꩑꩞ ꨂꨣꩃ ꨟꨰ ꨣꨩ ꨨꨭꨩ ꨁꨗꨩ꩝ ꨌꨬ ꨤꨶꩀ ꨓꨟꨩ꩝ ꨓꨶꨬ ꨝꨯꨱꩍ ꨆꨢꨮꨭ꩝ ꩒꩞ ꨂꨣꩃ ꨟꨰ ꨣꨩ ꨨꨭꨩ ꨦꨄꨰ꩝ ꨌꨬ ꨤꨶꩀ ꨠꨣꨰ꩝ ꨓꨶꨬ ꨝꨯꨱꩍ ꨆꨢꨮꨭ꩝꩝ ꩓꩞ ꨘꨈꩉ ꨔꨳꨮꩌ ꨧꨳꩌ ꨧꨩ ꨚꩀ ꨅꨩ ꨔꨮꨭ꩝ ꨙꨶꨩ ꨝꨯꨱꩍ ꨆꨢꨮꨭ꩝ ꨣꨰ ꨣꩍ ꨚꨝꨵꨬ ꩔꩞ ꨘꨈꩉ ꨆꨭꩉ ꨧꨩ ꨚꩀ ꨆꨴꨲꩆ ꨙꨶꨩ ꨝꨯꨱꩍ ꨠꩆ꩝ ꨣꨰ ꨣꩍ ꨚꨝꨵꨬ꩝꩝ ꩕꩞ ꨙꨶꨩ ꨓꨶꨬ ꨓꨆꨰ ꨚꨤꨬ꩝ ꨚꨝꩍ ꨃꨥ ꨚꨝꨵꨬ꩝ ꨟꨪꩀ ꨥꨩ꩝꩝ ꩖꩞ ꨙꨶꨩ ꨓꨶꨬ ꨤꨪꨊꨪꨥ ꨡꨮꩃ ꨎꩃ꩝ ꨚꨝꩍ ꨃꨥ ꨂꨣꩃ꩝ ꨝꨵꨬ ꨝꨯꨱꩍ ꨕꨤꨪꩌ ꩗꩞ ꨝꨵꨬ ꨝꨯꨱꩍ ꨕꨤꨪꩌ ꨟꨪꩀ ꨥꨩ꩝ ꨤꨮꩍ ꨕꨫ ꨂꨤꨩ꩝ ꨚꨚꨯꨱꩍ ꨚꨢꨯꨱꩌ꩝꩝ ꩘꩞ ꨠꩀ ꨎꨳꨮꩆ ꨝꨩ ꨣꨰ ꨚꨢꨯꨱꩌ꩝ ꨓꨊꨪꩆ ꨓꨴꨭꩀ ꨚꨓꨯꨱꩌ꩝ ꨣꨶꩍ ꨝꨯꨱꩍ ꨓꨔꩀ꩝꩝ ꩙꩞ ꨣꨶꩍ ꨨꨭꨩ ꨧꨩ ꨝꨯꨱꩍ ꨙꨮꩍ ꨡꨳꩀ꩝ ꨢꨮꩉ ꨓꨯꨱꨥ ꨆꨭꨩ ꨆꨮꨭ ꨌꨳꩀ꩝ ꨡꨮꩃ ꨢꨯꨱꩌ ꨕꨤꨪꩌ꩝꩝ ꩑꩐꩞ ꨧꨬ ꨡꨮꩃ ꨕꨤꨪꩌ ꨟꨪꩀ ꨥꨩ꩝ ꨀꨔꩉ ꨙꨭꩃ ꨝꨩ꩝ ꨓꨝꩌ ꨠꨀꨪꩆ꩝꩝ ꩑꩑꩞ ꨗꨯꨱ ꨠꩀ ꨎꨤꨮꩃ ꨧꨯꨱꩃ ꨥꨭꨥ꩝ ꨝꨩ ꨣꨰ ꨆꨩ ꨆꨮꨭ꩝ ꨓꨝꩌ ꨕꨤꨪꩌ꩝꩝ ꩑꩒꩞ ꨗꨯꨱ ꨠꩀ ꨀꨟꨴꨩ ꨧꨯꨱꩃ ꨎꨯꨱꩃ꩝ ꨎꩍ ꨈꨵꨰ ꨚꨣꨯꨱꩃ꩝ ꨓꨝꩌ ꨕꨤꨪꩌ꩝꩝ ꩑꩓꩞ ꨗꨯꨱ ꨠꩀ ꨎꨤꨮꩃ ꨧꨯꨱꩃ ꨌꨯꨱꩇ꩞ ꨝꨩ ꨣꨰ ꨚꨚꨴꩇ꩝ ꨓꨝꩌ ꨕꨤꨪꩌ꩝꩝ ꩑꩕꩞ ꨓꨝꩌ ꨕꨤꨪꩌ ꨓꨭꩍ ꨀꨳꨩ꩝ ꨝꨌꩍ ꨚꨌꩍ ꨠꨓꨩ꩝ ꨕꨰ ꨕꨴꨬ ꨓꨈꨯꩀ꩝꩝ ꩑꩖꩞ ꨓꨝꩌ ꨕꨤꨪꩌ ꨓꨭꩍ ꨨꨵꨭꩀ꩝ ꨕꨤꨪꩌ ꨠꩍ ꨓꨈꨯꩀ꩝ ꨤꩍ ꨖꩆ ꨀꨥꩆ꩝꩝ ꩑꩗꩞ ꨗꨯꨱ ꨟꨰ ꨣꨪꨥꨮꩃ ꨢꨮꨭ ꨞꨳꩆ꩝ ꨤꩍ ꨖꩆ ꨀꨥꩆ꩝ ꨕꨰ ꨕꨴꨬ ꨝꨊꨭꨩ꩝꩝ ꩑꩘꩞ ꨗꨯꨱ ꨟꨰ ꨣꨥꨮꩃ ꨨꨰ ꨐꨭꨩ꩝ ꨕꨤꨪꩌ ꨠꩍ ꨝꨊꨭꨩ꩝ ꨑꩉ ꨆꨳꨮꩃ ꨌꨓꨰ꩝꩝ ꩑꩙꩞ ꨗꨯꨱ ꨟꨰ ꨣꨥꨮꩃ ꨨꨰ ꨐꨭꨩ꩝ ꨕꨤꨪꩌ ꨠꩍ ꨌꨓꨰ꩝ ꨑꩉ ꨆꨳꨮꩃ ꨓꨨꨩ꩝꩝ ꩒꩐꩞ ꨗꨯꨱ ꨟꨰ ꨣꨪꨥꨮꩃ ꨨꨰ ꨥꨩ꩝ ꨕꨤꨪꩌ ꨠꩍ ꨓꨨꨩ꩝ ꨑꩉ ꨆꨳꨮꩃ ꨆꨎꨮ꩝꩝ ꩒꩑꩞ ꨗꨯꨱ ꨣꨪꨥꨮꩃ ꨀꨳꨮꩀ ꨂꨣꩃ꩝ ꨕꨤꨪꩌ ꨠꩍ ꨆꨎꩃ꩝ ꨑꩉ ꨆꨳꨮꩃ ꨓꨔꩀ꩝꩝ ꩒꩒꩞ ꨗꨯꨱ ꨟꨰ ꨣꨪꨥꨮꩃ ꨝꨪꨝꨳꩀ꩝ ꨕꨤꨪꩌ ꨠꩍ ꨓꨔꩀ꩝ ꨚꩀ ꨊꨯꨱꩀ ꨨꨎꨭꩃ꩝꩝ ꩒꩓꩞ ꨆꨯꨱꩍ ꨈꨰ ꨣꨩ ꨥꩀ ꨣꨰ ꨥꩀ꩝ ꨕꨤꨪꩌ ꨠꩍ ꨓꨔꩀ꩝ ꨚꩀ ꨊꨯꨱꩀ ꨨꨎꨭꩃ꩝꩝ ꩒꩓꩞ ꨆꨯꨱꩍ ꨈꨰ ꨣꨩ ꨙꨶꨮꩄ ꨈꨶꨮꩄ ꨓꨴꨭꩆ꩝ ꨕꨤꨪꩌ ꨠꩍ ꨈꨪꨤꨭꩃ꩝ ꨣꨰ ꨓꨮꩊ ꨀꨙꩀ ꨀꨘꩀ꩝꩝ ꩒꩔꩞ ꨘꩆ ꨠꩃ ꨆꨮꨭ ꨠꩀ ꨝꨩ ꨣꨰ꩝ ꨌꨳꩀ ꨝꨵꨯꨱꩍ ꨚꨝꨴꨰ꩝ ꨗꩍ ꨚꨣꨞꨩ꩝꩝ ꩒꩕꩞ ꨆꨮꨭ ꨡꨮꩃ ꨧꨩ ꨝꨙꩍ ꨝꨘꩍ ꨕꨴꨬ ꨆꨩ꩝ ꨝꨙꩍ ꨝꨘꩍ ꨕꨴꨬ ꨓꨴꨩ꩝ ꨚꨳꨯꩍ ꨆꨩ ꨦꨄꨰ꩝꩝ ꩒꩖꩞ ꨘꩆ ꨠꩃ ꨕꨨꨵꩀ ꨌꩃ ꨣꨬ꩝ ꨝꩀ ꨆꨵꨮꨭ ꨨꨣꨬ꩝ ꨠꩀ ꨡꨮꩃ ꨚꨤꨶꨪꩄ ꩒꩗꩞ ꨘꩆ ꨠꩃ ꨦꨄꨰ ꨟꨰ ꨠꩃ꩝ ꨧꩃ ꨄꨰ ꨓꨳꩇ ꨂꨣꩃ꩝ ꨃꨥ ꨕꨨꨵꩀ꩝꩝ ꩒꩘꩞ ꨘꩆ ꨠꩃ ꨕꨨꨵꩀ ꨟꨰ ꨣꨬ꩝ ꨝꩀ ꨆꨵꨮꨭ ꨨꨣꨬ ꨚꨯꩀ ꨟꨯꨱꩃ ꨀꨕꨬ꩝ ꨝꨴꩍ ꨢꨮꩃ ꨧꨤꩍ꩝꩝ ꩒꩙꩞ ꨟꨬ ꨚꨴꨯꨱꩃ ꨨꨓꨰ ꨤꨯꨩ ꨟꨬ꩝ ꨟꩃ ꨆꨵꨰꩀ ꨤꨪꨆꨬ꩝ ꨅꩍ ꨌꩃ ꨆꨮꨭ ꨟꨰ꩝꩝ ꩓꩐꩞ ꨃꨥ ꨝꨴꩍ ꨝꨑꨩ ꨣꨰ ꨝꨳꨪ꩝ ꨚꨙꩉ ꨚꨟꨮꨓꨰ꩝ ꨚꨳꨯꩍ ꨋꩇ ꨨꨈꨰꩅ꩝꩝ ꩓꩑꩞ ꨘꩆ ꨝꨴꩍ ꨝꨑꨩ ꨙꨶꨮꩄ ꨟꨰ꩝ ꨎꨶꨰ ꨚꨠꨓꨰ꩝ ꨚꨳꨯꩍ ꨈꨵꨮꩃ ꨀꨗꩀ꩝꩝ ꩓꩒꩞ ꨘꩆ ꨟꩃ ꨆꨮꨭ ꨣꨯꨱꩃ ꨓꨯꨱꩌ ꨔꨭꩆ꩝ ꨠꨓꨳꩆ ꨚꨆꨕꨭꩆ꩝ ꨙꨪꩍ ꨕꨫ ꨀꨚꨶꨬ꩝꩝ ꩓꩓꩞ ꨙꨪꩍ ꨕꨫ ꨀꨚꨶꨬ ꨨꨣꨬ꩝ ꨝꨪꨤꩆ ꨨꨤꨬ ꨀꨗꩀ ꨤꨪꨆꨬ꩝ ꨕꨴꨮꩍ ꨆꨴꨩ ꨨꨥꨩ꩝꩝ ꩓꩔꩞ ꨃꨥ ꨝꨴꩍ ꨝꨑꨩ ꨝꨩ ꨣꨰ꩝ ꨟꨰ ꨠꨐꨪꩌ ꨝꨰ꩝ ꨈꨮꩀ ꨝꩆ ꨆꨌꨶꨩ꩝꩝ ꩓꩕꩞ ꨗꨯꨱ ꨟꩀ ꨀꨟꨴꨩ ꨆꨯꨱꩍ ꨐꨭꩍ꩝ ꨝꨩ ꨣꨰ ꨑꨩ ꨐꨭꨩ ꨝꨭꩍ꩝ ꨝꩆ ꨆꨌꨶꨩ꩝꩝ ꩓꩖꩞ ꨗꨯꨱ ꨟꩀ ꨓꨈꩀ ꨆꨯꨱꩍ ꨈꨰ꩝ ꨆꨯꨱꩍ ꨝꨩ ꨠꨣꨰ꩝ ꨣꩌ ꨝꩆ ꨆꨌꨶꨩ꩝꩝ ꩓꩗꩞ ꨀꨚꨶꨬ ꨡꨮꩃ ꨕꨯꩌ ꨓꨤꨯꨱꩅ꩝ ꨌꨬ ꨕꨯꩌ ꨓꨴꨩ ꨈꨯꨱꩀ꩝ ꨆꨯꨩ ꨆꨯꨮꨩ ꨡꨯꩍ ꨠꨓꨰ꩝ ꩓꩘꩞ ꨘꩆ ꨠꩃ ꨆꨮꨭ ꨠꩀ ꨝꨩ ꨣꨰ꩝ ꨌꨰꩀ ꨕꨫ ꨓꨆꨰ꩝ ꨚꨈꨩ ꨤꨪꨊꨪꨥ꩝꩝ ꩓꩙꩞ ꨚꨈꨩ ꨤꨪꨊꨪꨥ ꨘꩆ ꨣꨬ꩝ ꨝꩀ ꨆꨵꨮꨭ ꨨꨣꨬ꩝ ꨕꩀ ꨚꨆꨌꩍ꩝꩝ ꩔꩐꩞ ꨕꨨꨵꩀ ꨆꨳꨮꩃ ꨚꨔꨮꨭ ꨛꨯꨮ ꨥꨩ꩝ ꨠꨓꨳꩆ ꨟꨰꩀ ꨆꨢꨶꨩ꩝ ꨡꨮꩃ ꨝꨯꨱꩍ ꨕꨤꨪꩌ꩝꩝ ꩔꩑꩞ ꨆꨌꨶꨩ ꨘꩆ ꨣꨶꨮꩀ ꨣꨶꩀ ꨕꨤꨪꩌ ꨗꨯꨱ ꨠꩀ꩝ ꨡꨯꩍ ꨓꨟꨴꩀ꩝ ꨤꨩ ꨜꨭꩆ ꨕꨤꨪꩌ꩝꩝ ꩔꩒꩞ ꨙꨯꨮꨩ ꨙꨮ ꨚꨚꩆ ꨝꨯꨱꩍ ꨑꩆ꩝ ꨝꨶꨯꨱꩊ ꨧꨩ ꨘꨈꩉ꩝ ꨑꩅ ꨅꨩ ꨠꨈꨬ꩝꩝ ꩔꩓꩞ ꨠꨢꨯꨱꩌ ꨆꨩ ꨕꨤꨪꩌ ꨠꩍ ꨣꨬ꩝ ꨆꩍ ꨠꩃ ꨓꨌꨬ꩝ ꨓꨆꨵꨯꨱꩅ ꨓꨈꨯꩀ꩝꩝ ꩔꩔꩞ ꨚꨮꩍ ꨨꨳꨮꩇ ꨦꨄꨰ ꨀꨳꨮꩀ ꨈꨵꨮꩃ꩝ ꨝꨊꨭꨩ ꨡꨭꩀ ꨌꨣꩃ꩝ ꨀꨥ ꨓꨰ ꨓꨇꨯꨱꩀ꩝꩝ ꩔꩕꩞ ꨚꨮꩍ ꨨꨳꨮꩇ ꨚꨕꨴꩍ ꨝꨩ ꨟꨰ꩝ ꨨꨣꨭꩌ ꨓꨆꨰ꩝ ꨀꨥ ꨌꨓꨰ ꨓꨇꨯꨱꩀ꩝꩝ ꩔꩖꩞ ꨘꩆ ꨠꩃ ꨆꨮꨭ ꨠꩀ ꨌꨭꩀ ꨣꨬ꩝ ꨌꨭꩀ ꨈꩌ ꨕꨫ ꨕꨴꨬ꩝ ꨝꨵꨯꨱꩍ ꨗꨯꨱ ꨣꨪꨙꨯꩈ ꨣꨙꨯꨮꨩ ꩝꩝ ꩔꩗꩞ ꨌꨬ ꨗꨯꨱ ꨣꨙꨯꨮꨩ ꨆꩆ ꨤꨯꨱꨥ꩝ ꨡꨮꩃ ꨝꨴꩍ ꨆꨨꨯꨱꨥ꩝ ꨡꨭꨥ ꨀꨳꨩ ꨤꨪ – – ꩔꩘꩞ ꨈꨶꨮꩆ ꨨꨶꩀ ꨣꨪꨙꨯꩈ ꨣꨙꨯꨮꨩ ꨃꨥ ꨨꨶꩀ꩝ ꨆꩍ ꨓꨴꨲꨩ ꨚꨤꨶꩀ꩝ ꨝꨴꨬ ꨆꨩ ꨚꨝꨶꨬ꩝ ꩔꩙꩞ ꨌꨬ ꨗꨯꨱ ꨣꨪꨙꨯꩈ ꨣꨙꨯꨮꨩ ꨆꩆ ꨎꨯꨱꨥ꩝ ꨠꩀ ꨌꨴꨭꨩ ꨚꨓꨯꨱꨥ꩝ ꨓꩃ ꨤꨬ ꨁꨆꩆ꩝꩝ ꩕꩐꩞ ꨘꩆ ꨠꩃ ꨣꨪꨙꨯꩈ ꨣꨙꨯꨮꨩ ꨀꨇꩆ꩝ ꨓꩃ ꨘꩆ ꨁꨆꩆ꩝ ꨟꨪꩆ ꨤꨯꨩ ꨆꨴꨩ꩝꩝ ꩕꩑꩞ ꨓꩃ ꨘꩆ ꨕꨤꩌ ꨤꨬ ꨀꨳꨩ꩝ ꨓꨴꩍ ꨠꩀ – – ꨆꨩ ꨈꨰꩅ ꩕꩒꩞ ꨁꨆꩆ ꨗꨯꨱ ꨝꨵꨬ ꨆꨩ ꨝꨶꨮꩊ꩝ ꨠꩀ ꨎꩆ ꨣꨰ ꨓꨴꩍ꩝ ꨁꨆꩆ ꨣꨪꨙꨯꩈ ꨣꨙꨯꨮꨩ꩝꩝ ꩕꩓꩞ ꨨꨚꩊ ꨣꨪꨙꨯꩈ ꨣꨙꨯꨮꨩ ꨙꨯꨮꨩ ꨌꨰꩀ ꨣꨪꨙꨯꩈ ꨣꨙꨯꨮꨩ …꩞