨮꩆ ꨀꨟꨴꩀ ꨌꨈꨭꩉ ꨡꨰꩄ ꨆꨓꨴꨭꨥ ꨌꨣꨥ ꨓꨥꨰꩅ ꨕꨫ ꨕꩆ ꨕꨪꨕꩆ ꨤꨯꩀ ꨗꨫ ꨠꨣꨰ ꨆꨯꨱꩃ ꨝꨤꨯꨱꩀ ꨤꨂꨩ ꨠꨆꨴꨲꨩ ꨕꨫ ꨔꨭꨥ ꨤꨝꨪꩀ ꨆꨳꩃ ꨚꨈꩇ ꨅꨩ꩞ ꨨꨟꨭꨩ ꨧꨯꨱꩃ ꨧꩇ ꨣꨝꩇ ꨠꨣꨫ ꨌꨮꩃ ꨨꨈꩉ ꨧꨣꨭꨗꨰ ꨀꨕꨯꨱꩍ ꨚꨟꨴꨮꨩ ꨝꨵꨯꨱꩀ ꨤꨂꨩ꩞ ꨠꨗꨭꩀ ꨆꨒꨯꨱꩀ ꨀꨔꨭꨥ ꨈꨴꨯꨱꩍ ꨋꩇ ꨢꨮꨭ ꨚꨤꨬ ꨘꨈꩉ ꨂꨣꩃ ꨚꩀ ꨘꩆ꩞ ꨗꨰ ꨓꨤꨶꨪꩄ ꨙꨪꩀ ꨊꨯꨱꩀ ꨆꨭꨢꨮꨭ ꨝꨵꨯꨱꩍ ꨗꨰ ꨓꨤꨶꨪꩄ ꨕꨯꨱꩀ ꨟꨯꨱꩃ꩞ ꨗꨰ ꨓꨤꨶꨪꩄ ꨕꨫ ꨨꨭꨩ ꨝꨴꨬ ꨣꨭꩇ ꨗꨰ ꨓꨤꨶꨪꩄ ꨆꨩ ꨝꨤꨯꨱꩀ ꨤꨂꨩ ꨡꨯꩍ ꨅꨩ꩞ ꨗꨰ ꨓꨤꨶꨪꩄ ꨎꨯꨱꩍ ꨨꨤꨩ ꨆꨢꨮꨭ ꨎꩌ ꨣꨭꩇ ꨥꨮꩀ꩞ ꨗꨰ ꨓꨤꨶꨪꩄ ꨟꨯꨱꩃ ꨡꨯꩍ ꨝꨤꨯꨱꩀ ꨤꨂꨩ ꨆꨳꨮꩃ ꨈꨵꨮꩃ꩞ ꨠꨢꩍ ꨗꨰ ꨓꨤꨶꨪꩄ ꨅꨩ ꨙꨪꩀ ꨆꨢꨮꨭ ꨝꨵꨯꨱꩍ ꨟꨯꨱꩃ ꨅꨩ ꨘꩆ ꨗꨰ ꨓꨤꨶꨪꩄ ꨟꨯꨱꩃ ꨕꨫ ꨡꨯꩍ ꨝꨤꨯꨱꩀ ꨤꨂꨩ ꨆꨳꨮꩃ ꨈꨵꨮꩃ ꨅꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨙꨪꩀ ꨊꨯꨱꩀ ꨆꨢꨮꨭ ꨝꨵꨯꨱꩍ ꨗꨰ ꨓꨤꨶꨪꩄ ꨕꨯꨱꩀ ꨈꨵꨮꩃ ꨡꨯꩍ ꨝꨤꨯꨱꩀ ꨤꨂꨩ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨧꨳꩌ ꨤꨪꨆꨬ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨚꨈꩇ ꨅꨩ꩞
ꨈꨗꨭꩍ ꨝꨤꨯꨱꩀ ꨤꨂꨩ ꨓꨐꨴꩀ ꨨꨕꩍ ꨧꨳꩌ ꨤꨆꨬ ꨢꨮꨭ ꨚꨭꨣꨟꨫ ꨧꨩ ꨆꨵꩌ ꨝꨵꨯꨱꩍ ꨕꨯꩌ ꨝꨯꨱꩊ ꨞꩇ ꨕꨯꨱꩀ ꨀꨓꨯꨱꩃ ꨨꨈꩉ ꨀꨓꨯꨱꩃ ꨌꨮꩃ ꨂꨀꩀ ꨣꨝꩇ ꨀꨢꨭꩀ ꨠꨣꨫ ꨀꨕꨯꨱꩍ ꨚꨟꨴꨮꨩ ꨝꨵꨯꨱꩍ ꨆꨯꨱꩃ ꨝꨤꨯꨱꩀ ꨤꨂꨩ ꨓꨯꨱꩌ ꨕꩉ ꨣꨭꩇ ꨝꨵꨯꨱꩀ ꨤꨂꨩ꩞ ꨨꨤꨬ ꨝꨤꨯꨱꩀ ꨤꨂꨩ ꨘꩆ ꨐꨭꨩ ꨕꨯꨱꩀ ꨓꨚꩀ ꨆꨴꨲꩍ꩞ ꨘꩆ ꨟꩃ ꨗꨰ ꨓꨤꨶꨪꩄ ꨟꨯꨱꩃ ꨡꨯꩍ ꨢꨮꨭ ꨘꩆ ꨝꨵꨯꨱꩍ ꨗꨰ ꨓꨤꨶꨪꩄ ꨚꨇꩇ ꨕꨤꩌ ꨨꨓꨰ ꨕꨫ ꨙꨯꩌ ꨓꨝꨳꩀ ꨅꨩ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨆꨴꨭꩃ ꨓꨭꩀ ꨝꩀ ꨎꨤꨩ ꨝꨳꨮꩆ ꨘꩆ ꨧꨮꩃ ꨗꨰ ꨓꨤꨶꨪꩄ ꨝꨩ ꨤꨔꨬ ꨠꨣꨰ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨚꨙꩉ ꨕꨯꩌ ꨝꨯꨱꩊ ꨞꩇ ꨤꨶꩀ ꨓꨠꨩ ꨓꨗꩍ ꨣꨪꨢꨩ ꨥꨮꩀ ꨀꨝꨪꩍ ꨝꨤꨯꨱꩀ ꨤꨂꨩ ꨘꩆ ꨕꨫ ꨆꨩ ꨓꨠꨩ ꨨꨣꨭꩌ ꨤꨂꨩ ꨥꨮꩀ ꨅꨩ꩞ ꨘꩆ ꨗꨰ ꨓꨤꨶꨪꩄ ꨟꨯꨱꩃ ꨡꨯꩍ ꨧꨳꩌ ꨤꨪꨆꨬ ꨙꨬ ꨗꨰ ꨓꨤꨶꨪꩄ ꨇꩇ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨋꩇ ꨨꨝꩉ ꨅꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨡꨯꩍ ꨤꨯꨮꨩ ꨚꨎꨮꨩ ꨝꨵꨯꨱꩍ ꨗꨰ ꨓꨤꨶꨪꩄ ꨓꨴꨭꩆ ꨟꩃ ꨊꨯꨱꩀ ꨆꨭꨢꨮꨭ ꨠꨣꨰ ꨝꨵꨯꨱꩍ ꨗꨰ ꨓꨤꨶꨪꩄ ꨋꩇ ꨟꩃ ꨋꩇ ꨀꨮꨥ꩞ ꨗꨰ ꨓꨤꨶꨪꩄ ꨤꩄ ꨄꨰ ꨝꨤꨯꨱꩀ ꨤꨂꨩ ꨤꨮꩈ ꨟꨰ ꨟꩀ ꨤꨔꨬ ꨗꨯꨱ ꨨꨶꩀ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨚꨵꨮꩃ ꨆꨕꨮꩃ ꨚꨵꩃ ꨆꨕꩃ ꨤꨶꩀ ꨓꨟꨩ ꨝꨤꨯꨱꩀ ꨤꨂꨩ ꨥꨮꩀ ꨘꩆ ꨟꩃ ꨝꨤꨯꨱꩀ ꨤꨂꨩ ꨤꨆꨮꨭ ꨠꨣꨰ ꨓꨯꨱꩌ ꨗꨰ ꨓꨤꨶꨪꩄ ꨝꨵꨯꨱꩍ ꨠꩀ ꨤꨔꨬ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨙꨯꩌ ꨧꨯꨱꩃ ꨗꨰ ꨓꨤꨶꨪꩄ ꨤꩄ ꨗꨰ ꨎꨶꨰ ꨃꨥ ꨕꨨꨵꩀ ꨝꨵꨯꨱꩍ ꨃꨥ ꨄꨰ ꨎꨶꨰ ꨗꨰ ꨕꨨꨵꩀ ꨘꩆ ꨀꨗꩀ ꨝꨯꨱꩊ ꨀꨗꩀ ꨞꩇ꩞ ꨗꨰ ꨃꨥ ꨕꨨꨵꩀ ꨢꨮꨭ ꨟꩃ ꨕꨨꨵꨮꨭ ꨝꨰꩀ ꨃꨥ ꨝꩆ ꨎꨩ ꨝꨤꨯꨱꩀ ꨤꨂꨩ ꨘꩆ ꨝꨰꩀ꩞ ꨘꩆ ꨟꩃ ꨗꨰ ꨓꨤꨶꨪꩄ ꨙꨯꩌ ꨥꨮꩀ ꨤꩄ ꨟꩃ ꨕꨨꨵꨮꨭ ꨘꩆ ꨕꨨꨵꩀ ꨕꨫ ꨆꨩ ꨣꨙꩇ ꨧꨯꨱꩃ ꨄꨰ ꨝꨤꨯꨱꩀ ꨤꨂꨩ ꨅꨩ ꨨꨎꨳꨮꩃ ꨧꨯꨱꩃ ꨕꨨꨵꩀ ꨃꨥ ꨚꨎꨩ ꨚꨅꩃ ꨄꨰ꩝ ꨓꨮꩊ ꨀꨣꩀ ꨗꨫ ꨄꨰ ꨈꨵꨮꩃ ꨆꨝꨥ ꨆꨩ ꨕꨨꨵꩀ ꨓꨯꩀ ꨧꨩ ꨕꨴꨬ ꨄꨰ ꨝꨵꨯꨱꩍ ꨧꨩ ꨕꨚꨶꨮꩊ ꨆꨝꨥ ꨕꨨꨵꩀ ꨝꨵꨯꨱꩍ ꨄꨰ ꨣꨶꨪꩄ ꨨꨣꨰꩀ ꨆꨩ ꨕꨨꨵꩀ꩞ ꨟꩃ ꨕꨨꨵꨮꨭ ꨠꨗꨶꨪꨧꨩ ꨂꨣꩃ ꨕꨨꨵꩀ ꨧꨩ ꨕꨚꨶꨮꩊ ꨝꨵꨯꨱꩍ ꨈꨵꨮꩃ ꨆꨝꨥ ꨝꨵꨯꨱꩍ ꨕꨫ ꨨꨭꨩ ꨣꨶꨪꩄ ꨨꨣꨰꩀ ꨝꨩ ꨆꨩ ꨕꨨꨵꩀ ꨅꨩ ꨓꨮꩊ ꨀꨣꩀ ꨗꨫ ꨧꨩ ꨕꨴꨬ ꨄꨰ ꨝꨵꨯꨱꩍ ꨈꨵꨮꩃ ꨧꨩ ꨕꨚꨶꨮꩊ ꨆꨝꨥ ꨝꨵꨯꨱꩍ ꨄꨰ ꨣꨶꨪꩄ ꨈꩌ ꨨꨣꨰꩀ ꨆꩄ꩞ ꨕꨨꨵꩀ ꨡꨯꩍ ꨄꨰ ꨌꨳꨪꩇ ꨣꨡꩍ ꨣꨡꨲꩇ ꨝꨵꨯꨱꩍ ꨈꨵꨮꩃ ꨆꨝꨥ ꨎꨶꨩ ꨧꨩ ꨕꨴꨬ ꨄꨰ ꨕꨫ ꨊꨯꨱꩀ ꨣꨤꨯꩂ ꨝꨵꨯꨱꩍ ꨕꨨꨵꩀ ꨝꨩ ꨤꨔꨬ ꨟꨰ ꨆꨩ ꨄꨰ ꨧꨩ ꨕꨴꨬ ꨕꨨꨵꩀ꩞ ꨝꨵꨯꨱꩍ ꨕꨨꨵꩀ ꨟꨰ ꨡꨯꩍ ꨄꨰ ꨝꨤꨯꨱꩀ ꨤꨂꨩ ꨕꨯꨱꩀ ꨈꨵꨮꩃ ꨆꨝꨥ ꨎꨶꨩ ꨧꨩ ꨕꨴꨬ ꨄꨰ ꨕꨫ ꨊꨯꨱꩀ ꨣꨤꨯꩂ꩞ ꨕꨨꨵꩀ ꨧꨗꩃ ꨚꨀꨗꨪꩅ ꨄꨰ ꨝꨤꨯꨱꩀ ꨤꨂꨩ ꨨꨮꩆ ꨕꨫ ꨄꨰ ꨧꨩ ꨓꨳꩆ ꨧꨯꨱꩃ ꨕꨨꨵꩀ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨤꩄ ꨥꨮꩀ ꨤꩄ ꨕꨨꨵꩀ ꨕꨫ ꨔꨮꨭꨩ ꨅꨩ ꨢꩍ ꨗꨰ ꨆꨳꨮꩃ ꨃꨥ ꨝꩆ ꨎꩃ ꨕꨨꨵꩀ ꨅꨩ ꨇꨪꩆ ꨤꩄ ꨨꨝꩉ ꨠꨢꩍ ꨗꨰ ꨆꨳꨮꩃ ꨃꨥ ꨕꨨꨵꩀ ꨝꨵꨯꨱꩍ ꨗꨰ ꨃꨥ ꨄꨰ ꨤꨪꨎꩃ ꨕꨨꨵꩀ ꨅꨩ ꨇꨪꩆ ꨤꩄ ꨨꨝꩉ ꨅꨩ ꨣꨬ꩞ ꨘꩆ ꨟꩃ ꨗꨰ ꨓꨤꨶꨪꩄ ꨥꨮꩀ ꨠꨣꨰ ꨧꩃ ꨕꨤꩌ ꨓꨳꩆ ꨗꨰ ꨓꨤꨶꨪꩄ ꨇꩇ ꨕꨫ ꨄꨰ ꨝꨤꨯꨱꩀ ꨤꨂꨩ ꨕꨫ ꨔꨮꨭꨩ ꨤꨝꨪꩀ ꨆꨳꨮꩃ ꨋꩇ ꨨꨝꩉ ꨅꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨠꨣꨰ ꨓꨮꩊ ꨧꩃ ꨘꩆ ꨀꨳꨩ ꨨꨣꨬ ꨈꨵꨮꩍ ꨟꩃ ꨓꨮꩊ ꨧꩃ꩞ ꨝꨣꨭꨥ ꨟꩃ ꨚꨓꨯꨱ ꨓꨐꨫ꩝ ꨤꩄ ꨠꨓꨤꨶꨪꩄ ꨝꨩ ꨤꨔꨬ ꨧꨩ ꨡꨮꩃ ꨗꨫ ꨨꨝꩉ ꨝꨵꨯꨱꩍ ꨧꨶꨰ ꨤꨯꨮꨩ ꨓꨮꩊ ꨝꨳꨮꩉ ꨨꨣꨬ ꨟꩃ ꨟꨰ ꨓꨮꩊ ꨧꩃ꩞ ꨤꨪꨎꩃ ꨗꨰ ꨓꨤꨶꨪꩄ ꨚꨶꨮꩄ ꨚꨈꩅ ꨚꨓꨯꨱ ꨤꩄ ꨗꨯꨱ ꨥꩉ ꨈꨵꨰ ꨎꨤꩆ ꨘꩆ ꨣꨬ꩞ ꨘꩆ ꨟꩃ ꨚꨓꨯꨱ ꨃꨥ ꨠꨓꨲꩍ ꨓꨞꨩ ꨧꨯꨱꩃ ꨠꨆꨌꨶꨩ ꨠꨣꨰ ꨚꨙꩉ ꨤꩄ ꨨꨣꨬ ꨨꨕꨬ ꨘꩆ ꨠꨓꨲꩍ ꨓꨞꨩ ꨧꨯꨱꩃ ꨠꨆꨌꨶꨩ ꨕꨶꨩ ꨂꨣꩃ ꨨꨲꨩ ꨝꨩ ꨤꨔꨬ ꨗꨯꨱ ꨆꨩ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨠꨆꨌꨶꨩ ꨧꨯꨱꩃ ꨠꨓꨲꩍ ꨓꨞꨩ ꨕꨶꨩ ꨂꨣꩃ ꨐꨭꨩ ꨤꩄ ꨕꨫ ꨝꨩ ꨤꨔꨬ ꨆꨩ ꨝꨤꨯꨱꩀ ꨤꨂꨩ ꨅꨩ ꨤꨶꨰ ꨆꨩ ꨠꨓꨤꨶꨪꩄ ꨝꨩ ꨤꨔꨬ ꨆꨩ ꨝꨤꨯꨱꩀ ꨤꨂꨩ ꨝꨰꩀ꩞ ꨠꨓꨲꩍ ꨓꨞꨩ ꨧꨯꨱꩃ ꨠꨆꨌꨶꨩ ꨕꨶꨩ ꨂꨣꩃ ꨐꨭꨩ ꨤꩄ ꨐꨭꨩ ꨤꨪꨟꨭꩀ ꨕꨫ ꨝꨤꨯꨱꩀ ꨤꨂꨩ ꨤꨯꨮꨩ꩞ ꨓꨊꨪꩆ ꨅꨩ ꨨꨭꨩ ꨓꨆꨰ ꨅꨩ ꨨꨭꨩ ꨕꨯꩌ ꨕꨫ ꨈꨤꨭꩃ ꨗꨯꨱ ꨈꨤꨭꩃ ꨟꨰ ꨓꨝꨵꨯꨱꩍ ꨐꨭꨩ ꨝꨩ ꨤꨔꨬ ꨗꨯꨱ ꨝꨵꨯꨱꩍ ꨝꨤꨯꨱꩀ ꨤꨂꨩ ꨈꨤꨭꩃ ꨟꨰ ꨟꩀ ꨤꨔꨬ ꨝꨵꨯꨱꩍ ꨆꨓꨶꩀ ꨕꨨꨵꩀ ꨝꨵꨯꨱꩍ ꨕꨨꨵꩀ ꨝꨴꨭꩍ ꨨꨯꨱꩀ ꨤꨔꨬ ꨀꨝꨪꩍ ꨝꨵꨯꨱꩍ ꨀꨮꩀ ꨎꨩ ꨝꨤꨯꨱꩀ ꨤꨂꨩ ꨎꨮꨩ꩞ ꨒꨮꩇ ꨧꨯꨱꩃ ꨣꨮꩀ ꨣꨤꨯꨩ ꨚꩀ ꨊꨯꨱꩀ ꨣꨤꨯꩂ ꨒꨮꩇ ꨧꨯꨱꩃ ꨎꨩ ꨝꨤꨯꨱꩀ ꨤꨂꨩ ꨈꨵꨭꩃ ꨟꨰ ꨝꨵꨯꨱꩍ ꨠꨈꨬ ꨣꨮꩀ ꨘꩆ ꨓꨝꨵꨯꨱꩍ ꨕꨨꨵꩀ ꨤꩄ ꨣꨪꨟꨯꨱꩃ ꨝꨵꨯꨱꩍ ꨕꨨꨵꩀ ꨙꨶꨮꩄ ꨨꨯꨱꩀ ꨤꨔꨬ ꨀꨝꨪꩍ ꨎꨮꨩ꩞ ꨤꨶꨰ ꨆꨩ ꨠꨓꨤꨶꨪꩄ ꨝꨩ ꨤꨔꨬ ꨝꨰꩀ ꨠꨓꨤꨶꨪꩄ ꨘꩆ ꨐꨭꨩ ꨨꨭꨩ ꨣꨙꩇ ꨧꨯꨱꩃ ꨎꨩ ꨝꨤꨯꨱꩀ ꨤꨂꨩ ꨚꨎꨮꨩ꩞ ꨠꨓꨲꩍ ꨓꨞꨩ ꨧꨯꨱꩃ ꨠꨆꨌꨶꨩ ꨙꨯꩌ ꨥꨮꩀ ꨧꨯꨱꩃ ꨚꨓꨯꨱ ꨢꨮꨭ ꨘꩆ ꨟꩃ ꨚꨓꨯꨱ ꨙꨯꩌ ꨥꨮꩀ ꨤꩄ ꨢꩍ ꨢꨮꨭ ꨘꩆ ꨎꨮꨩ ꨝꨵꨯꨱꩍ ꨤꨶꨰ ꨆꨩ ꨠꨓꨤꨶꨪꩄ ꨝꨩ ꨤꨔꨬ ꨆꨩ ꨝꨤꨯꨱꩀ ꨤꨂꨩ꩞
ꨘꩆ ꨟꩃ ꨗꨰ ꨓꨤꨶꨪꩄ ꨅꩆ ꨓꨝꨶꨮꩆ ꨕꨤꩌ ꨨꨓꨰ ꨤꩄ ꨨꨭꨩ ꨆꨩ ꨐꨭꨩ ꨆꨳꨮꩃ ꨝꨩ ꨤꨔꨬ ꨆꨩ ꨄꨰ ꨝꨤꨯꨱꩀ ꨤꨂꨩ ꨥꨮꩀ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨕꨯꨱꩀ ꨚꩀ ꨊꨯꨱꩀ ꨣꨤꨯꩂ ꨌꨴꨮꩃ ꨝꨯꨱꩊ ꨞꩇ ꨠꨗꨶꨪꨧꨩ ꨂꨣꩃ ꨥꨮꩀ꩞ ꨝꨵꨯꨱꩍ ꨓꨮꩊ ꨝꨳꨮꩉ ꨨꨣꨬ ꨨꨎꩆ ꨧꨯꨱꩃ ꨣꨝꨭꩀ ꨧꨭꩇ ꨈꨵꨰ ꨧꨭꩇ ꨆꨵꨯꨱꨥ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨚꨙꩉ ꨕꨯꩌ ꨝꨯꨱꩊ ꨞꩇ ꨠꨗꨶꨪꨧꨩ ꨂꨣꩃ ꨐꨭꨩ ꨈꨥꩃ ꨨꨣꨰꩀ ꨝꨵꨯꨱꩍ ꨥꩀ ꨕꨫ ꨕꨆꨯꨮꨩ ꨆꨝꨥ ꨝꨵꨯꨱꩍ ꨓꨳꩇ ꨆꨝꨥ ꨚꨣꨤꨯꨱ ꨄꨰ ꨝꨤꨯꨱꩀ ꨤꨂꨩ ꨠꨣꨰ ꨧꩃ꩞ ꨚꨣꨤꨯꨱ ꨠꨓꨲꩍ ꨀꨖꨶꨩ ꨆꨩ ꨎꨰꩀ ꨆꨳꨮꩃ ꨓꨮꩊ ꨧꩃ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨚꨙꩉ ꨕꨯꩌ ꨝꨯꨱꩊ ꨤꨶꩀ ꨓꨟꨩ ꨓꨗꩍ ꨣꨪꨢꨩ ꨥꨮꩀ ꨀꨝꨪꩍ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨓꨳꩇ ꨆꨝꨥ ꨠꨣꨰ ꨧꩃ ꨓꨳꩇ ꨆꨝꨥ ꨠꨣꨰ ꨓꨮꩊ ꨧꩃ ꨘꩆ ꨄꨰ ꨝꨤꨯꨱꩀ ꨤꨂꨩ ꨤꨶꨰ ꨆꨝꨥ ꨘꩆ ꨕꨯꨱꩀ ꨕꨮꩃ ꨕꨫ ꨡꨵꩃ ꨆꨩ ꨂꨣꩃ ꨥꩀ ꨨꨣꨰꩀ ꨕꨫ ꨕꨆꨯꨮꨩ ꨆꨝꨥ ꨘꩆ ꨝꨵꨯꨱꩍ ꨄꨰ ꨝꨤꨯꨱꩀ ꨤꨂꨩ ꨙꨶꨮꩄ ꨓꨟꨩ ꨈꨪꩂ ꨠꨉꩃ ꨀꨚꨶꨬ ꨘꩆ ꨟꩃ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨕꨶꨩ ꨂꨣꩃ ꨗꨰ ꨘꩆ ꨕꨯꨱꩀ ꨓꨗꩀ ꨕꨤꩌ ꨈꨪꩂ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨕꨯꨱꩀ ꨠꨉꩃ ꨀꨚꨶꨬ ꨝꨵꨯꨱꩍ ꨕꨶꨩ ꨂꨣꩃ ꨗꨰ ꨘꩆ ꨚꨶꨮꩄ ꨏꩀ ꨆꨩ ꨄꨰ ꨝꨤꨯꨱꩀ ꨤꨂꨩ ꨤꩄ ꨠꨉꩃ ꨀꨚꨶꨬ ꨕꨯꨮꨩ ꨘꩆ ꨝꨰꩀ ꨗꨯꨱ ꨀꨳꨮꩀ ꨆꨝꨥ ꨝꨰꩀ ꨓꨯꩀ ꨤꨗꩃ ꨆꨩ ꨆꨮꨭ ꨆꨳꨮꩃ ꨓꨭꩍ ꨀꨳꨩ ꨝꨭꨩ꩞ ꨘꩆ ꨟꩃ ꨝꨤꨯꨱꩀ ꨤꨂꨩ ꨋꩇ ꨠꨩ ꨋꩇ ꨈꨵꨭꩃ ꨈꨯꨱꩀ ꨝꨯꨱꩍ ꨚꨓꨪꩍ ꨗꨰ ꨆꨌꨶꨩ ꨝꨵꨯꨱꩍ ꨗꨰ ꨆꨌꨶꨩ ꨚꨶꨮꩄ ꨏꩀ ꨗꨰ ꨆꨌꨶꨩ ꨤꩄ ꨎꨩ ꨝꨤꨯꨱꩀ ꨤꨂꨩ ꨗꨫ ꨀꨥꩀ ꨀꨥꩉ ꨨꨣꨮꩍ ꨓꨝꨵꨯꨱꩍ ꨐꨭꨩ ꨈꨵꨭꩃ ꨟꨰ ꨈꨯꨱꩀ ꨜꨩ ꨆꨮꨭ ꨆꩄ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨤꨆꨮꨭ ꨗꨯꨱ ꨝꨵꨯꨱꩍ ꨋꩇ ꨟꩃ ꨋꩇ ꨕꨫ ꨔꨮꨭꨩ ꨅꨩ ꨈꨯꨱꩀ ꨓꨆꨰ ꨗꨰ ꨓꨲꩍ ꨓꨞꨩ ꨝꨵꨯꨱꩍ ꨗꨰ ꨓꨲꩍ ꨓꨞꨩ ꨚꨶꨮꩄ ꨏꩀ꩝ ꨤꩄ ꨝꨤꨯꨱꩀ ꨤꨂꨩ ꨗꨫ ꨐꨭꨩ ꨈꨵꨭꩃ ꨟꨰ ꨚꨎꨰꩀ ꨕꨴꨬ ꨓꨯꩀ ꨝꨙꨯꨱ ꨐꨭꨩ ꨟꨪꩆ ꨨꨈꨰꩀ ꨆꩄ꩞ ꨤꨶꨰ ꨆꨩ ꨐꨭꨩ ꨠꨉꩃ ꨐꨭꨩ ꨝꨰꩀ ꨄꨰ ꨆꨌꨶꨩ ꨢꩍ ꨓꨳꩇ ꨐꨭꨩ ꨤꨯꨩ ꨆꨯꨱꨥ ꨐꨭꨩ ꨗꨯꨱ꩝ ꨐꨭꨩ ꨕꨫ ꨗꨯꨱ ꨓꨴꨩ ꨅꨩ ꨚꨎꨮꨩ ꨆꩆ꩞ ꨘꩆ ꨟꩃ ꨕꨶꨩ ꨂꨣꩃ ꨗꨰ ꨘꩆ ꨤꨶꨰ ꨆꨩ ꨄꨰ ꨝꨤꨯꨱꩀ ꨤꨂꨩ ꨕꨯꨱꩀ ꨠꨉꩃ ꨀꨚꨶꨬ ꨓꩀ ꨘꩆ ꨎꨮꨩ꩞ ꨗꨰ ꨓꨤꨶꨪꩄ ꨕꨯꨱꩀ ꨕꨤꩌ ꨧꩃ ꨝꨵꨯꨱꩍ ꨠꨨꨪꩅ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨚꨶꨮꩄ ꨏꩀ ꨆꨩ ꨄꨰ ꨝꨤꨯꨱꩀ ꨤꨂꨩ ꨘꩆ ꨗꨰ ꨓꨤꨶꨪꩄ ꨕꨯꩌ ꨕꨫ ꨕꨯꨱꩀ ꨈꨗꨯꨱꩃ ꨕꨫ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ꩞ ꨘꩆ ꨟꩃ ꨓꨮꩊ ꨨꨣꨬ ꨨꨕꨬ ꨄꨰ ꨝꨤꨯꨱꩀ ꨤꨂꨩ ꨗꨯꨱ ꨈꨵꨮꩃ ꨆꨝꨥ ꨥꨮꩀ ꨘꩆ ꨚꨓꨯꨱ ꨆꨆꨬ ꨧꨯꨱꩃ ꨄꨰ ꨝꨤꨯꨱꩀ ꨤꨂꨩ ꨤꩄ ꨨꨣꨰꩀ ꨘꩆ ꨣꨤꨯꨮꨩ ꨚꨎꨯꨮꨩ ꨀꨣꩀ ꨗꨫ ꨤꨶꨰ ꨣꨶꨪꩄ ꨨꨣꨰꩀ ꨘꩆ ꨢꩍ ꨗꨯꨱ ꨡꨯꩍ ꨚꨈꨩ ꨓꩀ ꨚꨈꨩ ꨝꨰꩀ ꨓꩀ ꨚꨓꨯꨱꩌ ꨧꨩ ꨡꨰꩀ ꨕꨶꨩ ꨡꨰꩀ ꨚꨡꨭꩀ ꨓꩀ ꨘꩆ ꨚꨳꨮꩍ ꨆꨩ ꨚꨓꨯꨱ ꨚꨙꩉ ꨂꨣꩃ ꨗꨯꨱ ꨚꨎꨳꨮꩃ꩞
ꨨꨤꨬ ꨓꨳꩆ ꨚꨓꨯꨱ ꨘꩆ ꨔꨮꨭ ꨆꨩ ꨄꨰ ꨝꨤꨯꨱꩀ ꨤꨂꨩ ꨈꨗꨴꨮꩍ ꨚꨎꨮꨩ ꨘꩆ ꨟꩃ ꨨꨣꨬ ꨨꨕꨬ ꨄꨰ ꨝꨤꨯꨱꩀ ꨤꨂꨩ ꨗꨯꨱ ꨈꨵꨮꩃ ꨆꨝꨥ ꨥꨮꩀ꩞ ꨘꩆ ꨗꨰ ꨓꨤꨶꨪꩄ ꨝꨩ ꨤꨔꨬ ꨥꨮꩀ ꨘꩆ ꨗꨰ ꨓꨤꨶꨪꩄ ꨌꨪꩍ ꨨꨤꨩ ꨧꨩ ꨓꨐꨴꩀ ꨨꨤꨩ ꨝꨩ ꨗꨯꨱ ꨆꨩ ꨄꨰ ꨝꨤꨯꨱꩀ ꨤꨂꨩ ꨘꩆ ꨟꩃ ꨗꨰ ꨓꨤꨶꨪꩄ ꨝꨩ ꨤꨔꨬ ꨗꨯꨱ ꨠꨎꨰꩀ ꨆꨳꨮꩃ ꨓꨮꩊ ꨌꨟꨯꩍ ꨄꨰ ꨝꨤꨯꨱꩀ ꨤꨂꨩ ꨈꨵꨮꩃ ꨆꨝꨥ ꨘꩆ ꨝꨵꨯꨱꩍ ꨠꨨꨪꩅ ꨧꩇ ꨂꨣꩃ ꨓꩀ ꨚꨈꨩ ꨝꩀ ꨟꩃ ꨊꨯꨱꩀ ꨣꨤꨯꩂ ꨧꩃ ꨠꨨꨪꩅ ꨧꩇ ꨂꨣꩃ ꨙꨯꩌ ꨚꨆꨴꨲꨩ ꨆꨵꨯꨱ ꨝꩀ ꨟꩃ ꨊꨯꨱꩀ ꨣꨤꨯꩂ꩞ ꨝꨵꨯꨱꩍ ꨗꨰ ꨓꨤꨶꨪꩄ ꨗꨯꨱ ꨓꨮꩊ ꨌꨟꨯꨱꩍ ꨘꩆ ꨖꨪꩅ ꨧꩇ ꨂꨣꩃ ꨙꨯꩌ ꨡꨯꩍ ꨕꨯꩌ ꨘꩌ ꨓꩀ ꨚꨈꨩ ꨡꨯꩍ ꨚꨈꨩ ꨂꨣꩃ ꨚꨡꨭꩀ ꨓꩀ ꨘꩆ ꨎꨩ꩞ ꨧꨯꨱꩃ ꨡꨯꩍ ꨄꨰ ꨝꨤꨯꨱꩀ ꨤꨂꨩ ꨕꨯꨱꩀ ꨈꨵꨮꩃ ꨆꨝꨥ ꨓꩀ ꨘꩆ ꨎꨮꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨝꨴꨬ ꨌꨳꨮꩅ ꨤꨔꨬ ꨧꨯꨱꩃ ꨝꨴꨬ ꨓꨐꨴꩀ ꨨꨤꨩ ꨆꨩ ꨄꨰ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨓꨤꨰꩍ ꨓꨐꨴꩀ ꨨꨤꨩ ꨘꩆ ꨡꨯꩍ ꨨꨤꨩ ꨌꨪꩍ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨤꩄ ꨨꨤꨩ ꨔꨬ ꨌꨪꩍ ꨢꨮꨭ ꨗꨫ ꨗꨰ ꨘꩆ ꨟꩃ ꨗꨰ ꨓꨤꨶꨪꩄ ꨤꩄ ꨥꨮꩀ ꨕꨨꨵꩀ ꨟꨪꩆ ꨌꨪꩍ ꨆꨩ ꨄꨰ ꨡꨮꩃ ꨢꨯꨱꩌ ꨨꨤꨩ ꨕꨨꨵꩀ ꨌꨪꩍ ꨕꨫ ꨓꨊꨪꩆ ꨕꨨꨵꩀ ꨚꨳꨮꩍ ꨨꨕꨬ ꨄꨰ ꨝꨤꨯꨱꩀ ꨤꨂꨩ ꨗꨯꨱ ꨇꨮꩃ ꨆꨟꨬ ꨚꩀ ꨨꨤꨬ ꨘꩆ ꨄꨰ ꨨꨕꩉ ꨕꨨꨵꩀ ꨨꨰ ꨟꩃ ꨄꨰ ꨎꨶꨰ ꨀꨇꩆ ꨧꨯꨱꩃ ꨂꨣꩃ ꨎꨶꨰ ꨤꩄ ꨕꨨꨵꩀ ꨌꨪꩍ ꨨꨤꨩ ꨆꨩ ꨄꨰ ꨎꨶꨰ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨤꩄ ꨕꨨꨵꩀ ꨙꨶꨩ ꨀꨮꩆ ꨗꨰ ꨕꨫ ꨀꨝꨪꩍ ꨅꨩ ꨝꨵꨯꨱꩍ ꨕꨨꨵꩀ ꨧꨫ ꨙꨯꩌ ꨚꨗꨶꨮꩄ ꨗꨫ ꨓꨝꨳꩀ ꨥꨮꩀ꩞ ꨘꩆ ꨟꩃ ꨗꨰ ꨓꨤꨶꨪꩄ ꨓꨐꨫ ꨄꨰ ꨝꨤꨯꨱꩀ ꨤꨂꨩ ꨤꩄ ꨄꨰ ꨓꩀ ꨚꨈꨩ ꨨꨝꨳꨮꩆ ꨆꩄ ꨝꨵꨯꨱꩍ ꨣꨤꨯꨮꨩ ꨤꨯꨮꨩ ꨢꨩ ꨗꨫ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨤꩄ ꨕꨨꨵꩀ ꨓꩀ ꨟꩃ ꨚꨈꨯꨮꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨤꩄ ꨆꨯꨮꨩ ꨄꨰ ꨝꨤꨯꨱꩀ ꨤꨮꨭ ꨓꩀ ꨧꨩ ꨡꨰꩀ ꨚꨈꨩ ꨆꨩ ꨕꨨꨵꩀ ꨀꨳꨮꩀ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨤꩄ ꨕꨨꨵꩀ ꨤꨪꨠꩆ ꨕꨫ ꨕꨴꨬ ꨤꨯꨩ ꨕꨫ ꨡꨯꩍ ꨚꨴꨲꩆ ꨆꨳꨮꩃ ꨓꩀ ꨅꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨆꨵꨯꨱ ꨝꨵꨯꨱꩍ ꨗꨰ ꨓꨤꨶꨪꩄ ꨥꨮꩀ ꨗꨯꨱ ꨧꩃ ꨎꨮꨩ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨌꨴꨮꩃ ꨝꨯꨱꩊ ꨞꩇ ꨥꨮꩀ ꨕꨯꩌ ꨝꨯꨱꩊ ꨘꩆ ꨓꩀ ꨚꨈꨩ ꨧꨩ ꨨꨣꨬ ꨘꩆ ꨙꩃ ꨧꨩ ꨣꨓꨭꩍ ꨣꨕꨰꩍ ꨘꩆ ꨟꩃ ꨓꨮꩊ ꨝꨳꨮꩉ ꨨꨣꨬ ꨄꨰ ꨝꨤꨯꨱꩀ ꨤꨂꨩ ꨓꨳꩇ ꨆꨭꨝꨥ ꨠꨣꨰ ꨧꩃ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨙꨯꩌ ꨧꨯꨱꩃ ꨚꨓꨯꨱ ꨤꩄ ꨚꨈꨩ ꨕꨨꨵꩀ ꨓꩀ ꨝꨵꨯꨱꩍ ꨚꨎꨮꨩ ꨚꨯꨩ ꨀꨐꨪꩌ ꨣꨕꨰꩍ ꨗꨯꨱ ꨚꨎꨳꨮꩃ ꨝꨰꩀ꩞ ꨘꩆ ꨟꩃ ꨚꨓꨯꨱ ꨤꩄ ꨣꨕꨰꩍ ꨕꨴꨬ ꨠꨌꨰ ꨟꨪꩆ ꨓꨮꩊ ꨨꨕꩍ ꨟꩃ ꨚꨈꨯꨮꨩ ꨚꨓꨯꨱ ꨚꨙꩉ ꨠꨗꨶꨪꨧꨩ ꨂꨣꩃ ꨓꨴꨶꩀ ꨣꨕꨰꩍ ꨗꨯꨱ ꨚꨎꨳꨮꩃ ꨓꨯꩀ ꨕꨶꨩ ꨔꨴꨭꩍ ꨣꨕꨰꩍ꩞ ꨘꩆ ꨟꩃ ꨕꨯꩌ ꨝꨯꨱꩊ ꨓꨴꨶꩀ ꨣꨕꨰꩍ ꨗꨯꨱ ꨓꨮꩊ ꨌꨟꨯꨱꩍ ꨄꨰ ꨝꨤꨯꨱꩀ ꨤꨂꨩ ꨓꩀ ꨚꨈꨩ ꨘꩆ ꨝꨵꨯꨱꩍ ꨡꨯꩍ ꨚꨈꨩ ꨄꨰ ꨝꨤꨯꨱꩀ ꨤꨂꨩ ꨓꩀ ꨝꨵꨯꨱꩍ ꨚꨡꨭꩀ ꨚꩀ ꨘꩆ ꨙꩃ ꨧꨩ ꨣꨓꨭꩍ ꨣꨕꨰꩍ꩝ ꨘꩆ ꨟꩃ ꨚꨎꨳꨮꩃ ꨟꨰ ꨧꩃ ꨝꨵꨯꨱꩍ ꨕꨯꩌ ꨝꨯꨱꩊ ꨘꩆ ꨀꨇꩆ ꨧꨯꨱꩃ ꨚꨓꨯꨱ ꨤꩄ ꨚꨈꨩ ꨣꨤꨯꨩ ꨤꨯꨩ ꨀꨕꨬ ꨧꨄꨰ ꨕꨨꨵꩀ ꨚꨎꨳꨮꩃ ꨕꨫ ꨀꨝꨪꩍ ꨅꨩ ꨚꨓꨯꨱ ꨓꨐꨫ ꨤꩄ ꨕꨯꨱꩀ ꨨꨩ ꨕꨯꩌ ꨘꩆ ꨟꩃ ꨕꨯꩌ ꨝꨯꨱꩊ ꨘꩆ ꨤꩄ ꨕꨯꨱꩀ ꨙꩃ ꨧꨩ ꨣꨓꨭꩍ ꨣꨕꨰꩍ꩞ ꨘꩆ ꨟꩃ ꨚꨓꨯꨱ ꨙꨶꨮꩄ ꨨꨣꩀ ꨓꨆꨩ ꨣꨕꨰꩍ ꨕꨫ ꨈꨴꨮꩇ ꨚꨤꨬ ꨝꨫ ꨝꩀ ꨧꨩ ꨣꨓꨭꩍ ꨔꨴꨭꩍ ꨣꨕꨰꩍ ꨝꨩ ꨠꨣꨰ ꨝꨵꨯꨱꩍ ꨚꨎꨳꨮꩃ ꨚꨈꨩ ꨘꩆ ꨟꩃ ꨀꨝꨪꩍ꩝ ꨀꨝꨪꩍ ꨧꨩ ꨘꨈꩉ ꨀꨧꨪꩅ ꨚꨴꨯꨱꩃ ꨤꨆꨬ ꨆꨭꨟꨬ ꨕꨯꩌ ꨕꨯꨱꩀ ꨚꨗꨆꨧꨩ ꨆꨩ ꨄꨰ ꨝꨤꨯꨱꩀ ꨤꨂꨩ ꨤꩄ ꨓꨊꨪꩆ ꨅꨩ ꨨꨭꨩ ꨓꨆꨰ ꨅꨩ ꨨꨭꨩ ꨝꨵꨯꨱꩍ ꨓꩀ ꨚꨈꨩ ꨣꨶꨪꩄ ꨨꨣꨰꩀ ꨨꨝꩉ ꨆꩄ ꨝꨵꨯꨱꩍ ꨈꨗꨴꨮꩍ ꨤꨯꨩ ꨢꨩ ꨘꩆ꩞ ꨂꨣꩃ ꨕꨯꨱꩀ ꨚꨗꨆꨧꨩ ꨤꩄ ꨄꨰ ꨝꨤꨯꨱꩀ ꨤꨂꨩ ꨈꨗꨴꨮꩍ ꨎꨮꨩ ꨝꨣꨭꨥ ꨟꩃ ꨣꨶꨪꩄ ꨨꨣꨰꩀ ꨓꩀ ꨚꨈꨩ ꨣꨤꨯꨩ ꨢꨩ ꨘꩆ꩞ ꨕꨯꩌ ꨨꨣꨰꩀ ꨧꨯꨱꩃ ꨚꨈꨩ ꨂꨣꩃ ꨚꨎꨳꨮꩃ ꨠꨣꨰ ꨤꨮꩍ ꨝꩀ ꨡꨵꩃ ꨝꩀ ꨆꨓꩃ ꨔꨬ ꨗꨯꨱ ꨈꩆ ꨡꨵꩃ ꨚꨓꨯꨱ ꨝꨵꨯꨱꩍ ꨟꨯꨱꩃ ꨡꨯꩍ ꨚꨈꨩ ꨧꨯꨱꩃ ꨨꨣꨰꩀ ꨘꩆ ꨕꨯꩌ ꨕꨫ ꨠꨢꨯꨱꩌ ꨄꨰ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨕꨯꨱꩀ ꨈꨵꨮꩃ ꨆꨭꨝꨥ ꨆꨩ ꨚꨓꨯꨱ ꨢꨯꨱꩌ ꨧꨩ ꨠꨓꨲꩍ ꨝꨤꩆ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨥꨮꩀ ꨗꨯꨱ ꨚꩀ ꨧꩃ ꨀꨟꨰꩀ ꨐꨭꨩ ꨝꨵꨯꨱꩍ ꨐꨭꨩ ꨚꨙꩉ ꨀꨟꨰꩀ ꨐꨭꨩ ꨠꨣꨰ ꨚꨶꨮꩄ ꨗꨰ ꨓꨤꨶꨪꩄ ꨀꨗꩀ ꨚꨓꨯꨱ ꨆꨩ ꨐꨭꨩ ꨘꩆ ꨟꩃ ꨀꨟꨰꩀ ꨐꨭꨩ ꨕꨫ ꨇꨪꩆ ꨗꨯꨱ ꨚꨶꩄ ꨅꨩ ꨀꨟꨰꩀ ꨐꨭꨩ ꨙꨯꩌ ꨥꨮꩀ ꨤꩄ ꨨꨲꨩ ꨓꨊꨪꩆ ꨎꩃ ꨅꨩ ꨨꨭꨩ ꨠꨢꩍ ꨓꨆꨰ ꨤꨪꨎꩃ ꨅꨩ ꨨꨭꨩ ꨠꨢꩍ ꨤꨪꨆꨬ ꨣꨭꩇ ꨀꨗꩀ ꨤꨪꨎꩃ ꨏꩀ ꨤꨆꨬ ꨤꨯꨩ꩞ ꨝꨵꨯꨱꩍ ꨀꨗꩀ ꨚꨙꩉ ꨀꨟꨰꩀ ꨗꨯꨱ ꨚꨶꨮꩄ ꨗꨰ ꨓꨤꨶꨪꩄ ꨆꨩ ꨀꨗꩀ꩞ ꨀꨟꨰꩀ ꨕꨫ ꨇꨪꩆ ꨗꨯꨱ ꨚꨶꨮꩄ ꨅꨩ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨕꨫ ꨚꨮꩃ ꨅꨩ ꨧꨩ ꨕꨶꨩ ꨐꨭꨩ ꨚꨙꩉ ꨀꨟꨰꩀ ꨐꨭꨩ ꨗꨯꨱ ꨚꨶꨮꩄ ꨗꨰ ꨓꨤꨶꨪꩄ ꨝꨫ ꨨꨭꨩ ꨆꨩ ꨐꨭꨩ ꨎꨮꨩ꩞ ꨘꩆ ꨟꩃ ꨀꨟꨰꩀ ꨐꨭꨩ ꨕꨫ ꨇꨪꩆ ꨗꨯꨱ ꨚꨶꨮꩄ ꨅꨩ꩞ ꨘꩆ ꨟꩃ ꨄꨰ ꨝꨤꨯꨱꩀ ꨤꨂꨩ ꨙꨯꩌ ꨥꨮꩀ ꨧꨯꨱꩃ ꨀꨟꨰꩀ ꨐꨭꨩ ꨤꩄ ꨀꨟꨰꩀ ꨗꨯꨱ ꨚꨶꨮꩄ ꨧꨯꨱꩃ ꨚꨓꨯꨱ ꨝꨰꩀ ꨕꨫ ꨨꨭꨩ ꨨꨝꩉ ꨅꨩ꩞ ꨈꨰꩀ ꨕꨫ ꨕꨨꨵꩀ ꨌꨮꨩ꩞ ꨘꩆ ꨟꩃ ꨀꨟꨰꩀ ꨐꨭꨩ ꨌꨳꨪꩇ ꨗꨯꨱ ꨚꨶꨮꩄ ꨆꨩ ꨐꨭꨩ ꨎꨮꨩ꩝ ꨀꨟꨰꩀ ꨄꨰ ꨝꨤꨯꨱꩀ ꨤꨂꨩ ꨗꨯꨱ ꨓꨮꩊ ꨚꨝꩍ ꨡꨮꩃ ꨎꩃ ꨚꨓꨯꨱ ꨝꨵꨯꨱꩍ ꨀꨔꨮꨭꨩ ꨈꨴꨯꨱꩍ ꨘꩆ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨃꨥ ꨓꨐꨫ ꨤꩄ ꨔꨬ ꨠꨣꨰ ꨝꨵꨯꨱꩍ ꨀꨔꨮꨭ ꨈꨴꨯꨱꩍ꩞ ꨘꩆ ꨟꩃ ꨀꨟꨰꩀ ꨄꨰ ꨝꨤꨯꨱꩀ ꨤꨂꨩ ꨤꩄ ꨕꨨꨵꩀ ꨟꨪꩆ꩞ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨓꨐꨫ ꨀꨟꨰꩀ ꨄꨰ ꨝꨤꨯꨱꩀ ꨤꨂꨩ ꨤꩄ ꨟꨰ ꨨꨓꨯꨱ ꨝꨳꨮꩆ ꨗꨫ꩞ ꨘꩆ ꨟꩃ ꨀꨟꨰꩀ ꨄꨰ ꨝꨤꨯꨱꩀ ꨤꨂꨩ ꨤꩄ ꨕꨨꨤꩀ ꨠꨣꨰ ꨠꨕꨩ ꨨꨭꨩ ꨚꨗꨶꨮꩄ ꨟꨪꩆ꩞ ꨘꩆ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨓꨐꨫ ꨤꩄ ꨚꨗꨶꨮꩄ ꨨꨈꨰꩀ ꨀꨟꨰꩀ ꨄꨰ ꨝꨤꨯꨱꩀ ꨤꨂꨩ ꨤꩄ ꨀꨗꩀ ꨕꨨꨵꩀ ꨎꨩ ꨝꨤꨯꨱꩀ ꨤꨂꨩ ꨚꨙꩉ ꨕꨨꨵꩀ ꨟꨰ ꨚꨶꨮꩄ ꨗꨰ ꨓꨤꨶꨪꩄ ꨆꨩ ꨐꨭꨩ ꨝꨵꨯꨱꩍ ꨕꨨꨵꩀ ꨕꨫ ꨇꨪꩆ ꨠꨣꨰ ꨚꨶꨮꩄ ꨅꨩ꩞
ꨐꨭꨩ ꨚꨙꩉ ꨧꨩ ꨕꨶꨩ ꨕꨨꨵꩀ ꨠꨣꨰ ꨚꨶꨮꩄ ꨧꨯꨱꩃ ꨚꨓꨯꨱ ꨝꨫ ꨨꨭꨩ ꨆꨩ ꨐꨭꨩ ꨎꨮꨩ꩞ ꨕꨨꨵꩀ ꨌꨳꨪꩇ ꨀꨵꩍ ꨕꨫ ꨐꨭꨩ ꨝꨵꨯꨱꩍ ꨕꨨꨵꩀ ꨠꨣꨰ ꨎꨮꨩ꩞ ꨘꩆ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨓꨟꨩ ꨚꨔꨮꨭ ꨚꨓꨯꨱ ꨘꩆ ꨟꩃ ꨚꨓꨯꨱ ꨃꨥ ꨀꨟꨰꩀ ꨄꨰ ꨝꨤꨯꨱꩀ ꨤꨂꨩ ꨗꨯꨱ ꨓꨐꨫ꩞ ꨘꩆ ꨟꩃ ꨀꨟꨰꩀ ꨄꨰ ꨝꨤꨯꨱꩀ ꨤꨂꨩ ꨙꨯꩌ ꨥꨮꩀ ꨤꩄ ꨠꨕꨩ ꨚꨗꨶꨮꩄ ꨀꨗꩀ ꨕꨨꨵꩀ ꨎꨩ ꨝꨤꨯꨱꩀ ꨤꨂꨩ ꨚꨙꩉ ꨕꨨꨵꩀ ꨠꨣꨰ ꨚꨶꨮꩄ ꨀꨗꩀ ꨚꨯꨩ ꨆꨩ ꨐꨭꨩ ꨝꨵꨯꨱꩍ ꨕꨨꨵꩀ ꨕꨫ ꨇꨪꩆ ꨠꨣꨰ ꨚꨶꨮꩄ ꨅꨩ ꨝꨵꨯꨱꩍ ꨐꨭꨩ ꨕꨫ ꨚꨮꩃ ꨅꨩ ꨐꨭꨩ ꨚꨙꩉ ꨧꨩ ꨕꨶꨩ ꨕꨨꨵꩀ ꨠꨣꨰ ꨚꨶꨮꩄ ꨝꨫ ꨨꨭꨩ ꨆꨩ ꨐꨭꨩ ꨎꨮꨩ꩞ ꨕꨨꨵꩀ ꨌꨳꨪꩇ ꨕꨫ ꨨꨭꨩ ꨧꨯꨱꩃ ꨐꨭꨩ ꨅꨩ ꨀꨣꩀ ꨗꨫ ꨕꨨꨵꩀ ꨠꨣꨰ ꨀꨇꩆ ꨧꨯꨱꩃ ꨚꨯꨩ ꨎꨮꨩ꩞ ꨘꩆ ꨟꩃ ꨚꨓꨯꨱ ꨙꨯꩌ ꨥꨮꩀ ꨤꩄ ꨚꨗꨶꨮꩄ ꨢꨮꨭ ꨘꩆ ꨀꨣꩀ ꨗꨫ ꨕꨴꨬ ꨀꨗꨪꩅ ꨟꨪꩆ ꨎꨩ ꨝꨤꨯꨱꩀ ꨤꨂꨩ ꨘꩆ ꨨꨤꨬ ꨆꨵꨮꨭ ꨂꨣꩃ ꨀꨗꩀ ꨘꩆ ꨕꨫ ꨔꨮꨭ ꨤꨝꨪꩀ ꨆꨩ ꨠꨈꨰꩅ ꨨꨤꨬ ꨀꨗꨪꩅ ꨝꨤꨯꨱꩀ ꨤꨂꨩ ꨣꨬ ꨢꨩ ꨗꨫ꩞ ꨘꩆ ꨟꩃ ꨚꨓꨯꨱ ꨃꨥ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨓꨤꨶꨪꩄ ꨆꨵꨮꨭ ꨂꨣꩃ ꨗꨰ ꨘꩆ ꨠꨣꨰ ꨝꨵꨯꨱꩍ ꨓꨐꨫ ꨤꩄ ꨀꨣꩀ ꨗꨫ ꨆꨵꨮꨭ ꨂꨣꩃ ꨨꨲꨩ ꨀꨗꨪꩅ ꨝꨤꨯꨱꩀ ꨤꨂꨩ ꨣꨬ꩞ ꨢꩍ ꨔꨬ ꨀꨗꨪꩅ ꨎꨮꨩ ꨝꨵꨯꨱꩍ ꨣꨯꨱꩃ ꨝꨩ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨙꨯꩌ ꨥꨮꩀ ꨤꩄ ꨕꨨꨵꩀ ꨕꨫ ꨇꨳꨮꩃ ꨅꨩ ꨇꨳꨮꩃ ꨨꨝꩉ ꨆꩄ ꨓꨊꨪꩆ ꨅꨩ ꨨꨭꨩ ꨢꩍ ꨓꨆꨰ ꨤꨪꨎꩃ ꨅꨩ ꨨꨭꨩ ꨇꨳꨮꩃ ꨝꨵꨯꨱꩍ ꨇꨳꨮꩃ ꨋꩇ ꨨꨈꨰꩀ ꨎꨳꨮꩃ꩞ ꨘꩆ ꨟꩃ ꨚꨓꨯꨱ ꨃꨥ ꨧꨩ ꨕꨴꨬ ꨗꨰ ꨓꨤꨶꨪꩄ ꨓꨴꨩ ꨠꨣꨰ ꨓꨐꨫ꩝ ꨤꩄ ꨠꨓꨤꨶꨪꩄ ꨆꨯꨱꨥ ꨨꨲꨩ ꨣꨯꨱꩃ ꨝꨩ ꨝꨤꨯꨱꩀ ꨤꨂꨩ ꨣꨬ꩞ ꨘꩆ ꨟꩃ ꨗꨰ ꨓꨤꨶꨪꩄ ꨙꨯꩌ ꨥꨮꩀ ꨤꩄ ꨨꨤꨬ ꨓꨳꩆ ꨕꨨꨵꩀ ꨘꩆ ꨕꨨꨵꩀ ꨀꨗꨪꩅ ꨟꨪꩆ꩞ ꨀꨣꩀ ꨗꨫ ꨚꨯꨩ ꨚꨙꩉ ꨕꨨꨵꩀ ꨇꨳꨮꩃ ꨄꨰ ꨝꨤꨯꨱꩀ ꨤꨂꨩ ꨟꨪꩆ꩞ ꨠꨢꩍ ꨚꨯꨩ ꨚꨙꩉ ꨕꨨꨵꩀ ꨇꨳꨮꩃ ꨌꨴꨭꨩ ꨇꨳꨮꩃ ꨣꨈꨵꨰ ꨎꩃ ꨕꨨꨵꩀ ꨇꨳꨮꩃ ꨣꨬ꩞ ꨘꩆ ꨟꩃ ꨚꨓꨯꨱ ꨙꨯꩌ ꨥꨮꩀ ꨧꨯꨱꩃ ꨀꨟꨰꩀ ꨄꨰ ꨝꨤꨯꨱꩀ ꨤꨂꨩ ꨤꩄ ꨀꨣꩀ ꨗꨫ ꨠꨓꨤꨶꨪꩄ ꨌꨳꨪꩇ ꨣꨯꨱꩃ ꨝꨩ ꨝꨤꨯꨱꩀ ꨤꨂꨩ ꨟꨪꩆ꩞ ꨀꨣꩀ ꨗꨫ ꨌꩃ ꨓꨭꩀ ꨧꨳꩌ ꨨꨣꨬ ꨓꨐꨴꨶꩍ ꨤꨪꨈꨰꩍ ꨕꨫ ꨝꨭꩅ ꨀꨘꩀ ꨗꨫ ꨝꨵꨯꨱꩍ ꨚꨙꨪꩍ ꨚꨕꨯꨱꩀ ꨕꨶꨩ ꨂꨣꩃ ꨐꨭꨩ꩞ ꨀꨣꩀ ꨗꨫ ꨀꨟꨰꩀ ꨝꨤꨯꨱꩀ ꨤꨂꨩ ꨥꨮꩀ ꨗꨯꨱ ꨧꩃ ꨝꨵꨯꨱꩍ ꨙꨯꩌ ꨥꨮꩀ ꨧꨯꨱꩃ ꨟꨭꩀ ꨐꨭꨩ ꨧꨯꨱꩃ ꨅꩃ ꨐꨭꨩ ꨝꨰꩀ꩞ ꨘꩆ ꨟꩃ ꨟꨰꩀ ꨄꨰ ꨝꨤꨯꨱꩀ ꨤꨂꨩ ꨥꨮꩀ ꨠꨣꨰ ꨧꩃ ꨎꨮꨩ꩞ ꨘꩆ ꨟꩃ ꨚꨓꨯꨱ ꨚꨙꨶꨮꩄ ꨨꨣꩀ ꨗꨯꨱ ꨕꨫ ꨈꨣꨮꩇ ꨚꨤꨬ ꨕꨫ ꨈꨣꨮꩇ ꨘꨈꩉ ꨀꨇꩆ ꨤꩄ ꨓꨮꩊ ꨨꨣꨬ ꨝꨭꩅ ꨘꩆ ꨚꨓꨯꨱ ꨚꨙꨪꩍ ꨀꨗꩀ ꨠꨓꨭꨥ ꨕꨀꨩ ꨠꨣꨰ ꨠꨐꨭꩌ ꨀꨵꩀ꩞ ꨘꩆ ꨟꩃ ꨚꨓꨯꨱ ꨚꨙꩉ ꨚꨗꨴꨯꨱꩃ ꨎꨝꨯꨱꩊ ꨗꨯꨱ ꨀꨠꩊ ꨚꨓꨳꩇ ꨣꨧꨩ ꨒꨴꨶꩍ ꨓꨚꨰ ꨀꨟꨴꩀ ꨝꨪꨔꩉ ꨟꩃ ꨀꨔꨭꩉ ꨝꨳꨮꩅ ꨕꨫ ꨈꨵꨰ ꨝꨩ ꨠꨣꨰ ꨚꨳꨮꩍ ꨡꨮꩃ ꨠꨐꨭꩌ ꨗꨰ ꨓꨤꨶꨪꩄ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨓꨮꩊ ꨨꨣꨬ ꨝꨭꩅ ꨘꩆ ꨟꩃ ꨕꨫ ꨈꨴꨮꩇ ꨚꨤꨬ ꨕꨫ ꨈꨴꨮꩇ ꨘꨈꩉ ꨠꨣꨰ ꨌꨴꨭꩍ ꨚꨓꨯꨱ꩞ ꨝꨩ ꨕꨯꩌ ꨀꨔꨭꩉ ꨝꨳꨮꩅ ꨕꨫ ꨈꨵꨰ ꨣꨧꨩ ꨋꩆ ꨒꨴꨶꩍ ꨓꨚꨰ ꨋꩆ ꨀꨟꨴꩀ ꨕꨫ ꨣꨪꩌ ꨠꨓꨩ ꨗꨫ ꨋꩆ ꨝꨯꨱꩍ ꨆꨢꨮꨭ ꨕꨫ ꨈꨵꨰ ꨕꨯꩌ ꨝꨯꨱꩍ ꨂꨣꩃ ꨡꨮꩃ ꨨꨭꨩ ꨋꩆ ꨝꨯꨱꩍ ꨂꨣꩃ ꨚꨤꨩ ꨕꨫ ꨚꨤꨬ ꨕꨫ ꨣꨪꩌ ꨣꨪꩌ ꨠꨓꨩ ꨗꨫ ꨂꨣꩃ ꨝꨩ ꨠꨣꨰ ꨌꨴꨭꩍ ꨚꨓꨯꨱ ꨕꨯꩌ ꨝꨯꨱꩊ ꨕꨫ ꨈꨴꨮꩇ ꨚꨤꨬ ꨕꨫ ꨈꨴꨮꩇ ꨘꨈꩉ ꨠꨣꨰ ꨕꨯꨱꩃ ꨚꨓꨯꨱ꩞ ꨠꨗꨶꨪꨧꨩ ꨎꨶꩀ ꨣꨮꩀ ꨠꨓꨰ ꨎꨶꩀ ꨈꨵꨰ ꨤꨪꨝꨭꩍ ꨣꨝꨭꨥ ꨣꨝꨭꨥ ꨓꨠꩆ ꨓꨠꩆ ꨤꨪꨆꨬ ꨆꨭꨟꨬ ꨕꩌ ꨕꨣꨩ ꨙꨯꩌ ꨚꨶꨮꩄ ꨚꨆꨴꨲꨩ ꨆꨵꨯꨱ ꨝꨶꨰ ꨝꨰꩈ ꨕꨫ ꨔꨮꨭ ꨤꨪꨝꨪꩀ ꨆꨳꨮꩃ ꨚꨈꩇ ꨅꨩ꩞ ꨕꨫ ꨨꨭꨩ ꨔꨬ ꨓꨮꩊ ꨅꨩ꩞ ꨡꨮꩃ ꨠꨐꨭꩌ ꨧꨩ ꨣꨓꨭꩍ ꨨꨣꨬ ꨠꨤꩌ꩞ ꨘꩆ ꨟꩃ ꨝꩀ ꨆꨵꨮꨭ ꨨꨣꨬ ꨠꨤꩌ ꨚꨓꨯꨱ ꨃꨥ ꨗꨰ ꨓꨤꨶꨪꩄ ꨙꨯꩌ ꨤꩄ ꨆꨵꨮꨭ ꨨꨣꨬ ꨆꨵꨮꨭ ꨠꨤꩌ ꨠꨗꨫ ꨝꨤꨯꨱꩀ ꨤꨂꨩ ꨙꨯꩌ ꨨꨝꩉ ꨧꨯꨱꩃ ꨨꨲꨩ ꨨꨰ ꨤꩄ ꨝꨙꨪ ꨝꨗꨳꨰ ꨐꨭꨩ ꨨꨝꩉ ꨧꨯꨱꩃ ꨨꨲꨩ꩞ ꨨꨲꨩ ꨗꨯꨱ ꨙꨯꩌ ꨥꨮꩀ ꨧꨯꨱꩃ ꨟꨰꩀ ꨨꨲꨩ ꨚꨀꨝꨪꩍ ꨙꨯꩌ ꨀꨕꩉ ꨎꨶꨰ ꨙꨯꩌ ꨇꨮꩃ ꨎꨶꨰ꩞ ꨘꩆ ꨟꩃ ꨗꨰ ꨓꨤꨶꨪꩄ ꨥꨮꩀ ꨗꨯꨱ ꨙꨯꩌ ꨥꨮꩀ ꨧꨯꨱꩃ ꨚꨯꨩ ꨝꨳꨩ ꨀꨝꨪꩍ ꨚꨗꨶꨮꩄ ꨆꨖꨩ ꨙꨯꩌ ꨤꩄ ꨌꨬ ꨝꨤꨯꨱꩀ ꨤꨂꨩ ꨙꨯꩌ ꨚꨶꨮꩄ ꨙꨪꩍ ꨕꨯꨱꩀ ꨧꨯꨱꩃ ꨕꨨꨵꩀ ꨋꩇ ꨢꨮꨭ ꨀꨝꨪꩍ ꨂꨣꩃ ꨟꨪꩆ꩞ ꨘꩆ ꨟꩃ ꨚꨯꨩ ꨝꨳꨩ ꨘꩆ ꨓꨐꨫ ꨗꨰ ꨓꨤꨶꨪꩄ ꨤꩄ ꨨꨝꩉ ꨆꩄ ꨝꨵꨯꨱꩍ ꨤꩄ ꨢꨮꨭ ꨀꨝꨪꩍ ꨂꨣꩃ꩝ ꨘꩆ ꨟꩃ ꨗꨰ ꨓꨤꨶꨪꩄ ꨙꨯꩌ ꨤꩄ ꨌꨬ ꨝꨤꨯꨱꩀ ꨤꨂꨩ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨚꨓꨪꩍ ꨡꨮꩃ ꨨꨮꩆ ꨕꨫ ꨕꨨꨵꩀ ꨌꨰꩀ꩞ ꨝꨵꨯꨱꩍ ꨌꨭꩀ ꨈꩌ ꨆꨴꩍ ꨠꨓꨩ ꨠꩍ ꨝꨵꨯꨱꩍ ꨧꨳꩌ ꨤꨪꨆꨬ ꨨꨮꩆ ꨕꨫ ꨈꨰꩀ꩞ ꨘꩆ ꨟꩃ ꨚꨯꨩ ꨝꨳꨩ ꨘꩆ ꨀꨇꩆ ꨥꨮꩀ ꨧꨯꨱꩃ ꨚꨓꨯꨱ꩞ ꨘꩆ ꨟꩃ ꨗꨰ ꨆꨌꨶꨩ ꨗꨰ ꨓꨲꩍ ꨓꨞꨩ ꨘꩆ ꨕꨯꨱꩀ ꨆꨴꩀ ꨚꨮꩃ ꨠꨨꨪꩅ ꨚꨯꨩ ꨝꨳꨩ ꨘꩆ ꨕꨯꨱꩀ ꨀꨇꩆ ꨧꨯꨱꩃ ꨚꨓꨯꨱ ꨤꩄ ꨗꨰ ꨓꨤꨶꨪꩄ ꨙꨯꩌ ꨤꩄ ꨌꨬ ꨝꨤꨯꨱꩀ ꨤꨂꨩ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨧꨳꩌ ꨤꨆꨬ ꨤꨯꨩ꩞ ꨘꩆ ꨟꩃ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨕꨶꨩ ꨂꨣꩃ ꨐꨭꨩ ꨕꨫ ꨠꨤꩌ ꨘꩆ ꨝꨩ ꨈꨮꩇ ꨗꨯꨱ ꨆꨴꩀ ꨀꨳꨮꩀ ꨌꨬ ꨝꨤꨯꨱꩀ ꨤꨂꨩ ꨧꨯꨱꩃ ꨗꨰ ꨓꨤꨶꨪꩄ꩞ ꨘꩆ ꨟꩃ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨆꨴꩀ ꨡꨯꩍ ꨌꨬ ꨝꨤꨯꨱꩀ ꨤꨂꨩ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨧꨳꩌ ꨤꨪꨆꨬ ꨈꨗꨭꩍ ꨓꨝꨳꩀ ꨕꨫ ꨣꨭꩇ ꨨꨕꩍ ꨢꨮꨭ ꨚꨭꨣꨫ ꨧꨩ ꨆꨵꩌ ꨓꨶꩍ ꨤꩇ ꨞꩇ ꨈꩇ ꨆꨴꨲꨩ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨚꨈꩇ ꨅꨩ ꨧꨳꩌ ꨤꨪꨆꨬ ꨕꨫ ꨨꨭꨩ ꨔꨬ ꨓꨮꩊ ꨅꨩ꩞
ꨝꨣꨭꨥ ꨟꩃ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨇꩇ ꨕꨫ ꨌꨬ ꨝꨤꨯꨱꩀ ꨤꨂꨩ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨋꩇ ꨨꨝꩉ ꨅꨩ꩞ ꨕꨶꨩ ꨂꨣꩃ ꨘꩆ ꨕꨯꩌ ꨕꨫ ꨕꨯꨱꩀ ꨕꨠꩆ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨝꨳꨰ ꨈꨮꩇ ꨤꩄ ꨀꨣꩀ ꨗꨫ ꨠꨩ ꨓꨤꨶꨪꩄ ꨇꨳꨮꩃ ꨆꨩ ꨐꨭꨩ ꨚꨎꨮꨩ ꨝꨵꨯꨱꩍ ꨕꨶꨩ ꨂꨣꩃ ꨕꨴꨬ ꨋꩇ ꨨꨝꩉ ꨆꩄ ꨢꨩ ꨗꨫ꩞ ꨕꨶꨩ ꨂꨣꩃ ꨐꨭꨩ ꨤꩄ ꨔꨮꨭ ꨢꨯꨱꩌ ꨆꨩ ꨌꨬ ꨝꨤꨯꨱꩀ ꨤꨂꨩ ꨈꨗꨴꨮꩍ ꨝꨰꩀ ꨕꨴꨬ ꨇꨳꨮꩃ ꨆꨩ ꨕꨴꨬ ꨌꨮꨩ ꨀꩍ꩞ ꨝꨓꨶꩍ ꨠꨓꨤꨶꨪꩄ ꨨꨣꨮꩍ꩞ ꨕꨤꩌ ꨓꨳꩆ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨆꨳꨮꩃ ꨋꩇ ꨨꨝꩉ ꨆꨳꨮꩃ ꨆꨩ ꨨꨭꨩ ꨌꨬ ꨝꨤꨯꨱꩀ ꨤꨂꨩ ꨆꨩ ꨐꨭꨩ ꨇꨳꨮꩃ ꨥꨮꩀ꩞ ꨘꩆ ꨡꨮꩃ ꨠꨐꨭꩌ ꨝꩀ ꨧꨩ ꨣꨓꨭꩍ ꨨꨣꨬ ꨠꨤꩌ ꨘꩆ ꨟꩃ ꨕꨯꩌ ꨟꨪꩀ ꨥꨩ ꨀꨕꨬ ꨧꨄꨰ ꨂꨣꩃ ꨤꨆꨮꨭ ꨕꨴꨬ ꨕꨫ ꨚꨓꨯꨱ ꨝꨵꨯꨱꩍ ꨥꨮꩀ ꨗꨯꨱ ꨧꩃ꩞ ꨓꨮꩊ ꨂꨣꩃ ꨗꨯꨱ ꨧꩃ ꨎꨶꨩ ꨘꩆ ꨟꩃ ꨗꨰ ꨓꨤꨶꨪꩄ ꨙꨯꩌ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨤꩄ ꨂꨣꩃ ꨗꨯꨱ ꨧꩃ ꨎꨶꨩ ꨀꨝꨪꩍ ꨚꨎꨮꨩ ꨀꨣꩀ ꨗꨫ ꨎꨶꨰ ꨕꨯꨱꩀ ꨕꨤꩌ ꨨꨣꨭꩌ ꨤꨂꨩ ꨓꨴꨩ ꨎꨶꨰ ꨓꨝꨳꩀ ꨗꨯꨱ ꨀꨳꨮꩇ ꨆꨝꨥ ꨔꨶꨬ ꨡꨵꩃ ꨆꨩ ꨂꨣꩃ ꨡꨯꩍ ꨨꨰ꩞ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨕꨫ ꨓꨝꨳꩀ ꨕꨫ ꨨꨣꨭꩌ ꨅꨩ꩞ ꨌꨬ ꨝꨤꨯꨱꩀ ꨤꨂꨩ ꨌꩃ ꨆꨴꨲꩍ ꨠꨤꩌ ꨎꨶꨩ ꨂꨣꩃ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨓꨝꨳꩀ ꨕꨫ ꨨꨣꨭꩌ ꨤꨂꨩ꩞ ꨆꨴꨲꩍ ꨠꨤꩌ ꨌꨬ ꨝꨤꨯꨱꩀ ꨤꨮꨭ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨝꨵꨯꨱꩍ ꨙꨪꩍ ꨧꨯꨱꩃ ꨗꨰ ꨓꨤꨶꨪꩄ ꨓꨮꩊ ꨨꨕꩍ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨓꨟꨩ ꨨꨣꨭꩌ ꨥꨮꩀ ꨣꨤꨯꨩ ꨡꨮꩃ ꨢꨮꨭ ꨘꩆ ꨤꨯꨩ ꨘꩆ ꨟꩃ ꨗꨰ ꨓꨤꨶꨪꩄ ꨟꩀ ꨨꨣꨭꩌ ꨤꨂꨩ ꨘꩆ ꨚꨕꨮꩇ ꨕꨫ ꨌꨬ ꨝꨤꨯꨱꩀ ꨤꨂꨩ ꨖꨪꩅ꩞ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨙꨪꩍ ꨓꨮꩊ ꨨꨕꩍ ꨟꩃ ꨨꨕꩍ ꨠꨣꨰ ꨗꨯꨱ ꨓꨚꩀ ꨨꨣꨭꩌ ꨤꨂꨩ ꨝꨵꨯꨱꩍ ꨕꨫ ꨡꨯꩍ ꨨꨣꨭꩌ ꨤꨂꨩ ꨅꨩ꩞ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨓꨟꨩ ꨕꨤꩌ ꨌꨳꨮꨥ ꨙꨪꩍ ꨝꨵꨯꨱꩍ ꨓꨐꨫ ꨗꨰ ꨓꨤꨶꨪꩄ ꨤꩄ ꨗꨰ ꨓꨤꨶꨪꩄ ꨨꨭꨩ ꨟꩀ ꨨꨣꨭꩌ ꨘꩆ ꨚꨕꨮꩇ ꨣꨬ꩞ ꨘꩆ ꨟꩃ ꨗꨰ ꨓꨤꨶꨪꩄ ꨤꩄ ꨔꨯꨱꩍ ꨟꨪꩆ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨕꨯꨱꩀ ꨙꨪꩍ ꨕꨤꩌ ꨌꨳꨮꨥ ꨙꨪꩍ ꨘꩆ ꨎꨮꨩ꩞ ꨌꨬ ꨝꨤꨯꨱꩀ ꨤꨂꨩ ꨕꨫ ꨙꨯꩌ ꨚꨶꨮꩄ ꨧꨯꨱꩃ ꨗꨰ ꨓꨤꨶꨪꩄ ꨅꨩ ꨕꨯꩌ ꨕꨯꨱꩀ ꨙꨪꩍ ꨝꨵꨯꨱꩍ ꨆꨟꨴꨥ ꨎꨮꨩ꩞ ꨌꨬ ꨝꨤꨯꨱꩀ ꨤꨂꨩ ꨣꨙꩇ ꨕꨯꨱꩀ ꨕꨤꩌ ꨨꨣꨭꩌ ꨤꨂꨩ ꨓꨮꩊ ꨕꨫ ꨨꨭꨩ ꨨꨣꨭꩌ ꨤꨂꨩ ꨅꨩ ꨘꩆ ꨌꨬ ꨝꨤꨯꨱꩀ ꨤꨂꨩ ꨤꨀꩆ ꨕꨯꩌ ꨕꨫ ꨕꨯꨱꩀ ꨆꨟꨴꨥ꩞ ꨨꨤꨬ ꨗꨰ ꨓꨤꨶꨪꩄ ꨕꨯꩌ ꨕꨫ ꨟꩀ ꨚꨤꨪꨕꨭꨩ ꨧꨯꨱꩃ ꨧꨆꨤꩅ ꨝꨵꨯꨱꩍ ꨚꨠꨔꩌ ꨌꨬ ꨝꨤꨯꨱꩀ ꨤꨂꨩ꩞ ꨓꨮꩊ ꨤꨪꨠꨩ ꨘꩌ ꨨꨣꨬ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨣꨙꩇ ꨘꩆ ꨟꩃ ꨆꨵꩍ ꨕꨫ ꨤꨀꩆ꩞ ꨘꩆ ꨟꩃ ꨗꨰ ꨓꨤꨶꨪꩄ ꨀꨇꩆ ꨓꨚꩀ ꨤꩄ ꨨꨣꨭꩌ ꨘꩆ ꨗꨰ ꨓꨤꨶꨪꩄ ꨟꩀ ꨝꨩ ꨗꨯꨱ ꨕꩉ ꨖꨪꩅ ꨚꨎꨮꨩ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨆꨵꨯꨱ ꨚꨤꨶꨪꩄ ꨎꨮꨩ꩞ ꨗꨰ ꨓꨤꨶꨪꩄ ꨤꩄ ꨕꨯꨱꩀ ꨕꨤꩌ ꨨꨣꨭꩌ ꨤꨂꨩ ꨄꨰ ꨆꨌꨶꨩ ꨧꨯꨱꩃ ꨄꨰ ꨓꨲꩍ ꨓꨞꨩ ꨇꩃ ꨕꨫ ꨆꨵꨯꨱ ꨤꨯꨩ ꨤꩄ ꨄꨰ ꨓꨊꨪꩆ ꨅꨩ ꨨꨭꨩ ꨓꨆꨰ ꨅꨩ ꨨꨭꨩ ꨨꨎꨳꨮꩃ ꨧꨯꨱꩃ ꨕꨨꨵꩀ ꨟꩀ ꨨꨣꨭꩌ ꨤꨂꨩ ꨘꩆ ꨚꨕꨮꩇ ꨌꨰꩀ꩞ ꨘꩆ ꨟꩃ ꨕꨶꨩ ꨂꨣꩃ ꨐꨭꨩ ꨆꨵꨯꨱ ꨧꨯꨱꩃ ꨈꨮꩇ ꨐꨭꨩ ꨥꨮꩀ ꨎꨮꨩ ꨘꩆ ꨟꩃ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨗꨯꨱ ꨠꨁꩆ ꨚꩀ ꨀꨕꨭꩀ ꨗꨰ ꨓꨤꨶꨪꩄ ꨝꨵꨯꨱꩍ ꨡꨯꩍ ꨌꨬ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨇꩇ ꨕꨫ ꨌꨬ ꨝꨤꨯꨱꩀ ꨤꨂꨩ ꨔꨮꨭ ꨤꨝꨪꩀ ꨆꨳꨮꩃ ꨋꩇ ꨨꨝꩉ ꨅꨩ ꨀꨝꨪꩍ ꨚꨴꨲꩆ ꨀꨝꨪꩍ ꨢꨥꨩ ꨕꨯꩌ ꨕꨫ ꨕꨯꨱꩀ ꨕꨟꩆ ꨧꨯꨱꩃ ꨔꨶꩀ ꨢꨥꨩ꩞ ꨕꨶꨩ ꨂꨣꩃ ꨘꩆ ꨕꨯꩊ ꨓꨳꩆ ꨕꨫ ꨕꨯꨱꩀ ꨚꨶꨮꩄ ꨆꨵꨯꨱ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨘꩆ ꨎꨮꨩ꩞ ꨘꩆ ꨟꩃ ꨓꨮꩊ ꨌꨬ ꨝꨤꨯꨱꩀ ꨤꨂꨩ ꨓꨝꨳꩀ ꨗꨯꨱ ꨀꨳꨮꩀ ꨆꨝꨥ ꨘꩆ ꨟꩃ ꨈꨮꩇ ꨈꩆ ꨟꨪꩀ ꨥꨩ ꨚꨤꨩ ꨚꨤꨬ ꨂꨣꩃ ꨡꨯꩍ꩞ ꨀꨝꨪꩍ ꨕꨴꨬ ꨟꨪꩀ ꨥꨩ ꨂꨣꩃ ꨀꨮꩆ ꨓꨝꨶꨮꩆ ꨆꨩ ꨗꨰ ꨓꨤꨶꨪꩄ ꨧꨳꩌ ꨥꩀ ꨤꨯꨩ ꨆꨳꨮꩃ ꨈꨯꨱꩀ ꨌꨬ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨂꨣꩃ ꨡꨰꩅ ꨠꨨꨪꩅ ꨗꨯꨱ ꨕꨫ ꨈꨴꨮꩇ ꨚꨤꨬ ꨕꨫ ꨈꨴꨮꩇ ꨘꨈꩉ ꨤꩄ ꨌꨬ ꨝꨤꨯꨱꩀ ꨤꨂꨩ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨧꨳꩌ ꨤꨆꨬ ꨤꨯꨩ꩞ ꨘꩆ ꨟꩃ ꨂꨣꩃ ꨋꩇ ꨀꨨꩉ ꨠꨣꨰ ꨣꨥꩃ ꨗꨰ ꨓꨤꨶꨪꩄ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨕꨫ ꨈꨴꨮꩇ ꨚꨤꨬ ꨕꨫ ꨈꨴꨮꩇ ꨘꨈꩉ ꨀꨧꨪꩅ ꨚꨴꨯꨱꩃ ꨤꨆꨬ ꨆꨭꨟꨬ ꨕꩌ ꨋꩆ ꨕꨣꨩ ꨠꨣꨰ ꨣꨥꩃ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨆꨳꨮꩃ ꨀꨳꨮꩀ ꨌꨬ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨟꨪꩀ ꨥꨩ ꨀꨕꨬ ꨧꨄꨰ ꨂꨣꩃ ꨠꨣꨰ ꨡꨯꩍ ꨌꨬ ꨝꨤꨯꨱꩀ ꨤꨂꨩ ꨧꨳꩌ ꨤꨪꨆꨬ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨚꨈꩇ ꨓꨴꨩ ꨅꨩ꩝ ꨘꩆ ꨟꩃ ꨟꨪꩀ ꨥꨩ ꨂꨣꩃ ꨕꨫ ꨈꨴꩇ ꨘꨈꩉ ꨝꨵꨯꨱꩍ ꨔꨮꨭ ꨆꨩ ꨌꨬ ꨝꨤꨯꨱꩀ ꨤꨂꨩ ꨈꨗꨴꨮꩍ꩞ ꨘꩆ ꨟꩃ ꨌꨬ ꨝꨤꨯꨱꩀ ꨤꨮꨭ ꨝꨩ ꨗꨰ ꨓꨤꨶꨪꩄ ꨗꨯꨱ ꨣꨥꨮꩃ ꨀꨟꨰꩀ ꨌꨬ ꨝꨤꨯꨱꩀ ꨤꨂꨩ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨗꨯꨱ ꨓꨮꩊ ꨧꩃ ꨀꨟꨰꩀ ꨝꨤꨯꨱꩀ ꨤꨂꨩ ꨝꨵꨯꨱꩍ ꨀꨟꨰꩀ ꨌꨬ ꨝꨤꨯꨱꩀ ꨤꨂꨩ ꨕꨫ ꨔꨮꨭ ꨆꨴꨲꩆ ꨌꨬ ꨝꨤꨯꨱꩀ ꨤꨂꨩ ꨓꨴꨩ ꨅꨩ꩞ ꨓꨮꩊ ꨌꨬ ꨝꨤꨯꨱꩀ ꨤꨂꨩ ꨚꨙꩉ ꨗꨰ ꨓꨤꨶꨪꩄ ꨚꨮꩍ ꨌꨳꨮꩅ ꨀꨨꩉ ꨝꨵꨯꨱꩍ ꨟꩀ ꨀꨨꩉ ꨝꨭꩍ ꨕꨫ ꨕꨤꩌ ꨤꨔꨶꨮꩉ ꨝꨵꨯꨱꩍ ꨚꨯꩀ ꨗꨯꨱ ꨆꨩ ꨀꨟꨰꩀ ꨌꨬ ꨝꨤꨯꨱꩀ ꨤꨂꨩ ꨘꩆ ꨟꩃ ꨀꨟꨰꩀ ꨌꨬ ꨝꨤꨯꨱꩀ ꨤꨮꨭ ꨔꨮꨭ ꨤꩄ ꨆꨩ ꨌꨬ ꨝꨤꨯꨱꩀ ꨤꨂꨩ ꨘꩆ ꨀꨗꩀ ꨚꨯꨩ ꨕꨯꨮꨝꨓꨩ ꨝꨴꨬ꩞ ꨘꩆ ꨟꩃ ꨅꩃ ꨧꨯꨱꩃ ꨌꨮꩀ ꨌꨬ ꨝꨤꨯꨱꩀ ꨤꨂꨩ ꨠꨣꨰ ꨀꨚꩆ ꨕꨫ ꨓꨊꨪꩆ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨀꨮꩆ ꨝꨵꨯꨱꩍ ꨅꩃ ꨧꨯꨱꩃ ꨌꨮꩀ ꨧꨯꨱꩃ ꨀꨟꨰꩀ ꨌꨬ ꨝꨤꨯꨱꩀ ꨤꨂꨩ ꨀꨗꨪꩅ ꨌꨬ ꨝꨤꨯꨱꩀ ꨤꨂꨩ ꨕꨫ ꨔꨮꨭ ꨤꨝꨪꩀ ꨆꨳꨮꩃ ꨋꩇ ꨨꨝꩉ ꨅꨩ ꨆꨢꨶꨩ ꨌꨬ ꨝꨤꨯꨱꩀ ꨤꨂꨩ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨝꨵꨯꨱꩍ ꨧꨳꩌ ꨤꨆꨬ ꨤꨯꨩ꩞
ꨀꨟꨰꩀ ꨌꨬ ꨝꨤꨯꨱꩀ ꨤꨂꨩ ꨈꩌ ꨀꨗꨪꩅ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨈꩌ ꨨꨶꨮꩄ ꨕꨫ ꨌꨬ ꨝꨤꨯꨱꩀ ꨤꨂꨩ ꨥꨮꩀ꩞ ꨠꨕꨭꩍ ꨢꨮꨭ ꨘꩆ ꨘꩆ ꨆꨩ ꨟꩃ ꨆꩊ ꨌꨬ ꨝꨤꨯꨱꩀ ꨤꨂꨩ ꨕꨯꨱꩀ ꨧꨯꨱꩃ ꨀꨟꨰꩀ ꨌꨬ ꨝꨤꨯꨱꩀ ꨤꨂꨩ ꨘꩆ ꨕꨫ ꨨꨭꨩ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨅꨩ꩞ ꨝꨵꨯꨱꩍ ꨕꨫ ꨨꨭꨩ ꨎꨳꨮꩃ ꨠꨗꨶꨪꨧꨩ ꨅꨩ ꨎꨳꨮꩃ ꨝꨤꨯꨱꩀ ꨤꨂꨩ ꨟꨪꩆ ꨓꨮꩊ ꨌꨬ ꨝꨤꨯꨱꩀ ꨤꨂꨩ ꨠꨣꨰ ꨕꨯꨱꩀ ꨈꨵꨮꩃ ꨆꨝꨥ ꨆꨩ ꨚꨓꨯꨱ ꨝꨵꨯꨱꩍ ꨨꨭꨩ ꨈꨗꨴꨮꩍ ꨝꨵꨯꨱꩍ ꨌꨬ ꨝꨤꨯꨱꩀ ꨤꨮꨭ ꨓꨝꨳꩀ ꨕꨫ ꨨꨣꨭꩌ ꨤꨂꨩ ꨝꨵꨯꨱꩍ ꨧꨳꩌ ꨤꨆꨬ ꨤꨯꨩ ꨝꨣꨭꨥ ꨟꩃ ꨀꨟꨰꩀ ꨌꨬ ꨝꨤꨯꨱꩀ ꨤꨂꨩ ꨧꨯꨱꩃ ꨅꩃ ꨧꨯꨱꩃ ꨌꨮꩀ ꨌꨬ ꨝꨤꨯꨱꩀ ꨤꨂꨩ ꨥꩉ ꨆꨴꨲꩆ ꨌꨬ ꨝꨤꨯꨱꩀ ꨤꨂꨩ ꨌꨰꩀ ꨘꩆ ꨟꩃ ꨗꨰ ꨓꨤꨶꨪꩄ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨝꨩ ꨈꨮꩇ ꨥꨮꩀ ꨠꨣꨰ ꨧꩃ ꨝꨵꨯꨱꩍ ꨕꨯꨱꩀ ꨕꨫ ꨧꩃ ꨚꨈꩇ ꨢꨯꨱꩌ ꨧꨩ ꨠꨓꨲꩍ ꨝꨤꩆ ꨝꨵꨯꨱꩍ ꨌꨬ ꨝꨤꨯꨱꩀ ꨤꨂꨩ ꨆꨳꨮꩃ ꨣꨟꨪꩀ ꨀꨨꨯꨱꩀ ꨝꨵꨯꨱꩍ ꨗꨯꨱ ꨆꩀ꩞ ꨘꩆ ꨟꩃ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨤꨆꨮꨭ ꨙꨪꩀ ꨀꨨꨯꨱꩀ ꨗꨯꨱ ꨆꩀ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨓꨮꩊ ꨕꨫ ꨨꨣꨬ ꨣꨟꨫ ꨣꨟꨪꩀ ꨆꨳꨮꩃ ꨓꨴꨭꩆ ꨀꨨꨯꨱꩀ ꨘꩆ ꨟꩃ ꨗꨰ ꨓꨤꨶꨪꩄ ꨟꩀ ꨆꨣꩍ ꨠꨓꨩ ꨠꩍ ꨕꨫ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨌꨭꩀ ꨕꨫ ꨓꨊꨪꩆ ꨘꩆ ꨟꩃ ꨗꨰ ꨓꨤꨶꨪꩄ ꨎꩀ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨓꨴꨭꩆ ꨀꨨꨯꨱꩀ ꨝꨵꨯꨱꩍ ꨕꨯꨱꩀ ꨧꨯꨱꩃ ꨈꨮꩇ ꨧꨩ ꨝꨵꩍ ꨌꨳꨮꨥ ꨧꨩ ꨕꨴꨬ ꨌꨬ ꨝꨤꨯꨱꩀ ꨤꨂꨩ ꨘꩆ ꨕꨯꨱꩀ ꨆꨣꨬ꩞ ꨘꩆ ꨟꩃ ꨈꨗꨶꨮꩉ ꨀꨨꨯꨱꩀ ꨝꨩ ꨀꨝꨪꩍ ꨕꨴꨬ ꨕꨯꩌ ꨝꨯꩊ ꨓꨴꨭꩆ ꨀꨨꨯꨱꩀ ꨘꩆ ꨟꩃ ꨣꨟꨫ ꨣꨟꨪꩀ ꨀꨨꨯꨱꩀ ꨝꨵꨯꨱꩍ ꨓꨝꨳꩀ ꨗꨯꨱ꩞ ꨘꩆ ꨟꩃ ꨀꨨꨯꨱꩀ ꨗꨯꨱ ꨠꨓꨲꩍ ꨓꨧꨪꩀ꩞ ꨘꩆ ꨟꩃ ꨗꨰ ꨓꨤꨶꨪꩄ ꨧꨯꨱꩃ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨆꨵꨮꨭ ꨂꨣꩃ ꨗꨰ ꨘꩆ ꨕꨯꨱꩀ ꨙꨯꩌ ꨚꨆꨴꨲꨩ ꨆꨵꨯꨱ ꨧꨯꨱꩃ ꨈꨮꩇ꩞ ꨘꩆ ꨟꩃ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨚꨙꩉ ꨗꨰ ꨓꨤꨶꨪꩄ ꨔꨶꩀ ꨆꨴꩍ ꨠꨓꨩ ꨠꩍ ꨌꨬ ꨝꨤꨯꨱꩀ ꨤꨂꨩ ꨕꨫ ꨓꨊꨪꩆ ꨗꨰ ꨓꨤꨶꨪꩄ ꨆꨩ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨀꨳꨮꩀ꩞ ꨘꩆ ꨟꩃ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨀꨳꨮꩀ ꨝꨵꨯꨱꩍ ꨋꩇ ꨟꩃ ꨋꩇ ꨤꨶꨮꨩ ꨈꨮꩇ ꨝꨵꨯꨱꩍ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨋꩇ ꨟꩃ ꨋꩇ ꨓꨝꨵꨰꩅ ꨓꨊꨪꩆ ꨝꨵꨯꨱꩍ ꨤꨰꩀ ꨓꨟꨩ ꨕꨤꩌ ꨀꨳꨩ ꨓꨧꨪꩀ ꨟꩃ ꨕꨤꩌ ꨓꨳꩆ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨠꨁꨣꩅ ꨆꨳꨮꩃ ꨚꨤꨰꩀ ꨟꨪꩆ꩞ ꨘꩆ ꨟꩃ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨋꩇ ꨟꩃ ꨋꩇ ꨚꨶꨮꩄ ꨤꩄ ꨀꨘꨩ ꨢꨯꨱꨥ ꨝꨵꨯꨱꩍ ꨎꨮꨩ ꨆꨮꨭ ꨆꨣꩍ ꨨꨲꨩ ꨤꨰꩀ ꨓꨟꨩ ꨓꨧꨪꩀ ꨚꨎꨮꨩ ꨠꨓꨤꨶꨪꩄ ꨨꨮꩈ ꨓꨝꨵꨰꩅ ꨓꨊꨪꩆ ꨆꨮꨭ ꨘꩆ ꨟꩃ ꨗꨰ ꨓꨤꨶꨪꩄ ꨓꨤꩀ ꨠꨓꨩ ꨈꨵꨮꩃ ꨝꨫ ꨙꩃ ꨡꨯꩍ ꨆꨣꩍ ꨘꩆ ꨨꨕꩍ ꨞꨯꩂ ꨕꨤꩌ ꨓꨧꨪꩀ ꨘꩆ ꨟꩃ ꨗꨰ ꨓꨤꨶꨪꩄ ꨆꨵꩀ ꨕꨴꨬ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨓꨶꨬ ꨆꨵꨯꨱꩆ ꨆꨣꩍ ꨘꩆ꩞ ꨨꨎꨳꨮꩃ ꨧꨯꨱꩃ ꨗꨰ ꨓꨤꨶꨪꩄ ꨆꨵꩀ ꨕꨴꨬ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨘꩆ ꨗꨰ ꨓꨤꨶꨪꩄ ꨨꨶꨮꩄ ꨕꨫ ꨌꨬ ꨝꨤꨯꨱꩀ ꨤꨂꨩ ꨚꨶꨮꩄ ꨏꩀ ꨆꨩ ꨗꨰ ꨓꨤꨶꨪꩄ꩞ ꨘꩆ ꨟꩃ ꨗꨰ ꨆꨌꨶꨩ ꨗꨰ ꨓꨲꩍ ꨓꨞꨩ ꨕꨯꨱꩀ ꨚꨆꨴꩇ ꨕꨫ ꨀꨇꩆ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨅꨩ꩞ ꨓꨮꩊ ꨗꨯꨱ ꨠꨓꨲꩍ ꨓꨔꨪꩀ ꨘꩆ ꨟꩃ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨀꨇꩆ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨤꩄ ꨗꨰ ꨓꨤꨶꨪꩄ ꨤꨰꩀ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨚꨎꨮꨩ꩞ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨙꨯꩌ ꨚꨈꩅ ꨌꨬ ꨝꨤꨯꨱꩀ ꨤꨂꨩ ꨤꩄ ꨗꨰ ꨓꨤꨶꨪꩄ ꨋꩇ ꨤꨰꩀ ꨆꨣꩍ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨝꨵꨯꨱꩍ ꨗꨰ ꨓꨤꨶꨪꩄ ꨨꨶꨮꩄ ꨆꨙꨩ ꨆꨩ ꨌꨬ ꨝꨤꨯꨱꩀ ꨤꨂꨩ ꨚꨶꨮꩄ ꨏꩀ ꨆꨩ ꨐꨭꨩ ꨝꨣꨭꨥ ꨟꩃ ꨐꨭꨩ ꨧꨭꨝꨪꩀ ꨕꨴꨬ ꨐꨭꨩ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨓꨶꨬ ꨆꨵꨯꨱꩆ ꨆꨣꩍ ꨘꩆ ꨚꨎꨮꨩ꩞ ꨆꨣꩍ ꨘꩆ ꨘꩆ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨚꨤꨰꩀ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨟꨪꩆ ꨝꨵꨯꨱꩍ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨙꨯꩌ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨤꩄ ꨗꨰ ꨓꨤꨶꨪꩄ ꨟꨪꩆ ꨋꩇ ꨤꨰꩀ ꨆꨣꩍ ꨘꩆ꩞ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨠꨣꨰ ꨌꨟꨯꨱꩍ ꨌꨳꨮꨥ ꨆꨴꨭꩃ ꨗꨰ ꨓꨤꨶꨪꩄ ꨕꨯꨱꩀ ꨘꩆ꩝ ꨝꨵꨯꨱꩍ ꨡꨯꩍ ꨥꨮꩀ ꨧꨩ ꨝꨵꩍ ꨀꨝꩆ ꨆꨴꨭꩃ ꨗꨰ ꨓꨤꨶꨪꩄ ꨠꨔꩌ ꨝꨵꨯꨱꩍ ꨗꨰ ꨓꨤꨶꨪꩄ ꨤꨶꨰ ꨥꨮꩀ ꨕꨯꨱꩀ ꨕꨫ ꨊꨯꨱꩀ ꨌꨳꨮꨥ ꨘꩆ ꨧꨯꨱꩃ ꨧꨩ ꨚꨯꨱꩀ ꨓꨐꨴꩀ ꨨꨤꨩ ꨓꨴꨩ ꨝꨵꨯꨱꩍ ꨕꨫ ꨡꨯꩍ ꨗꨰ ꨓꨤꨶꨪꩄ ꨅꨩ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨨꨳꨩ ꨤꨔꨬ ꨅꨩ ꨨꨶꩀ ꨢꩍ ꨀꨳꨩ ꨤꨪꨎꩃ ꨅꨩ ꨠꨐꨭꩌ ꨕꨯꩌ ꨕꨫ ꨕꨯꨱꩀ ꨨꨳꨩ ꨝꨣꨭꨥ ꨟꩃ ꨌꨬ ꨝꨤꨯꨱꩀ ꨤꨂꨩ ꨚꨙꩉ ꨈꨗꨶꨮꩉ ꨀꨨꨯꨱꩀ ꨚꨈꨤꩄ ꨀꨨꨯꨱꩀ ꨝꨵꨯꨱꩍ ꨥꨮꩀ ꨠꨣꨰ ꨧꩃ ꨥꨮꩀ꩞ ꨨꨤꨬ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨧꨩ ꨈꩍ ꨓꨳꩆ ꨨꨳꨩ ꨕꨟꩆ ꨀꨕꨬ ꨧꨩ ꨈꩍ ꨓꨳꩆ ꨓꨴꨩ ꨇꩇ ꨕꨫ ꨌꨬ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨀꨨꨯꨱꩀ ꨠꨣꨰ ꨓꨮꩊ ꨧꩃ ꨝꨵꨯꨱꩍ ꨌꨬ ꨝꨤꨯꨱꩀ ꨤꨂꨩ ꨠꨣꨰ ꨀꨇꩆ ꨧꨯꨱꩃ ꨚꨯꨩ ꨝꨳꨩ ꨘꩆ ꨤꩄ ꨗꨰ ꨓꨤꨶꨪꩄ ꨋꩇ ꨨꨝꩉ ꨕꨫ ꨔꨮꨭ ꨅꨩ ꨓꨝꨵꨰꩅ ꨓꨊꨪꩆ ꨝꨵꨯꨱꩍ ꨤꨰꩀ ꨆꨣꩍ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨝꨵꨯꨱꩍ ꨐꨭꨩ ꨨꨶꨮꩄ ꨆꨙꨩ ꨆꨩ ꨕꨨꨵꩀ ꨚꨶꨮꩄ ꨏꩀ ꨆꨩ ꨐꨭꨩ ꨝꨵꨯꨱꩍ ꨐꨭꨩ ꨧꨭꨝꨪꩀ ꨕꨴꨬ ꨐꨭꨩ ꨓꨠꨩ ꨕꨤꩌ ꨓꨔꨪꩀ ꨀꨳꨩ ꨓꨔꨪꩀ ꨡꨵꨭꩃ ꨖꨪꩅ ꨚꨎꨮꨩ꩞
ꨕꨨꨵꩀ ꨤꨪꨎꩃ ꨕꨫ ꨨꨭꨩ ꨡꨯꩍ ꨐꨭꨩ ꨧꨭꨝꨪꩀ ꨕꨴꨬ ꨐꨭꨩ ꨓꨠꨩ ꨓꨔꨪꩀ ꨅꨩ ꨓꨯꩀ ꨕꨫ ꨄꨰ ꨆꨌꨶꨩ ꨧꨯꨱꩃ ꨄꨰ ꨓꨲꩍ ꨓꨞꨩ ꨀꨇꩆ ꨥꨮꩀ ꨟꨪꩆ ꨘꩆ ꨟꩃ ꨚꨯꨩ ꨝꨳꨩ ꨘꩆ ꨀꨇꩆ ꨧꨯꨱꩃ ꨚꨓꨯꨱ ꨝꨵꨯꨱꩍ ꨚꨓꨯꨱ ꨘꩆ ꨃꨥ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨓꨐꨫ꩞ ꨚꨓꨯꨱ ꨧꨯꨱꩃ ꨚꨯꨩ ꨝꨳꨩ ꨓꨐꨫ ꨌꨬ ꨝꨤꨯꨱꩀ ꨤꨂꨩ ꨙꨯꩌ ꨤꩄ ꨕꨫ ꨨꨭꨩ ꨡꨯꩍ ꨐꨭꨩ ꨆꨵꩀ ꨕꨴꨬ ꨐꨭꨩ ꨓꨠꨩ ꨓꨧꨪꩀ ꨅꨩ ꨕꨨꨵꩀ ꨓꨯꩀ ꨕꨫ ꨄꨰ ꨆꨌꨶꨩ ꨧꨯꨱꩃ ꨄꨰ ꨓꨲꩍ ꨓꨞꨩ ꨙꨯꩌ ꨥꨮꩀ ꨧꨯꨱꩃ ꨕꨨꨵꩀ ꨟꨪꩆ꩞ ꨌꨬ ꨝꨤꨯꨱꩀ ꨤꨂꨩ ꨧꨩ ꨈꩍ ꨙꨯꩌ ꨧꨯꨱꩃ ꨚꨓꨯꨱ ꨧꨩ ꨈꩍ ꨕꨯꨱꩀ ꨨꨳꨩ ꨚꨯꨩ ꨝꨳꨩ ꨧꨯꨱꩃ ꨚꨓꨯꨱ ꨘꩆ ꨤꨪꨎꩃ ꨧꨩ ꨈꩍ ꨓꨐꨫ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨧꨩ ꨈꩍ ꨓꨴꨩ ꨕꨯꨱꩀ ꨨꨳꨩ ꨆꨩ ꨗꨰ ꨓꨤꨶꨪꩄ꩞ ꨘꩆ ꨟꩃ ꨚꨓꨯꨱ ꨧꨯꨱꩃ ꨚꨯꨩ ꨝꨳꨩ ꨘꩆ ꨓꨐꨫ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ꩞ ꨘꩆ ꨟꩃ ꨕꨶꨩ ꨂꨣꩃ ꨗꨰ ꨘꩆ ꨧꨩ ꨈꩍ ꨨꨳꨩ ꨆꨩ ꨗꨰ ꨓꨤꨶꨪꩄ ꨧꨩ ꨈꩍ ꨓꨳꩆ ꨓꨴꨩ ꨨꨳꨩ ꨀꨗꨪꩅ ꨤꩄ ꨆꨩ ꨌꨬ ꨝꨤꨯꨱꩀ ꨤꨂꨩ ꨕꨯꨱꩀ ꨎꨶꨩ ꨧꨩ ꨕꨴꨬ ꨧꨩ ꨎꩆ ꨧꨩ ꨈꩍ ꨓꨳꩆ ꨓꨴꨩ ꨧꨯꨱꩃ ꨇꩇ ꨕꨫ ꨌꨬ ꨝꨤꨯꨱꩀ ꨤꨂꨩ ꨧꨩ ꨈꩍ ꨨꨳꨩ ꨧꨩ ꨈꩍ ꨙꨯꩌ ꨥꨮꩀ ꨧꨯꨱꩃ ꨚꨯꨩ ꨝꨳꨩ ꨧꨯꨱꩃ ꨚꨓꨯꨱ ꨘꩆ꩞ ꨤꩄ ꨕꨶꨩ ꨂꨣꩃ ꨕꨯꨱꩀ ꨙꨯꩌ ꨚꨆꨴꨲꨩ ꨆꨵꨯꨱ ꨧꨯꨱꩃ ꨐꨭꨩ ꨝꨵꨯꨱꩍ ꨕꨶꨩ ꨂꨣꩃ ꨕꨨꨵꩀ ꨚꨙꩉ ꨐꨭꨩ ꨔꨶꩀ ꨆꨣꩍ ꨠꨓꨩ ꨠꩍ ꨘꩆ ꨆꨩ ꨕꨶꨩ ꨕꨨꨵꩀ ꨀꨳꨮꩀ ꨝꨵꨯꨱꩍ ꨕꨶꨩ ꨂꨣꩃ ꨕꨨꨵꩀ ꨝꨴꨬ ꨆꨩ ꨐꨭꨩ ꨥꨮꩀ ꨚꨎꨮꨩ ꨝꨵꨯꨱꩍ ꨐꨭꨩ ꨋꩇ ꨨꨝꩉ ꨕꨫ ꨔꨮꨭ ꨅꨩ ꨓꨝꨵꨰꩅ ꨓꨊꨪꩆ ꨐꨭꨩ ꨝꨵꨯꨱꩍ ꨤꨰꩀ ꨆꨣꩍ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨝꨵꨯꨱꩍ ꨐꨭꨩ ꨕꨯꨱꩀ ꨟꨯꨱꩃ ꨆꨣꩍ ꨘꩆ ꨀꨨꨯꨱꩀ ꨕꨯꨱꩀ ꨆꨴꨲꩍ ꨙꨶꨮꩄ ꨝꨵꨯꨱꩍ ꨐꨭꨩ ꨟꨯꨱꩃ ꨡꨯꩍ ꨆꨣꩍ ꨘꩆ ꨨꨕꩍ ꨞꨯꩂ ꨕꨤꩌ ꨀꨳꨩ ꨓꨧꨪꩀ ꨝꨵꨯꨱꩍ ꨐꨭꨩ ꨕꨯꨱꩀ ꨟꨯꨱꩃ ꨕꨶꨩ ꨂꨣꩃ ꨕꨨꨵꩀ ꨕꨫ ꨨꨭꨩ ꨔꨮꨭ ꨤꩄ ꨆꨩ ꨐꨭꨩ ꨆꨳꨮꩃ ꨧꨭꨝꨪꩀ ꨕꨴꨬ ꨓꨠꨩ ꨓꨧꨪꩀ ꨅꨩ ꨠꨢꩍ ꨕꨶꨩ ꨂꨣꩃ ꨕꨨꨵꩀ ꨝꨵꨯꨱꩍ ꨔꨮꨭ ꨤꩄ ꨆꨩ ꨐꨭꨩ ꨆꨳꨮꩃ ꨧꨭꨝꨪꩀ ꨕꨴꨬ ꨓꨠꨩ ꨓꨧꨪꩀ ꨘꩆ ꨕꨶꨩ ꨂꨣꩃ ꨕꨨꨵꩀ ꨔꨯꨱꨥ ꨥꨮꩀ ꨎꨮꨩ꩞ ꨘꩆ ꨟꩃ ꨐꨭꨩ ꨟꨯꨱꩃ ꨡꨯꩍ ꨆꨣꩍ ꨘꩆ ꨨꨕꩍ ꨞꨯꩂ ꨕꨤꩌ ꨀꨳꨩ ꨓꨧꨪꩀ ꨝꨵꨯꨱꩍ ꨐꨭꨩ ꨧꨭꨝꨪꩀ ꨕꨴꨬ ꨐꨭꨩ ꨓꨠꨩ ꨕꨤꩌ ꨓꨧꨪꩀ ꨕꨫ ꨨꨟꨭꨩ ꨆꨳꨮꩃ ꨡꨯꩍ ꨅꨩ ꨘꩆ ꨟꩃ ꨕꨶꨩ ꨂꨣꩃ ꨕꨨꨵꩀ ꨙꨶꨮꩄ ꨗꨯꨱ ꨀꨇꩆ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨐꨭꨩ ꨎꨮꨩ꩞ ꨘꩆ ꨟꩃ ꨚꨯꨩ ꨝꨳꨩ ꨧꨯꨱꩃ ꨚꨓꨯꨱ ꨘꩆ ꨙꨯꩌ ꨥꨮꩀ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨤꩄ ꨀꨣꩀ ꨗꨫ ꨀꨗꩀ ꨎꨶꨰ ꨕꨯꨱꩀ ꨨꨳꨩ ꨌꨯꨱꩀ ꨓꨴꨩ ꨎꨶꨰ ꨆꨨꨵꨯꨱꩌ ꨥꩀ ꨀꨗꩀ ꨧꨯꨱꩃ ꨠꨓꨤꨶꨪꩄ ꨕꨫ ꨓꨶꩍ ꨓꨴꨩ ꨅꨩ ꨀꨣꩀ ꨗꨫ ꨀꨗꩀ ꨕꨯꨱꩀ ꨥꨮꩀ ꨆꨩ ꨚꨯꨩ ꨎꨳꨯꩂ ꨕꨫ ꨀꨗꩀ ꨧꨩ ꨔꨭꩆ ꨗꨫ ꨝꨰꩀ ꨆꨨꨵꨯꨱꩌ ꨥꩀ ꨠꨓꨤꨶꨪꩄ ꨢꨮꨭ ꨘꩆ ꨎꨮꨩ ꨚꨳꨮꩍ ꨆꨩ ꨚꨯꨩ ꨟꨯꨱꩃ ꨡꨯꩍ ꨣꨭꩇ ꨀꨗꩀ ꨤꨪꨎꩃ ꨢꨮꨭ ꨚꨯꨩ ꨡꨯꩍ ꨣꨭꩇ ꨠꨓꨤꨶꨪꩄ ꨆꩄ ꨟꨪꩆ꩞ ꨚꨯꨩ ꨝꨳꨩ ꨧꨯꨱꩃ ꨚꨓꨯꨱ ꨙꨯꩌ ꨥꨮꩀ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨢꨮꨭ ꨘꩆ ꨈꩌ ꨙꨯꩌ ꨈꩌ ꨨꨳꨩ꩞ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨙꨯꩌ ꨥꨮꩀ ꨧꨯꨱꩃ ꨚꨯꨩ ꨝꨳꨩ ꨧꨯꨱꩃ ꨚꨓꨯꨱ ꨘꩆ ꨤꩄ ꨨꨝꨳꨮꩆ ꨔꨭꩆ ꨨꨤꨬ ꨝꨤꩆ ꨨꨤꨬ ꨀꨝꨪꩍ ꨧꨂꩍ ꨀꨝꨪꩍ ꨧꨀꨮꩆ ꨕꨨꨵꩀ ꨘꩆ ꨟꩃ ꨕꨨꨵꩀ ꨔꨮꨭ ꨧꨩ ꨡꨮꩃ ꨎꨮꨩ ꨨꨤꨬ ꨀꨣꩀ ꨗꨫ ꨕꨨꨵꩀ ꨕꨯꨱꩀ ꨧꨯꨱꩃ ꨚꨯꨩ ꨓꩀ ꨗꨫ ꨎꨮꨩ꩞ ꨌꨬ ꨝꨤꨯꨱꩀ ꨤꨂꨩ ꨈꩌ ꨙꨯꩌ ꨈꩌ ꨨꨳꨩ꩞ ꨌꨬ ꨝꨤꨯꨱꩀ ꨤꨂꨩ ꨨꨕꩉ ꨆꨴꨭꩃ ꨟꩃ ꨆꩊ ꨗꨰ ꨓꨤꨶꨪꩄ ꨝꨩ ꨤꨪꨔꨬ ꨆꨩ ꨌꨬ ꨝꨤꨯꨱꩀ ꨤꨂꨩ ꨚꩀ ꨊꨯꨱꩀ ꨣꨤꨯꩂ ꨧꨩ ꨕꨴꨬ ꨗꨰ ꨓꨤꨶꨪꩄ ꨈꩆ ꨈꨵꨰ ꨈꩆ ꨆꨵꨯꨱꨥ ꨨꨕꩉ ꨆꨴꨭꩃ ꨟꩃ ꨆꩊ ꨈꨵꨮꩃ ꨆꨝꨥ ꨚꩀ ꨊꨯꨱꩀ ꨣꨤꨯꩂ ꨧꨩ ꨕꨴꨬ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨧꨩ ꨕꨴꨬ ꨗꨰ ꨓꨤꨶꨪꩄ ꨝꨩ ꨤꨔꨬ ꨣꨡꩍ ꨣꨡꨲꩇ ꨧꨯꨱꩃ ꨈꨮꩇ ꨌꨬ ꨝꨤꨯꨱꩀ ꨤꨂꨩ ꨨꨣꨬ ꨨꨤꨬ ꨠꨤꩌ ꨨꨤꨬ ꨤꨪꨎꩃ ꨨꨳꨩ ꨚꩀ ꨕꨤꩌ ꨌꨳꨮꨥ ꨙꨪꩍ ꨎꨮꨩ ꨨꨳꨩ ꨕꨫ ꨨꨭꨩ ꨝꨴꨬ ꨆꨩ ꨡꨯꩍ ꨅꨩ꩞ ꨈꨮꩇ ꨈꩆ ꨟꨪꩀ ꨥꨩ ꨂꨣꩃ ꨧꨩ ꨝꨯꨱꩍ ꨘꨈꩉ ꨔꨬ ꨤꨪꨎꩃ ꨨꨳꨩ ꨕꨟꩆ ꨗꨰ ꨓꨤꨶꨪꩄ꩞ ꨨꨤꨬ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨕꨯꩌ ꨕꨫ ꨕꨯꨱꩀ ꨚꨧꨳꨩ ꨇꩇ ꨕꨫ ꨌꨬ ꨝꨤꨯꨱꩀ ꨤꨂꨩ ꨠꨢꩍ ꨚꨯꩀ ꨧꨤꨥ ꨤꨔꨬ ꨗꨯꨱ ꨆꨩ ꨌꨬ ꨝꨤꨯꨱꩀ ꨤꨂꨩ ꨨꨶꩀ ꨤꨪꨎꩃ ꨇꨪꩌ ꨆꨵꨯꨱ꩞ ꨠꨤꩌ ꨨꨤꨬ ꨤꨪꨎꩃ ꨕꨶꨩ ꨂꨣꩃ ꨗꨰ ꨘꩆ ꨌꨪꩍ ꨨꨤꨩ ꨝꨴꨬ ꨆꨩ ꨌꨬ ꨝꨤꨯꨱꩀ ꨤꨮꨭ ꨡꨮꩃ ꨎꨮꨩ ꨧꨯꨱꩃ ꨕꨯꨱꩀ ꨙꨪꩍ ꨚꨠꨢꨯꩀ ꨌꨬ ꨝꨤꨯꨱꩀ ꨤꨂꨩ ꨧꨯꨱꩃ ꨙꨯꩌ ꨚꨆꨴꨲꨩ ꨆꨵꨯꨱ ꨤꨪꨎꩃ ꨅꨩ ꨆꨵꩍ ꨕꨫ ꨌꨬ ꨝꨤꨯꨱꩀ ꨤꨂꨩ ꨨꨳꨩ ꨧꨀꨮꩆ ꨗꨰ ꨓꨤꨶꨪꩄ ꨣꨬ꩞ ꨨꨤꨬ ꨗꨰ ꨓꨤꨶꨪꩄ ꨘꩆ ꨓꩀ ꨕꨫ ꨆꩊ ꨗꨰ ꨓꨤꨶꨪꩄ ꨆꨵꩀ ꨕꨴꨬ ꨓꨠꨩ ꨀꨳꨩ ꨓꨔꨪꩀ ꨝꨵꨯꨱꩍ ꨗꨰ ꨓꨤꨶꨪꩄ ꨐꨭꩀ ꨠꩀ ꨨꨭꨩ ꨆꨣꩍ ꨠꨓꨩ ꨠꩍ ꨘꩆ ꨝꨵꨯꨱꩍ ꨗꨰ ꨓꨤꨶꨪꩄ ꨌꨭꩀ ꨕꨫ ꨓꨊꨪꩆ ꨝꨵꨯꨱꩍ ꨀꨳꨩ ꨓꨧꨪꩀ ꨡꨵꨭꩃ ꨕꨫ ꨨꨭꨩ ꨓꨴꨩ ꨅꨩ꩞ ꨠꨕꨭꩍ ꨢꨮꨭ ꨘꩆ ꨆꨣꩍ ꨠꨓꨩ ꨠꩍ ꨘꩆ ꨈꨗꨴꨮꩍ ꨝꨣꨭꨥ ꨟꩃ ꨗꨰ ꨓꨤꨶꨪꩄ ꨌꨭꩀ ꨆꨣꩍ ꨘꩆ ꨝꨵꨯꨱꩍ ꨗꨰ ꨓꨤꨶꨪꩄ ꨈꨗꨴꨮꩍ ꨘꩆ ꨟꩃ ꨗꨰ ꨓꨤꨶꨪꩄ ꨢꨶꨯꨮꨩ ꨕꨴꨬ ꨎꨳꨮꩃ ꨀꨘꩀ ꨆꨠꩉ ꨝꨵꨯꨱꩍ ꨤꨶꩀ ꨓꨠꨩ ꨕꨤꩌ ꨀꨝꨥ ꨧꨣꨤꩃ ꨝꨵꨯꨱꩍ ꨗꨰ ꨓꨤꨶꨪꩄ ꨕꨯꨱꩀ ꨕꨤꩌ ꨘꩆ ꨟꩃ ꨠꨕꨩ ꨣꨪꨢꩀ ꨚꨯꨱꩍ ꨀꨝꨥ ꨧꨣꨤꩃ ꨘꩆ ꨧꨯꨱꩃ ꨗꨰ ꨓꨤꨶꨪꩄ ꨓꨝꨳꩀ ꨣꨪꨢꩀ ꨚꨯꨱꩍ ꨀꨝꨥ ꨧꨣꨤꩃ ꨘꩆ ꨧꨯꨱꩃ ꨗꨰ ꨓꨤꨶꨪꩄ ꨓꨯꨱꩌ ꨔꨭꩆ ꨘꩆ ꨟꩃ ꨓꨮꩊ ꨈꩍ ꨓꨔꨪꩀ꩞ ꨝꨵꨯꨱꩍ ꨀꨝꨥ ꨧꨣꨤꩃ ꨘꩆ ꨔꨮꩀ ꨠꨣꨰ ꨎꨰ ꨕꨫ ꨓꨚꨳꨮꩆ ꨆꨴꨭꩃ ꨂꨣꩃ ꨠꩀ ꨆꨴꩃ ꨀꨟꨴꨯꨱꨥ꩞ ꨘꩆ ꨟꩃ ꨗꨰ ꨓꨤꨶꨪꩄ ꨓꨝꨳꩀ ꨕꨫ ꨀꨝꨥ ꨧꨣꨤꩃ ꨘꩆ ꨝꨵꨯꨱꩍ ꨗꨰ ꨓꨤꨶꨪꩄ ꨓꨈꨯꩀ ꨊꨯꨱꩀ ꨆꨳꨮꩃ ꨗꨯꨱ ꨧꩃ ꨘꩆ ꨟꩃ ꨕꨫ ꨔꨮꨭ ꨤꨝꨪꩀ ꨘꨈꩉ ꨚꨤꨬ ꨕꨯꨱꩀ ꨚꩀ ꨨꨤꨬ ꨅꨩ ꨗꨰ ꨓꨤꨶꨪꩄ ꨕꨯꩌ ꨕꨫ ꨕꨯꨱꩀ ꨨꨳꨩ ꨧꨀꨮꩆ ꨌꨬ ꨝꨤꨯꨱꩀ ꨤꨂꨩ ꨘꩆ ꨟꩃ ꨗꨰ ꨓꨤꨶꨪꩄ ꨤꨶꩀ ꨓꨠꨩ ꨕꨯꨱꩀ ꨕꨤꩌ ꨀꨝꨥ ꨧꨣꨤꩃ ꨝꨵꨯꨱꩍ ꨕꨯꨱꩀ ꨕꨤꩌ ꨀꨝꨥ ꨧꨣꨤꩃ ꨥꨮꩀ꩞ ꨗꨰ ꨓꨤꨶꨪꩄ ꨧꨀꨮꩆ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨕꨯꩌ ꨕꨫ ꨕꨯꨱꩀ ꨨꨳꨩ ꨕꨫ ꨕꨤꩌ ꨀꨝꨥ ꨧꨣꨤꩃ ꨙꩃ ꨧꨩ ꨝꨤꩆ ꨧꨩ ꨠꨓꨲꩍ ꨘꩆ ꨟꩃ ꨡꨯꩍ ꨧꨩ ꨂꨣꩃ ꨅꩃ ꨧꨩ ꨂꨣꩃ ꨟꨭꩀ ꨠꨣꨰ ꨠꩀ ꨆꨴꩃ ꨀꨟꨴꨯꨱꨥ꩞ ꨘꩆ ꨟꩃ ꨗꨰ ꨓꨤꨶꨪꩄ ꨤꨶꩀ ꨓꨠꨩ ꨕꨯꨱꩀ ꨕꨤꩌ ꨀꨝꨥ ꨧꨣꨤꩃ ꨝꨵꨯꨱꩍ ꨗꨰ ꨓꨤꨶꨪꩄ ꨨꨳꨩ ꨢꨮꨭ ꨣꨩ ꨗꨰꩍ ꨆꨠꩉ꩞ ꨘꩆ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨠꨨꨪꩅ ꨝꨵꨯꨱꩍ ꨅꩃ ꨧꨯꨱꩃ ꨟꨭꩀ ꨘꩆ ꨙꨶꨮꩄ ꨗꨯꨱ ꨀꨳꨮꩀ ꨕꨫ ꨡꨯꩍ ꨀꨗꩀ ꨆꨠꩉ ꨅꨩ ꨡꨯꩍ ꨧꨩ ꨝꨯꨱꩍ ꨀꨝꨥ ꨧꨣꨤꩃ ꨙꨮꨩ ꨤꨁꨩ ꨝꨵꨯꨱꩍ ꨠꨨꨪꩅ ꨆꨠꩉ ꨕꨯꨱꩀ ꨕꨤꩌ꩞ ꨝꨣꨭꨥ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨕꨫ ꨨꨣꨬ ꨘꩆ ꨕꨫ ꨎꨳꨮꩃ ꨠꩀ ꨆꨴꩃ ꨅꨩ ꨙꨶꨩ ꨀꨝꨥ ꨘꩆ ꨗꨯꨱ ꨓꨮꩊ ꨧꩃ ꨝꨵꨯꨱꩍ ꨟꨭꩀ ꨘꩆ ꨝꨩ ꨀꨝꨥ ꨘꩆ ꨗꨯꨱ ꨌꨰꩀ ꨕꨫ ꨕꨤꩌ ꨌꨆꩀ ꨚꩀ ꨤꨪꨆꨭꩀ ꨧꩃ꩞ ꨅꩃ ꨧꨭꨩ ꨟꨭꩀ ꨘꩆ ꨆꨔꨯꨱꩅ ꨚꨙꩇ ꨤꨯꨩ ꨕꨯꩌ ꨕꨫ ꨗꨯꨱ ꨕꨶꩍ ꨠꩀ ꨆꨴꩃ ꨚꨝꨵꨬ ꨟꨪꩆ ꨧꨯꨱꩃ ꨠꩀ ꨒꨭꩍ ꨚꨝꨵꨬ ꨡꨮꩃ ꨟꨪꩆ꩞ ꨘꩆ ꨟꩃ ꨅꩃ ꨘꩆ ꨗꨯꨱ ꨠꩀ ꨒꨭꩍ ꨟꨭꩀ ꨘꩆ ꨗꨯꨱ ꨚꨝꨵꨬ ꨆꨴꩃ ꨤꨶꨰ ꨧꩃ ꨕꨯꨱꩀ ꨎꨶꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨓꨝꨳꩀ ꨕꨫ ꨀꨝꨥ ꨧꨣꨤꩃ ꨘꩆ ꨠꨣꨰ ꨌꨴꩃ ꨤꨔꨬ ꨀꨳꨩ ꨨꨤꨩ ꨚꨘꩃ ꨀꨨꩉ ꨠꨘꩃ ꨕꨫ ꨣꨪꩌ ꨠꨓꨩ ꨀꨳꨩ ꨌꨰꩀ ꨓꨭꩍ ꨚꨡꨳꩍ ꨓꩀ ꨘꩆ ꨝꨵꨯꨱꩍ ꨌꨰꩀ ꨕꨫ ꨕꨤꩌ ꨧꩃ ꨟꨭꩀ ꨘꩆ ꨝꨵꨯꨱꩍ ꨗꨰ ꨓꨤꨶꨪꩄ ꨤꨶꩀ ꨓꨠꨩ ꨕꨯꨱꩀ ꨕꨤꩌ ꨀꨝꨥ ꨘꩆ ꨥꨮꩀ꩞ ꨓꨮꩊ ꨅꩃ ꨧꨭꨩ ꨟꨭꩀ ꨘꩆ ꨥꨮꩀ ꨠꨣꨰ ꨧꩃ ꨡꨯꩍ ꨤꨔꨬ ꨝꨭꩍ ꨕꨫ ꨧꨤꨥ ꨨꨤꨩ ꨌꨪꩍ ꨝꨭꩍ ꨕꨫ ꨨꨶꨮꩇ ꨀꨨꩉ ꨟꩃ ꨘꩃ ꨕꨫ ꨣꨪꩌ ꨠꨓꨩ ꨝꨭꩍ ꨌꨰꩀ ꨚꩀ ꨘꩆ꩞ ꨘꩆ ꨟꩃ ꨅꩃ ꨧꨭꨩ ꨟꨭꩀ ꨘꩆ ꨤꨚꨩ ꨓꨳꩆ ꨝꨵꨯꨱꩍ ꨆꨳꨮꩃ ꨨꨶꩀ꩞ ꨝꨣꨭꨥ ꨟꩃ ꨟꨭꩀ ꨘꩆ ꨉꩀ ꨅꩃ ꨘꩆ ꨥꨮꩀ ꨨꨶꨮꩄ ꨙꨩ ꨆꨩ ꨂꨣꩃ ꨋꩇ ꨁꨗꨳꨰ ꨕꨫ ꨕꨤꩌ ꨤꨔꨬ ꨘꩆ꩞ ꨝꨣꨭꨥ ꨟꩃ ꨅꩃ ꨤꨪꨚꨩ ꨓꨳꩆ ꨤꨯꨩ ꨅꩃ ꨘꩆ ꨕꨫ ꨚꩃ ꨅꨩ ꨅꩃ ꨘꩆ ꨀꨓꩀ ꨆꩊ ꨝꨵꨯꨱꩍ ꨅꩃ ꨘꩆ ꨨꨶꩀ ꨅꩃ ꨘꩆ ꨨꨶꩀ ꨧꨩ ꨚꨝꩍ ꨝꨵꨯꨱꩍ ꨅꩃ ꨘꩆ ꨒꩀ ꨐꩌ ꨀꨳꨮꩀ ꨕꨫ ꨡꨯꩍ ꨡꨭꨥ ꨨꨈꨰꩀ ꨅꨩ꩞ ꨘꩆ ꨟꩃ ꨅꩃ ꨨꨶꩀ ꨀꨝꨪꩍ ꨕꨶꨩ ꨚꨊꨪꩆ ꨝꨵꨯꨱꩍ ꨕꨫ ꨡꨯꩍ ꨨꨝꩉ ꨅꨩ ꨝꨣꨭꨥ ꨟꩃ ꨅꩃ ꨘꩆ ꨎꩀ ꨟꨭꩀ ꨘꩆ ꨨꨶꩀ꩞ ꨕꨶꨩ ꨅꩃ ꨟꨭꩀ ꨘꩆ ꨨꨶꩀ ꨕꨫ ꨡꨯꩍ ꨨꨝꩉ ꨅꨩ꩞ ꨘꩆ ꨟꩃ ꨕꨶꨩ ꨅꩃ ꨟꨭꩀ ꨘꩆ ꨨꨶꩀ ꨎꨮꨩ꩞ ꨘꩆ ꨟꩃ ꨕꩀ ꨨꨣꨬ ꨕꩀ ꨅꩃ ꨧꨭꨩ ꨟꨭꩀ ꨘꩆ ꨗꨯꨱ ꨓꨴꨭꩍ ꨘꩆ ꨟꩃ ꨕꩀ ꨨꨣꨬ ꨕꩀ ꨗꨰ ꨓꨤꨶꨪꩄ ꨘꩆ ꨓꨝꨳꩀ ꨕꨫ ꨀꨝꨥ ꨘꩆ ꨠꨣꨰ ꨌꨴꩃ ꨤꨔꨬ ꨘꩆ ꨣꨬ ꨣꨤꨯꨮꨩ ꨡꨮꩃ ꨢꨮꨭ ꨘꩆ ꨤꨯꨮꨩ ꨝꨣꨭꨥ ꨟꩃ ꨅꩃ ꨧꨭꨩ ꨟꨭꩀ ꨘꩆ ꨆꨴꩀ ꨀꨳꨮꩀ ꨘꩆ ꨟꩃ ꨡꨯꩍ ꨗꨰ ꨓꨤꨶꨪꩄ ꨓꨝꨳꩀ ꨕꨫ ꨀꨝꨥ ꨧꨣꨤꩃ ꨘꩆ ꨝꨵꨯꨱꩍ ꨕꨯꨱꩀ ꨝꨭꩍ ꨤꨪꨔꨬ ꨘꩆ ꨝꨣꨭꨥ ꨟꩃ ꨅꩃ ꨧꨭꨩ ꨟꨭꩀ ꨚꨤꨶꨰ ꨠꨣꨰ ꨀꨚꩆ ꨕꨫ ꨓꨊꨪꩆ ꨕꨯꨱꩀ꩞
ꨅꩃ ꨧꨭꨩ ꨟꨭꩀ ꨘꩆ ꨀꨶꨮꩆ ꨓꨝꨶꨮꩆ ꨚꨯꩀ ꨌꨰꩀ ꨊꨯꨱꩀ ꨜꨩ ꨝꨵꨯꨱꩍ ꨓꨐꨫ ꨤꩄ ꨌꨯꨱꨥ ꨨꨰ ꨔꨬ ꨝꨭꩍ ꨤꨪꨔꨬ ꨝꨭꩍ ꨀꨨꩉ ꨌꨪꩍ ꨨꨤꨩ ꨝꨭꩍ ꨕꨫ ꨨꨮꩇ ꨚꨙꨳꩀ ꨀꨳꨩ ꨝꨭꩍ ꨌꨰꩀ ꨓꨭꩍ ꨕꨫ ꨚꨓꨪꩅ ꨝꨵꨯꨱꩍ ꨌꨰꩀ ꨕꨫ ꨕꨤꩌ ꨧꩃ ꨅꩃ ꨟꩃ ꨕꨯꨮꩍ ꨓꨗꨫ ꨟꨰ꩞ ꨘꩆ ꨟꩃ ꨗꨰ ꨓꨤꨶꨪꩄ ꨙꨯꩌ ꨥꨮꩀ ꨈꩌ ꨙꨯꩌ ꨈꩌ ꨨꨳꨩ ꨙꨯꩌ ꨤꩄ ꨅꩃ ꨧꨯꨱꩃ ꨟꨭꩀ ꨕꨶꨮꩆ ꨕꨨꨵꩀ ꨟꨰ ꨣꨯꨱꩃ ꨕꨨꨵꩀ ꨕꨪꨨꨭꨩ ꨝꨴꨭꩀ ꨨꨈꨰꩀ ꨝꨵꨯꨱꩍ ꨆꨳꨮꩃ ꨋꩇ ꨆꨩ ꨅꩃ ꨧꨯꨱꩃ ꨟꨭꩀ ꨐꨮꨩ ꨓꨆꨩ ꨅꨩ ꨕꨨꨵꩀ ꨓꨗꩀ ꨤꨔꨬ ꨋꩇ ꨀꨨꩉ ꨚꨙꨳꩀ ꨀꨳꨩ ꨌꨪꩍ ꨨꨤꨩ ꨚꨳꨮꩍ ꨆꨩ ꨅꩃ ꨧꨯꨱꩃ ꨟꨭꩀ ꨟꨰ ꨟꩃ ꨠꩀ ꨒꨭꩍ ꨝꨵꨯꨱꩍ ꨅꩃ ꨧꨯꨱꩃ ꨟꨭꩀ ꨨꨶꩀ꩞ ꨘꩆ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨡꨯꩍ ꨗꨰ ꨓꨤꨶꨪꩄ ꨘꩆ ꨧꨳꩌ ꨝꨪꨗꨰ ꨤꨯꨮꨩ ꨝꨵꨯꨱꩍ ꨗꨰ ꨓꨤꨶꨪꩄ ꨘꩆ ꨌꨭꩀ ꨕꨫ ꨓꨊꨪꩆ ꨧꨩ ꨝꨯꨱꩍ ꨆꨣꩍ ꨠꨓꨩ ꨠꩍ ꨨꨕꩍ ꨧꨳꩌ ꨤꨯꨮꨩ ꨧꨯꨱꩃ ꨥꩀ ꨀꨐꨭꩀ ꨠꩍ ꨀꨐꨭꩀ ꨚꨣꨳꩀ ꨝꩀ ꨓꨊꨪꩆ ꨝꩀ ꨓꨆꨶꨰ ꨘꩆ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨧꨗꩃ ꨤꩄ ꨠꨕꨩ ꨚꨯꨩ ꨀꨶꨵꩍꨓꩀꨀꨵꨩ ꨝꨴꨬ ꨟꨰ ꨆꨩ ꨅꩃ ꨧꨯꨱꩃ ꨟꨭꩀ ꨘꩆ꩞ ꨝꨣꨭꨥ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨓꨐꨫ ꨗꨰ ꨓꨤꨶꨪꩄ ꨤꩄ ꨌꨯꨱꨥ ꨋꩇ ꨨꨝꩉ ꨝꨵꨯꨱꩍ ꨎꨳꨮꩃ ꨤꨪꨔꨬ ꨎꨳꨮꩃ ꨀꨨꩉ ꨣꨤꨯꨩ ꨢꨩ ꨗꨫ꩞ ꨘꩆ ꨗꨰ ꨓꨤꨶꨪꩄ ꨕꨯꩌ ꨕꨫ ꨕꨯꨱꩀ ꨨꨳꨩ ꨝꨣꨭꨥ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨓꨐꨫ ꨗꨰ ꨓꨤꨶꨪꩄ ꨤꩄ ꨨꨝꩉ ꨆꩄ ꨝꨵꨯꨱꩍ ꨌꨯꨱꨥ ꨨꨳꨩ ꨤꨯꨮꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨙꩃ ꨥꨮꩀ ꨤꩄ ꨕꨨꨵꩀ ꨧꨭꨀꨮꩆ ꨤꨯꨮꨩ꩞ ꨘꩆ ꨟꩃ ꨅꩃ ꨧꨭꨩ ꨟꨭꩀ ꨘꩆ ꨓꨐꨫ ꨗꨰ ꨓꨤꨶꨪꩄ ꨤꩄ ꨌꨯꨱꨥ ꨧꨭꨀꨮꩆ ꨔꨬ꩞ ꨘꩆ ꨟꩃ ꨗꨰ ꨓꨤꨶꨪꩄ ꨙꨯꩌ ꨥꨮꩀ ꨤꩄ ꨕꨨꨵꩀ ꨧꨭꨀꨮꩆ ꨧꨮꩍ ꨧꨭꨀꨮꩆ ꨍꨰ꩞ ꨝꨣꨭꨥ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨙꨯꩌ ꨥꨮꩀ ꨤꩄ ꨢꩍ ꨢꨮꨭ ꨘꩆ ꨎꨮꨩ ꨤꨶꨰ ꨆꨩ ꨅꩃ ꨋꩇ ꨤꨪꨔꨭꩃ ꨍꨰ ꨆꨩ ꨕꨯꩌ ꨕꩌ ꨕꨣꨩ ꨂꨣꩃ ꨠꨣꨰ ꨍꨰ ꨝꨴꩍ ꨝꨵꨯꨱꩍ ꨂꨣꩃ ꨙꨯꩌ ꨚꨆꨴꨲꨩ ꨆꨵꨯꨱ ꨆꨩ ꨌꨯꨥ ꨎꨳꨯꩂ꩞ ꨘꩆ ꨟꩃ ꨅꩃ ꨘꩆ ꨋꩇ ꨤꨪꨔꨭꩃ ꨍꨰ꩞ ꨝꨣꨭꨥ ꨟꩃ ꨕꩌ ꨕꨣꨩ ꨀꨕꨯꨱꩍ ꨀꨢꨮꩃ ꨚꨆꨴꨲꨩ ꨆꨵꨯꨱ ꨘꩆ ꨟꩃ ꨗꨰ ꨓꨤꨶꨪꩄ ꨕꨯꩊ ꨓꨳꩆ ꨕꨫ ꨨꨣꨬ ꨨꨤꨬ ꨎꨶꨩ ꨂꨣꩃ ꨘꩆ ꨗꨰ ꨓꨤꨶꨪꩄ ꨨꨳꨩ꩞ ꨨꨎꨳꨮꩃ ꨧꨯꨱꩃ ꨗꨰ ꨓꨤꨶꨪꩄ ꨨꨳꨩ ꨤꨯꨮꨩ ꨘꩆ ꨆꨢꨶꨩ ꨨꨕꩉ ꨀꨟꨰꩀ ꨨꨕꩉ ꨀꨠꨩ ꨧꨯꨱꩃ ꨧꨭꨀꨮꩆ ꨚꨧꩃ ꨝꨣꨭꨥ ꨟꩃ ꨗꨰ ꨓꨐꨫ ꨅꩃ ꨧꨯꨱꩃ ꨟꨭꩀ ꨘꩆ ꨤꩄ ꨕꨫ ꨘꨈꩉ ꨗꨫ ꨨꨭꨩ ꨚꨓꨯꨱ ꨣꨬ ꨅꩃ꩞ ꨘꩆ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨤꩄ ꨨꨭꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨓꨐꨫ ꨤꩄ ꨚꨓꨯꨱ ꨘꩆ ꨨꨭꨩ ꨀꨗꩀ ꨣꨬ꩞ ꨅꩃ ꨧꨭꨩ ꨟꨭꩀ ꨘꩆ ꨤꩄ ꨚꨓꨯꨱ ꨘꩆ ꨨꨭꨩ ꨆꨵꨮꨭ ꨂꨣꩃ ꨀꨗꩀ ꨆꨭꨟꨬ ꨧꨩ ꨂꨣꩃ ꨀꨗꩀ ꨚꨓꨯꨱ ꨀꨋꩆ ꨗꨰ ꨓꨤꨶꨪꩄ ꨘꩆ ꨆꨳꨮꩃ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨌꨬ ꨝꨤꨯꨱꩀ ꨤꨮꨭ ꨝꨩ ꨙꨪꩀ ꨀꨨꨯꨱꩀ ꨗꨯꨱ ꨆꩀ ꨝꨵꨯꨱꩍ ꨗꨰ ꨓꨤꨶꨪꩄ ꨓꨝꨵꨰꩅ ꨓꨊꨪꩆ ꨤꨰꩀ ꨆꨣꩍ ꨠꨓꨩ ꨠꩍ ꨌꨬ ꨝꨤꨯꨱꩀ ꨤꨂꨩ ꨓꨠꨩ ꨕꨤꩌ ꨀꨳꨩ ꨓꨧꨪꩀ ꨝꨵꨯꨱꩍ ꨗꨰ ꨓꨤꨶꨪꩄ ꨘꩆ ꨕꨠꩆ ꨆꨣꩍ ꨤꨯꨮꨩ ꨝꨵꨯꨱꩍ ꨗꨰ ꨓꨤꨶꨪꩄ ꨆꨵꩀ ꨕꨴꨬ ꨓꨠꨩ ꨓꨧꨪꩀ ꨀꨳꨩ ꨓꨔꨪꩀ ꨡꨵꨭꩃ ꨠꨓꨰ ꨖꨪꩅ ꨚꨎꨮꨩ ꨕꨯꨱꩀ ꨥꨮꩀ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨟꨪꩆ꩞ ꨘꩆ ꨟꩃ ꨗꨰ ꨓꨤꨶꨪꩄ ꨓꨐꨫ ꨤꩄ ꨌꨬ ꨝꨤꨯꨱꩀ ꨤꨂꨩ ꨆꨯꨱꨥ ꨕꨯꨱꩀ ꨓꩀ ꨘꩆ ꨧꨯꨱꩃ ꨚꨓꨯꨱ ꨨꨰ ꨆꨳꨮꩃ ꨆꨭꨟꨬ ꨚꨎꨮꨩ꩞ ꨅꩃ ꨧꨯꨱꩃ ꨟꨭꩀ ꨘꩆ ꨤꩄ ꨌꨬ ꨝꨤꨯꨱꩀ ꨤꨂꨩ ꨕꨯꩌ ꨕꨫ ꨕꨯꨱꩀ ꨨꨳꨩ ꨨꨣꨬ ꨤꨬ ꨎꩃ ꨨꨳꨩ ꨠꨤꩌ ꨤꨬ ꨎꩃ ꨨꨳꨩ ꨓꨯꨱꩌ ꨔꨭꩆ ꨠꩃ ꨗꨫ ꨕꨯꩌ ꨕꨫ ꨕꨯꨱꩀ ꨨꨳꨩ꩞ ꨤꨮꩍ ꨚꨝꩍ ꨅꩃ ꨧꨯꨱꩃ ꨟꨭꩀ ꨘꩆ ꨙꨯꩌ ꨝꨵꨯꨱꩍ ꨗꨰ ꨓꨤꨶꨪꩄ ꨨꨳꨩ ꨨꨕꨭꩀ ꨙꨮꨩ ꨢꩀ ꨙꨮꨩ ꨤꨰꩀ꩞ ꨝꨣꨭꨥ ꨟꩃ ꨅꩃ ꨧꨯꨱꩃ ꨟꨭꩀ ꨘꩆ ꨓꨐꨫ ꨗꨰ ꨓꨤꨶꨪꩄ ꨤꩄ ꨨꨝꩉ ꨆꩄ ꨅꩃ ꨙꨯꩌ ꨝꨭꨥ ꨓꨮꩊ ꨀꨋꩆ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨌꨯꨱꨥ ꨨꨳꨩ꩞ ꨗꨰ ꨓꨤꨶꨪꩄ ꨤꩄ ꨅꩃ ꨙꨯꩌ ꨒꨮꩇ ꨂꨣꩃ ꨨꨳꨩ ꨧꨭꨀꨮꩆ ꨨꨕꨳꨪꩇ ꨘꩆ ꨕꨨꨵꩀ ꨕꨴꨶꨰ ꨤꨯꨮꨩ꩞ ꨅꩃ ꨧꨯꨱꩃ ꨟꨭꩀ ꨘꩆ ꨕꨫ ꨔꨮꨭ ꨤꩄ ꨓꨌꨯꨱꨥ ꨘꩆ ꨗꨰ ꨓꨤꨶꨪꩄ ꨨꨕꨳꨪꩇ ꨌꨬ ꨝꨤꨯꨱꩀ ꨤꨂꨩ ꨅꨩ꩞ ꨅꩃ ꨧꨯꨱꩃ ꨟꨭꩀ ꨕꨯꩌ ꨕꨫ ꨀꨮꩆ ꨓꨝꨶꨮꩆ ꨤꩄ ꨓꨌꨯꨱꨥ ꨚꨯꨩ ꨀꨶꨵꩍꨓꨀꨵꨩ ꨝꨴꨬ ꨆꨩ ꨅꩃ ꨧꨯꨱꩃ ꨟꨭꩀ ꨘꩆ꩞ ꨅꩃ ꨧꨭꨩ ꨟꨭꩀ ꨘꩆ ꨕꨫ ꨔꨮꨭ ꨓꨌꨯꨱꨥ ꨘꩆ ꨗꨰ ꨓꨤꨶꨪꩄ ꨀꨗꩀ ꨚꨓꨯꨱ ꨅꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨙꨯꩌ ꨥꨮꩀ ꨧꨯꨱꩃ ꨟꨭꩀ ꨧꨯꨱꩃ ꨅꩃ ꨘꩆ ꨚꨙꩉ ꨟꨭꩀ ꨘꩆ ꨗꨯꨱ ꨝꨵꨬ ꨆꨝꨶꩀ ꨠꨣꨰ ꨆꨩ ꨗꨰ ꨓꨤꨶꨪꩄ ꨠꨐꨪꩌ ꨧꨩ ꨧꨯꨱꩃ ꨕꨤꩍ ꨆꨩ ꨟꨭꩀ ꨘꩆ ꨗꨯꨱ ꨚꨝꨵꨬ꩞ ꨘꩆ ꨟꩃ ꨟꨭꩀ ꨘꩆ ꨗꨯꨱ ꨝꨵꨬ ꨆꨝꨶꩀ ꨠꨣꨰ ꨆꨩ ꨗꨰ ꨓꨤꨶꨪꩄ ꨠꨐꨪꩌ꩞ ꨝꨣꨭꨥ ꨟꩃ ꨗꨰ ꨓꨤꨶꨪꩄ ꨝꨴꨬ ꨆꨩ ꨟꨭꩀ ꨘꩆ ꨗꨯꨱ ꨚꨝꨵꨬ꩞ ꨝꨵꨯꨱꩍ ꨗꨰ ꨓꨤꨶꨪꩄ ꨔꨶꩀ ꨆꨣꩍ ꨠꨓꨩ ꨠꩍ ꨕꨫ ꨓꨊꨪꩆ ꨗꨰ ꨓꨤꨶꨪꩄ ꨝꨴꨬ ꨆꨩ ꨟꨭꩀ ꨘꩆ ꨌꨭꩀ ꨝꨵꨯꨱꩍ ꨗꨰ ꨓꨤꨶꨪꩄ ꨆꨆꨬ ꨧꨯꨱꩃ ꨟꨭꩀ ꨘꩆ ꨚꨙꩉ ꨟꨭꩀ ꨘꩆ ꨎꨶꨰ ꨗꨯꨱ ꨚꨝꨵꨬ ꨚꩀ ꨨꨤꨬ ꨎꨶꨰ ꨗꨯꨱ ꨓꨠꨩ ꨕꨤꩌ ꨠꨖꨪꩉ ꨚꨓꨯꨱ ꨝꨵꨯꨱꩍ ꨟꨭꩀ ꨃꨥ ꨚꨝꨵꨬ ꨝꨣꨭꨥ ꨟꩃ ꨟꨭꩀ ꨘꩆ ꨚꨮꩃ ꨆꨖꨩ ꨓꨌꨯꨱꨥ ꨘꩆ ꨝꨵꨯꨱꩍ ꨟꨭꩀ ꨘꩆ ꨝꨩ ꨕꨤꩍ ꨘꩆ ꨗꨯꨱ ꨚꨝꨵꨬ ꨚꩀ ꨠꨖꨪꩉ ꨚꨓꨯꨱ꩞ ꨝꨣꨭꨥ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨃꨥ ꨓꨐꨫ ꨤꩄ ꨔꨬ ꨝꨩ ꨨꨈꨰꩀ ꨚꨝꨵꨬ꩞ ꨘꩆ ꨟꩃ ꨟꨭꩀ ꨘꩆ ꨤꩄ ꨕꨨꨵꩀ ꨝꨩ ꨕꨤꩍ꩞ ꨝꨣꨭꨥ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨗꨯꨱ ꨚꨔꨮꨭ ꨧꨯꨱꩃ ꨚꨓꨯꨱ ꨘꩆ ꨟꩃ ꨚꨓꨯꨱ ꨚꨙꩉ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨃꨥ ꨟꨭꩀ ꨘꩆ ꨝꨩ ꨕꨤꩍ ꨠꨣꨰ ꨆꨩ ꨚꨓꨯꨱ ꨝꨵꨬ ꨝꨣꨭꨥ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨃꨥ ꨟꨭꩀ ꨘꩆ ꨠꨣꨰ꩞ ꨝꨣꨭꨥ ꨟꩃ ꨚꨓꨯꨱ ꨚꨙꩉ ꨟꨭꩀ ꨘꩆ ꨠꩀ ꨕꨤꩍ ꨘꩆ ꨆꨩ ꨚꨓꨯꨱ ꨀꨳꨮꩀ꩞ ꨝꨴꨭꨥ ꨟꩃ ꨟꨭꩀ ꨘꩆ ꨟꩀ ꨕꨤꩍ ꨘꩆ ꨆꨩ ꨚꨓꨯꨱ ꨀꨳꨮꩀ꩞ ꨚꨓꨯꨱ ꨡꨯꩍ ꨕꨤꩍ ꨘꩆ ꨚꨯꩀ ꨝꨪꨊꨭꨩ ꨕꨴꨮꩍ ꨓꨊꨪꩆ ꨗꨰ ꨓꨤꨶꨪꩄ ꨠꨐꨪꩌ ꨤꨯꨮꨩ ꨝꨵꨯꨱꩍ ꨚꨓꨯꨱ ꨨꨯꨱꩀ ꨀꨳꨩ ꨠꨓꨩ ꨝꨵꨯꨱꩍ ꨚꨓꨯꨱ ꨃꨥ ꨚꨯꨩ ꨝꨳꨩ ꨧꨯꨱꩃ ꨗꨰ ꨆꨌꨶꨩ ꨗꨰ ꨓꨲꩍ ꨓꨞꨩ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨠꨣꨰ ꨀꨳꨮꩀ ꨕꨤꩍ ꨟꨭꩀ ꨘꩆ꩞ ꨝꨣꨭꨥ ꨟꩃ ꨀꨝꨪꩍ ꨕꨴꨬ ꨕꨯꩌ ꨂꨣꩃ ꨘꩆ ꨠꨣꨰ ꨀꨳꨮꩀ ꨝꨵꨯꨱꩍ ꨡꨯꩍ ꨕꨤꩍ ꨘꩆ ꨕꨴꨮꩍ ꨓꨊꨪꩆ ꨗꨰ ꨓꨤꨶꨪꩄ ꨠꨐꨪꩌ ꨤꨯꨮꨩ ꨝꨴꨭꨥ ꨟꩃ ꨚꨯꨩ ꨝꨳꨩ ꨨꨳꨩ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨨꨳꨩ ꨢꩍ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨤꨪꨎꩃ ꨨꨳꨩ ꨣꨬ꩞ ꨝꨣꨭꨥ ꨟꩃ ꨚꨓꨯꨱ ꨓꨐꨫ ꨟꨭꩀ ꨘꩆ ꨤꩄ ꨔꨬ ꨠꨐꨪꩌ ꨕꨤꩍ ꨗꨫ꩞ ꨟꨭꩀ ꨘꩆ ꨙꨯꩌ ꨥꨮꩀ ꨤꩄ ꨓꨌꨯꨱꨥ ꨕꨨꨵꩀ ꨟꨪꩆ꩞ ꨚꨓꨯꨱ ꨓꨐꨫ ꨤꩄ ꨓꨌꨯꨱꨥ ꨓꨈꨵꨯꨱꩍ ꨕꨫ ꨜꨪꩀ ꨨꨰ ꨤꩄ ꨓꨌꨯꨱꨥ ꨨꨝꩉ꩞ ꨝꨣꨭꨥ ꨟꩃ ꨟꨭꩀ ꨘꩆ ꨙꨯꩌ ꨥꨮꩀ ꨤꩄ ꨕꨫ ꨒꨮꩇ ꨓꨌꨯꨱꨥ ꨕꨫ ꨜꨪꩀ ꨚꨴꨲꩆ ꨕꨨꨵꩀ ꨅꨩ ꨓꨌꨯꨱꨥ ꨕꨨꨵꩀ ꨕꨶꩆ ꨟꨪꩆ꩞ ꨓꩀ ꨆꩊ ꨘꩆ ꨕꨨꨵꩀ ꨧꨯꨱꩃ ꨚꨧꩃ ꨕꨨꨵꩀ ꨗꨯꨱ ꨠꩀ ꨆꨴꩃ ꨝꨵꨯꨱꩍ ꨠꨨꨪꩅ ꨧꩇ ꨆꨠꩉ ꨨꨳꨩ ꨕꨤꩌ ꨀꨝꨥ ꨧꨣꨤꩃ ꨝꨣꨭꨥ ꨟꩃ ꨕꨶꨩ ꨨꨕꨳꨪꩇ ꨚꨧꩃ ꨕꨨꨵꩀ ꨠꩀ ꨀꨝꨥ ꨘꩆ ꨝꨩ ꨠꨣꨰ ꨧꩃ ꨝꨣꨭꨥ ꨟꩃ ꨓꨌꨯꨱꨥ ꨕꨨꨵꩀ ꨓꨝꨳꩀ ꨕꨫ ꨕꨤꩌ ꨀꨝꨥ ꨧꨣꨤꩃ ꨘꩆ ꨠꨣꨰ ꨕꨯꨱꩀ ꨧꨯꨱꩃ ꨨꨕꨳꨪꩇ ꨚꨧꩃ ꨕꨨꨵꩀ ꨝꨵꨯꨱꩍ ꨣꨯꨱꩃ ꨨꨕꨳꨪꩇ ꨚꨧꩃ ꨕꨨꨵꩀ꩞ ꨟꨭꩀ ꨘꩆ ꨙꨯꩌ ꨧꨯꨱꩃ ꨚꨓꨯꨱ ꨢꨮꨭ ꨘꩆ ꨝꨵꨯꨱꩍ ꨚꨙꩉ ꨟꨭꩀ ꨘꩆ ꨌꨰꩀ ꨕꨤꩍ ꨚꩀ ꨠꨖꨪꩉ ꨚꨓꨯꨱ ꨆꨩ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨇꨪꩀ ꨝꨵꨯꨱꩍ ꨚꨓꨯꨱ ꨚꨙꩉ ꨟꨭꩀ ꨘꩆ ꨥꨮꩀ ꨗꨯꨱ ꨧꩃ ꨝꨵꨯꨱꩍ ꨝꨩ ꨓꨌꨯꨱꨥ ꨟꨭꩀ ꨘꩆ ꨠꨣꨰ ꨆꨩ ꨚꨓꨯꨱ ꨀꨳꨮꩀ ꨆꨩ ꨟꩃ ꨚꨓꨯꨱ ꨚꨢꨯꨱꩌ ꨕꨤꩍ ꨟꨭꩀ ꨘꩆ꩞ ꨝꨣꨭꨥ ꨟꩃ ꨟꨭꩀ ꨘꩆ ꨆꨳꨮꩃ ꨓꨤꨝꩅ ꨚꨓꨯꨱ ꨝꨵꨯꨱꩍ ꨟꨭꩀ ꨘꩆ ꨗꨯꨱ ꨧꩃ꩞ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨟꨯꨱꩃ ꨡꨯꩍ ꨆꨣꩍ ꨠꨓꨩ ꨠꩍ ꨟꨭꩀ ꨘꩆ ꨌꨭꩀ ꨕꨫ ꨓꨊꨪꩆ ꨟꨭꩀ ꨘꩆ ꨝꨣꨭꨥ ꨟꩃ ꨌꨬ ꨝꨤꨯꨱꩀ ꨤꨂꨩ ꨚꨙꩉ ꨟꨭꩀ ꨘꩆ ꨝꨴꨬ ꨆꨣꩍ ꨘꩆ ꨆꨩ ꨌꨬ ꨝꨤꨯꨱꩀ ꨤꨂꨩ ꨀꨳꨮꩀ ꨝꨣꨭꨥ ꨟꩃ ꨌꨬ ꨝꨤꨯꨱꩀ ꨤꨂꨩ ꨝꨩ ꨆꨣꩍ ꨘꩆ ꨗꨯꨱ ꨆꨩ ꨗꨰ ꨆꨌꨶꨩ ꨧꨯꨱꩃ ꨗꨰ ꨓꨲꩍ ꨓꨞꨩ ꨆꨴꨲꩆ꩞
ꨝꨣꨭꨥ ꨟꩃ ꨕꨶꨩ ꨂꨣꩃ ꨗꨰ ꨆꨴꨲꩆ ꨤꩄ ꨝꨳꩀ ꨆꨣꩍ ꨌꨬ ꨝꨤꨯꨱꩀ ꨤꨂꨩ ꨝꨴꨭꨥ ꨟꩃ ꨌꨬ ꨝꨤꨯꨱꩀ ꨤꨂꨩ ꨓꨶꨰ ꨆꨵꨯꨱꩆ ꨟꨭꩀ ꨘꩆ ꨗꨯꨱ ꨚꩀ ꨧꩃ ꨟꨭꩀ ꨘꩆ꩞ ꨝꨣꨭꨥ ꨟꩃ ꨟꨭꩀ ꨘꩆ ꨝꨩ ꨌꨬ ꨝꨤꨯꨱꩀ ꨤꨂꨩ ꨗꨯꨱ ꨟꩃ ꨎꨰꩀ ꨆꨳꨮꩃ ꨓꨮꩊ ꨧꩃ ꨟꨭꩀ ꨘꩆ ꨝꨣꨭꨥ ꨟꩃ ꨗꨰ ꨓꨤꨶꨪꩄ ꨟꨯꨱꩃ ꨡꨯꩍ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨗꨰ ꨓꨤꨶꨪꩄ ꨓꨠꨩ ꨕꨤꩌ ꨧꩃ ꨟꨭꩀ ꨘꩆ ꨝꨵꨯꨱꩍ ꨕꨯꨱꩀ ꨕꨤꩌ꩞ ꨘꩆ ꨟꩃ ꨟꨭꩀ ꨘꩆ ꨠꨣꨰ ꨓꨮꩊ ꨧꩃ ꨝꨵꨯꨱꩍ ꨟꨭꩀ ꨘꩆ ꨃꨥ ꨗꨰ ꨓꨤꨶꨪꩄ ꨤꩄ ꨌꨯꨱꨥ ꨤꨮꩈ ꨓꨝꨳꩀ ꨟꨰ ꨆꨩ ꨌꨬ ꨀꨳꨮꩀ ꨘꩆ ꨟꩃ ꨗꨰ ꨓꨤꨶꨪꩄ ꨘꩆ ꨤꩄ ꨌꨬ ꨨꨤꨬ ꨆꨳꨮꩃ ꨀꨳꨮꩀ ꨕꨨꨵꩀ ꨝꨵꨯꨱꩍ ꨓꨠꨩ ꨕꨤꩌ ꨧꩃ ꨟꨰ ꨀꨳꨮꩀ ꨨꨤꨬ ꨓꨝꨳꩀ ꨘꩆ ꨕꨨꨵꩀ ꨕꨫ ꨓꨝꨳꩀ ꨅꨩ꩞ ꨘꩆ ꨟꩃ ꨌꨬ ꨝꨤꨯꨱꩀ ꨤꨂꨩ ꨆꨴꨲꩆ ꨧꨮꩇ ꨗꨰ ꨓꨤꨶꨪꩄ ꨝꨣꨭꨥ ꨟꩃ ꨌꨬ ꨝꨤꨯꨱꩀ ꨤꨂꨩ ꨤꨆꨮꨭ ꨕꨫ ꨟꨭꩀ ꨚꨙꩉ ꨟꨭꩀ ꨘꩆ ꨝꨩ ꨌꨬ ꨝꨤꨯꨱꩀ ꨤꨂꨩ ꨓꨠꨩ ꨧꩃ ꨗꨯꨱ ꨀꨳꨮꩀ꩞ ꨝꨣꨭꨥ ꨟꩃ ꨟꨭꩀ ꨘꩆ ꨝꨩ ꨌꨬ ꨝꨤꨯꨱꩀ ꨤꨂꨩ ꨓꨠꨩ ꨗꨯꨱ ꨀꨳꨮꩀ ꨌꨬ ꨝꨤꨯꨱꩀ ꨤꨂꨩ ꨗꨯꨱ ꨓꨮꩊ ꨝꨵꨯꨱꩍ ꨗꨰ ꨓꨤꨶꨪꩄ ꨆꨵꩀ ꨕꨴꨬ ꨕꨫ ꨊꨯꨱꩀ ꨜꨩ ꨌꨬ ꨝꨤꨯꨱꩀ ꨤꨂꨩ ꨝꨵꨯꨱꩍ ꨗꨰ ꨓꨤꨶꨪꩄ ꨨꨳꨩ ꨝꨵꨯꨱꩍ ꨗꨰ ꨓꨤꨶꨪꩄ ꨀꨇꩆ ꨥꨮꩀ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨀꨝꨪꩍ ꨝꨯꨱꩍ ꨚꨗꨶꨮꩄ ꨆꨴꨭꩃ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨋꩇ ꨤꨰꩀ ꨆꨣꩍ ꨘꩆ ꨓꨠꨩ ꨓꨧꨪꩀ ꨝꨵꨯꨱꩍ ꨗꨰ ꨓꨤꨶꨪꩄ ꨨꨶꨮꩄ ꨕꨫ ꨌꨬ ꨝꨤꨯꨱꩀ ꨤꨂꨩ ꨚꨶꨮꩄ ꨏꩀ ꨝꨣꨭꨥ ꨟꩃ ꨗꨰ ꨓꨤꨶꨪꩄ ꨆꨵꩀ ꨕꨴꨬ ꨓꨠꨩ ꨓꨧꨪꩀ ꨓꨶꨬ ꨆꨵꨯꨱꩆ ꨆꨣꩍ ꨘꩆ ꨗꨰ ꨓꨤꨶꨪꩄ ꨙꨯꩌ ꨀꨝꨪꩍ ꨝꨯꨱꩍ ꨚꨗꨶꨮꩄ ꨝꨣꨭꨥ ꨟꩃ ꨌꨬ ꨝꨤꨯꨱꩀ ꨤꨂꨩ ꨎꩃ ꨨꨳꨩ ꨢꩍ ꨗꨰ ꨓꨤꨶꨪꩄ ꨎꩃ ꨨꨳꨩ꩞ ꨝꨣꨭꨥ ꨟꩃ ꨟꨭꩀ ꨘꩆ ꨤꨶꨬ ꨆꨩ ꨌꨬ ꨝꨤꨯꨱꩀ ꨤꨂꨩ ꨧꨯꨱꩃ ꨗꨰ ꨓꨤꨶꨪꩄ ꨕꨯꨱꩀ ꨨꨳꨩ ꨧꨯꨱꩃ ꨈꨮꩇ ꨐꨭꨩ ꨕꨤꩌ ꨧꩃ ꨘꩆ ꨝꨵꨯꨱꩍ ꨟꨭꩀ ꨘꩆ ꨓꨝꨳꩀ ꨟꨰ ꨕꨯꨱꩀ ꨚꩀ ꨤꨪꨊꨪꨥ ꨝꨵꨯꨱꩍ ꨟꨭꩀ ꨘꩆ ꨧꨯꨱꩃ ꨅꩃ ꨘꩆ ꨕꨯꨱꩀ ꨧꨗꩃ ꨧꨯꨱꩃ ꨕꨯꨱꩀ ꨚꨮꩃ ꨗꨰ ꨓꨤꨶꨪꩄ ꨙꨯꩌ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨗꨰ ꨓꨤꨶꨪꩄ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨨꨳꨩ ꨌꨯꨱꩀ ꨙꨯꩌ ꨚꨶꨮꩄ ꨧꨯꨱꩃ ꨈꨮꩇ ꨝꨵꨯꨱꩍ ꨗꨰ ꨓꨤꨶꨪꩄ ꨧꨯꨱꩃ ꨌꨬ ꨝꨤꨯꨱꩀ ꨤꨂꨩ ꨓꨝꨳꩀ ꨠꨣꨰ ꨙꨯꩌ ꨧꨯꨱꩃ ꨕꨶꨩ ꨅꩃ ꨟꨭꩀ ꨘꩆ ꨀꨝꨪꩍ ꨝꨯꨱꩍ ꨚꨗꨶꨮꩄ ꨝꨵꨯꨱꩍ ꨌꨬ ꨝꨤꨯꨱꩀ ꨤꨂꨩ ꨝꨩ ꨅꩃ ꨧꨯꨱꩃ ꨟꨭꩀ ꨘꩆ ꨧꨯꨱꩃ ꨗꨰ ꨓꨤꨶꨪꩄ ꨠꨣꨰ ꨧꩃ ꨌꨬ ꨝꨤꨯꨱꩀ ꨤꨂꨩ꩞ ꨘꩆ ꨟꩃ ꨌꨬ ꨘꩆ ꨝꨩ ꨗꨰ ꨓꨤꨶꨪꩄ ꨠꨣꨰ ꨓꨮꩊ ꨧꩃ ꨝꨵꨯꨱꩍ ꨌꨬ ꨝꨤꨯꨱꩀ ꨤꨂꨩ ꨓꨠꨩ ꨠꨖꨪꩉ ꨚꨔꨮꨭ ꨧꨯꨱꩃ ꨚꨓꨯꨱ꩞ ꨘꩆ ꨟꩃ ꨚꨓꨯꨱ ꨧꨯꨱꩃ ꨚꨯꨩ ꨝꨳꨩ ꨙꨶꨮꩄ ꨓꨝꨳꩀ ꨠꨣꨰ ꨆꨶꨮꩉ ꨕꨫ ꨓꨆꨶꨰ ꨗꨰ ꨓꨤꨶꨪꩄ ꨝꨵꨯꨱꩍ ꨚꨓꨯꨱ ꨧꨯꨱꩃ ꨚꨯꨩ ꨝꨳꨩ ꨘꩆ ꨨꨳꨩ ꨙꨮꨩ ꨈꨯꨱꩀ ꨙꨮꨩ ꨈꨵꩍ꩞ ꨨꨤꨬ ꨗꨰ ꨓꨲꩍ ꨓꨞꨩ ꨧꨯꨱꩃ ꨗꨰ ꨆꨌꨶꨩ ꨤꨪꨎꩃ ꨨꨳꨩ ꨟꩃ ꨈꩌ ꨨꨳꨩ ꨈꩌ ꨨꨶꨮꩄ ꨕꨫ ꨗꨰ ꨓꨤꨶꨪꩄ꩞ ꨘꩆ ꨟꩃ ꨀꨝꨪꩍ ꨕꨴꨬ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨧꨯꨱꩃ ꨀꨝꨪꩍ ꨕꨴꨬ ꨟꨪꩀ ꨥꨩ ꨀꨕꨬ ꨧꨄꨰ ꨂꨣꩃ ꨠꨣꨰ ꨀꨮꩆ ꨕꨫ ꨗꨰ ꨓꨤꨶꨪꩄ ꨕꨫ ꨈꨴꨮꩇ ꨘꨈꩉ ꨠꨣꨰ ꨀꨮꩆ꩞ ꨝꨣꨭꨥ ꨟꩃ ꨗꨰ ꨓꨤꨶꨪꩄ ꨙꨯꩌ ꨀꨝꨪꩍ ꨝꨯꨱꩍ ꨚꨗꨶꨮꩄ ꨆꨴꨭꩃ ꨣꨭꨡꩍ ꨣꨪꨡꨲꩇ ꨕꨫ ꨕꨤꩌ ꨀꨳꨩ ꨓꨔꨪꩀ ꨨꨝꩉ ꨤꨪꨎꩃ ꨗꨰ ꨓꨤꨶꨪꩄ ꨙꨯꩌ ꨀꨝꨪꩍ꩞ ꨝꨣꨭꨥ ꨟꩃ ꨚꨗꨴꨯꨱꩃ ꨁꨥ ꨚꨗꨴꨯꨱꩃ ꨨꨗꨭꩀ ꨟꨪꩀ ꨥꨩ ꨀꨕꨬ ꨧꨄꨰ ꨂꨣꩃ ꨨꨤꨬ ꨤꨪꨎꩃ ꨨꨯꨱꩀ ꨀꨳꨩ ꨠꨓꨩ ꨆꨩ ꨗꨰ ꨓꨤꨶꨪꩄ ꨎꨮꨩ꩞ ꨝꨣꨭꨥ ꨟꩃ ꨚꨓꨯꨱ ꨆꨯꨱꩍ ꨧꨩ ꨝꨪꨘꩍ ꨚꨤꨬ ꨝꨴꨬ ꨆꨩ ꨅꩃ ꨧꨯꨱꩃ ꨟꨭꩀ ꨘꩆ ꨝꨢꩉ ꨀꨮꩆ ꨊꨰ ꨅꩃ ꨧꨭꨩ ꨟꨭꩀ ꨘꩆ꩞ ꨝꨵꨯꨱꩍ ꨚꨓꨯꨱ ꨝꨴꨬ ꨕꨤꩍ ꨆꨴꨭꩃ ꨗꨰ ꨓꨤꨶꨪꩄ ꨠꨐꨪꩌ ꨘꩆ ꨆꨩ ꨟꨭꩀ ꨘꩆ꩞ ꨝꨵꨯꨱꩍ ꨚꨓꨯꨱ ꨝꨴꨬ ꨆꨩ ꨅꩃ ꨧꨯꨱꩃ ꨟꨭꩀ ꨘꩆ ꨧꨩ ꨣꨓꨭꩍ ꨣꨕꨰꩍ ꨚꨕꨰ ꨧꨯꨱꩃ ꨧꨩ ꨣꨓꨭꩍ ꨎꨳꨮꩆ ꨝꨵꨯꨱꩍ ꨓꨮꩊ ꨚꨓꨯꨱ ꨤꨶꨪꩄ ꨣꨰ ꨌꨬ ꨝꨤꨯꨱꩀ ꨤꨂꨩ ꨓꨈꨯꩀ ꨣꨰ ꨎꨳꨮꩃ ꨚꨓꨯꨱ ꨠꨢꩍ ꨨꨕꨬ ꨌꨬ ꨝꨤꨯꨱꩀ ꨤꨂꨩ ꨤꨶꨪꩄ ꨣꨰ ꨘꩆ ꨀꨗꩀ ꨝꨤꨯꨱꩀ ꨤꨂꨩ ꨓꨈꨯꩀ ꨣꨰ ꨎꨳꨮꩃ ꨚꨓꨯꨱ ꨥꨮꩀ꩞
Leave a Reply