ꨀꨕꨬ ꨋꩀ ꨀꩇ ꨗꨫ ꨟꩃ ꨨꨝꨳꨯꨮꩆ ꨨꨤꨬ? ꨕꨨꨵꩀ ꨋꩀ ꨕꨯꩌ ꨀꩇ ꨕꨫ ꨥꨮꩇ ꨌꩌꨝꨗꨪ ꨗꨫ ꨝꨪꨣꨭꨥ ꨆꨵꨮꨭ ꨝꨪꨤꩆ ꨗꨫ ꨟꨪꩆ꩝ ꨟꩃ ꨆꨓꨯꨮꨩ ꨔꨭꩆ ꩒꩐꩒꩕꩞ ꨟꨗꩃ ꨆꨴꩍ ꨕꨯꨱꩃ ꨀꨕꨬ ꨀꨊꨶꨬ ꨀꨇꩉ ꨌꩌ ꨧꨪꨝꨮꩉ? ꨨꨭꨩ ꨕꨯꩌ ꨀꩇ ꨗꨫ ꨕꨨꨵꩀ ꨥꩀ ꨚꨶꨮꩄ ꨀꨇꩉ ꨌꩌ ꨝꨳꩀ ꨡꨶꨮꩆ꩞ ꨚꨈꩇ ꨤꩄ ꨀꩇ ꨥꩀ ꨤꨓꨪꩆ ꨓꨚꨩ ꨀꨇꩉ ꨔꨴꩍ꩝ ꨀꨊꨶꨬ ꨀꩇ ꨗꨫ꩝ ꨕꨨꨵꩀ ꨥꩀ ꨀꨇꩉ ꨌꩌ ꨝꨳꩀ ꨕꨴꩍ ꨧꨠꩉ꩞ ꨕꨤꩌ ꨀꨇꩉ ꨔꨴꩍ ꨝꨵꨯꩅ ꨓꨴꨩ꩝ ꨕꨨꨵꩀ ꨈꨮꩌ ꨚꨶꨮꩄ ꨈꨮꩌ ꨤꩃ ꨓꨝꨳꩀ ꨧꩇ ꨢꨶꨮꩆ ꨝꨳꩀ ꨧꨠꩉ꩝ ꨟꨢꩍ ꨚꨗꨶꨮꩄ ꨘꩆ ꨕꨴꨬ ꨥꨮꩉ꩞ ꨢꨮꨭ ꨘꩆ ꨆꨩ ꨕꨴꨬ ꨨꨕꨮꩉ ꨈꨤꩄ ꨚꨗꨶꨮꩄ ꨝꨪꨕꨴꩍ꩞ ꨀꨕꨬ ꨌꨯꨱꩃ ꨈꨰꩅ ꨚꨳꨮꩍ ꨆꨩ ꨧꩇ ꨌꩌ ꨕꨴꨬ ꨕꨯꨱꩀ ꨨꨭꨩ ꨀꨊꨶꨬ ꨕꨫ ꨀꨣꨰ ꨨꨕꨳꨯꨮꩇ? ꨕꨨꨵꩀ ꨌꨯꨱꩃ ꨨꨝꩉ ꨧꩇ ꨌꩌ ꨕꨴꨬ ꨨꨭꨩ ꨝꨳꩀ ꨣꨤꨯꨩ ꨥꨮꩀ ꨕꨫ ꨝꨮꩃ꩝ ꨘꩆ ꨆꨩ ꨔꨬ ꨔꨮꨭ ꨚꨶꨮꩄ ꨧꩇ ꨌꩌ꩝ ꨡꨶꨮꩆ ꨕꨶꩍ ꨨꨭꨩ ꨀꨇꩉ ꨓꨚꨭꩀ ꨕꨫ ꨝꨮꩃ ꨚꨳꨮꩍ ꨚꨶꨮꩄ꩝ ꨎꩃ ꨢꨮꨭ ꨧꩇ ꨢꨶꨮꩆ ꨘꩆ ꨢꨮꩍ! ꨕꨨꨵꩀ ꨤꨪꨎꩃ ꨓꨆꨴꨲꨩ ꨋꩀ ꨨꨝꩉ ꨆꨩ ꨈꨴꨭꩀ ꨚꨶꨮꩄ ꨥꩀ ꨧꩇ ꨌꩌ ꨟꨕꨩ ꨡꨶꨮꩆ ꨟꨕꨩ ꨧꨳꩌ꩞ ꨨꨭꨩ ꨢꨮꨭ ꨘꩆ ꨆꨩ꩝ ꨟꨗꨶꨪꩋ ꨌꩌ ꨕꨴꨬ ꨟꩃ ꨀꨊꨶꨬ ꨀꨇꩉ ꨌꩌ ꨣꨤꨯꨩ ꨥꨮꩀ꩝ ꨚꨳꨮꩍ ꨆꨩ ꨧꩇ ꨌꩌ ꨕꨴꨬ ꨕꨯꨱꩀ ꨨꨭꨩ ꨟꨳꨯꨮꩅ ꨟꨳꨯꨮꩅ꩞