ꨛꨯꨮ ꨗꩆ ꨚꨓꨯꨱ ꩓ ꨣꨎꨀꨰꩋ ꩑꩒ – ꨚꨓꨯꨱ ꨡꨮꩃ ꩓꩙ ꨀꨳ ꨌꩌꨛꨩ. ꨧꨮꩃ ꨧ ꨚꨓꨯꨱ ꨈꨪꨗꨴꨮꩍ ꨧꨗꩀ ꨛꨯꨮ ꨊꩇ ꨆꨱ ꨌꩌꨛꨩ ꨟꨲꩂ ꨤꨪꨝꨶꩍ ꨟꨪꩆ ꨎꨳꨯꨮꩃ ꨈꨗꨭꩍ. ꨕꨤꩌ ꨔꨭꩆ ꩑꩓꩖꩗ – ꩑꩓꩘꩙ , ꨛꨯꨮ ꩑꩒ ꨡꨮꩃ ꨝꨱ ꨎꨝꨶꨮꩊ ꨓꨝꨳꩀ ꨈꩍ ꨝꨪꨣꩀ ꨚꨳꨮꩍ ꨟꨲꩍ ꨈꨤꩄ ꨗꨲꨈꩉ ꨅ ꨧꨯꨱꩃ ꨗꨲꨈꩉ ꨣꨪꩀ ꨕꨪ ꨀꨳ ꨢꨶꨮꩆ . ꨔꨭꩆ ꩑꩓꩗꩗ , ꨅꩃ ꨆꨴꩀ ꨀꨓꨯꨱꩃ ꨚꨟꨓꨰ ꨚꨓꨯꨱ ꨓꨴꨮꩆ ꨢꨯꨮ ꨓꨯꨱꩃ ꨧꨯꨱꩃ ꨧꨪ ꨀꨝꨪꩍ ꨎꨝꨶꨮꩊ ꨢꨶꨮꩆ ꨕꨪ ꨚꨤꨬ ꨕꨗꨫꩂ ꨥꨪꨎꨢꨱ , ꨊꩇ ꨆꨱ ꨣꨎꨀꨰꩋ ꨓꨴꨮꩆ ꨝꨳꩀ ꨨꨶꨮꩄ ꨆꨙ . ꨝꨵꨯꨱꩍ ꨨꨕꨬ ꨗꩆ , ꨧꨱ ꨡꨮꩃ ꨅꩃ ꨓꨝꨳꩀ ꨀꨓꨯꨱꩃ , ꨣꨎꨀꨰꩋ ꨢꨶꨮꩆ ꨨꨝꩉ ꨆꨵꩀ ꨝꩊ ꨔꨮꩃ ꨤꨯꩂ ꨕꨮꩇ ꨝꨤ . ꨚꨓꨯꨱꩌ ꨀꨝꨪꩍ , ꨅꩃ ꨨꨭ ꨆꨵꨮꨭ ꨡꨮꩃ ꨀꨓꨯꨱꩃ ꨓꨟꨲ ꨔꨮꩃ ꨤꨯꩂ . ꨔꨭꩆ ꩑꩓꩙꩐ , ꨛꨯꨮ ꨝꨪꨗꨧꨶꨯꩉ ꨟꨲꨓꨰ ꨕꨪ ꨨꨰ ꨓꨴꨮꨥ ꨆꨢꨶ ꨒꨮꩇ , ꨀꨗꨲꩀ ꨜꨥ ꨖꩀ ꨥꨮꩀ ꨗꩀꨧꩅꨓꨴꩀ ꨤꨭꨥꨵꨭꨥ ꨚꨓꨰꩀ ꨆ ꨆꨍꨰꩅꨗꨪꨓꨴꨬ ꨌꩌꨛꨩ . ꨂꨣꩃ ꨟꨯꨱꩃ ꨅꩃ ꨗꩆ ꨧꨱ ꨚꨓꨯꨱ ꨎꨰ ꨧꨯꩂ ꨚꨓꨰꩀ ꨕꨪ ꨌꩌꨛꨩ . ꨟꨗꨭs ꨝꨱ ꨀꨳ ꨓꨈꨯꩀ ꨕꨪ ꨚꨝꨭꩂ ꨈꨵꨯꨱꩃ ꨝꨵꨯꨱꩍ ꨟꨲꩂ ꨢꩌ ꨓꨟꨲ ꨓꨭꩀ ꨤꨪꨝꨶꩍ .