ꨟꩃ ꨆꩊ꩝ ꨨꨭꨩ ꨔꨭꩆ ꨤꨪꨊꨫꩀ ꨎꨡꨭꨩ ꨇꨳꩍ꩝ ꨜꨭꩆ ꨨꨣꨮꩀ ꨟꨓꨰ ꨔꨭꨩ꩝ ꨀꨧꨭꩉ ꨞꨳꨯꨮꩇ ꨟꨨꨭꨩ ꨀꨳꨩ ꨤꨪꨊꩀ ꨤꨪꨊꨶꨰ꩞ ꨡꨯꩍ ꨌꨊꨴꨰ꩝ ꨣꨯꨱꩀ ꨆꨶꨮꩄ ꨓꨈꨯꩀ ꨢꩀ ꨤꨪꨊꨫꩀ꩞ ꨊꨯꨱꩀ ꨎꨤꩆ ꨗꨯꨱ꩝ ꨣꨯꨱꩀ ꨈꨯꨱꩀ ꨌꨈꨭꨥ꩝ ꨀꨣꨳꨯꨮꩃ꩝ ꨟꨗꨭꩀ꩝ ꨀꨧꨮꨭ꩝ ꨣꨟꨯꨱꩃ꩝ ꨎꨪꨤꨆꨯꨱꨥ꩞ ꨔꨮꨭ ꨣꨯꨱꩀ ꨗꨯꨱ ꨢꩀ ꨤꨪꨊꨫꩀ꩝ ꨕꨭꩌ ꨚꨗꨯꨱꩀ ꨧꨩ ꨕꨶꨩ ꨤꨪꨆꨮꨭ ꨓꨶꨬ꩞ ꨟꨰ ꨝꨪꨡꨮꩃ ꨆꨖꨪꩉ꩝ ꨣꨯꨱꩀ ꨓꨝꨭꩉ: ꨦꨄꨰ ꨀꨣꨳꨯꨮꩃ ꨓꨟꨩ ꨀꨝꨭꩀ ꨀꨳꨩ꩞ ꨦꨄꨰ ꨎꨪꨤꨆꨯꨱꨥ ꨕꨮꩇ ꨤꨪꨆꨭꩀ ꨆꨭꩍ꩞ ꨕꨯꨱꩀ ꨦꨄꨰ ꨟꨗꨭꩀ꩝ ꨦꨄꨰ ꨀꨧꨮꨭ꩝ ꨦꨄꨰ ꨌꨈꨭꨥ꩝ ꨦꨄꨰ ꨣꨟꨯꨱꩃ ꨓꨝꨳꩀ ꨤꨪꨆꨭꩀ ꨌꩃ ꨘꩆ꩞ ꨣꨭꨟꨪꩀ ꨝꨵꨯꨱꩍ꩝ ꨣꨯꨱꩀ ꨙꨪꩀ ꨓꨈꨯꩀ ꨨꨈꩉ ꨚꨴꨯꨱꩃ ꨀꨓꨯꨱꩃ ꨆꨵꨮꨭ ꨦꩇ꩞ ꨈꨵꨰꩂ ꨕꨗꩈ ꨈꨤꨮꩃ ꨤꨪꨊꨫꩀ꩝ ꨨꨟꨪꩅ ꨟꨰ ꨓꨊꨪ ꨚꨓꨯꨱ ꨤꨪꨊꨫꩀ ꨕꨯꨱꩀ ꨕꨆꨵꩆ ꨚꨆꨵꩍ ꨎꨤꩆ ꨌꨓꨭꩉ ꨈꩊ꩞ ꨚꨓꨯꨱ ꨤꨪꨊꨫꩀ ꨌꨥꨌꨪ ꨚꨙꩉ ꨛꨯꨮ ꨆꨓꩊ ꨓꨝꨳꩀ ꨈꨵꨮꩃ꩞ ꨓꨝꨳꩀ ꨝꨪꨡꨮꩃ ꨆꨖꨪꩉ꩝ ꨚꨍꩃ ꨡꨯꩍ ꨓꨯꩀ ꨧꨩ ꨕꨴꨬ ꨣꨯꨱꩀ ꨓꨍꨯꨱꩇ ꨕꨯꨱꩀ ꨌꨈꨴꨥ ꨊꨯꨱꩀ ꨨꨈꩉ꩝ ꨛꨯꨮ ꨆꨓꩊ ꨓꨟꨩ ꨛꨔꨮꨭ ꨥꨮꩀ ꨆꨩ ꨚꨓꨯꨱ ꨤꨪꨊꨫꩀ꩞ ꨚꨓꨯꨱ ꨤꨪꨊꨫꩀ ꨈꨗꨯꨱꩃ ꨙꨬ꩝ ꨚꨙꩉ ꨢꩃ ꨤꨪꨚꨬ ꨝꨩ ꨎꨝꨶꨮꩊ ꨓꨝꨳꩀ ꨆꨵꨮꩇ ꨟꨓꨰ ꨣꨯꨱꩀ꩞ ꨜꨯꨱꩃ ꨤꨪꨚꨬ ꨝꨪꨣꨭꨥ ꨣꨶꨰ ꨓꨝꨳꩀ ꨖꨪꩅ ꨝꨪꨡꨮꩃ ꨢꨮꨩ ꨣꨯꨱꩀ ꨀꨯꨱꩀ ꨟꨗꨭꩀ ꨝꨵꩀ ꨓꨝꨳꩀ ꨌꨡꨯꨱꩍ ꨟꨓꨰ꩞ ꨚꨓꨯꨱ ꨤꨪꨊꨫꩀ ꨥꨮꩀ ꨚꨙꩉ ꨟꨎꨩ ꨓꨝꨳꩀ ꨆꨰꩀ ꨟꨗꨭꩀ꩞ ꨟꨎꨩ ꨝꨪꨣꨭꨥ ꨓꨝꨳꩀ ꨟꨪꩆ ꨀꨧꨮꨭ ꨧꨯꨱꩃ ꨌꨈꨭꨥ ꨝꨵꩀ ꨟꨰ ꨆꨝꨴꩄ ꨝꨴꨰ ꨀꨓꨭꨥ꩞ ꨈꨗꨯꨱꩃ ꨣꨤꨯꨩ ꨙꨬ꩝ ꨚꨓꨯꨱ ꨤꨪꨊꨫꩀ ꨚꨙꩉ ꨛꨯꨮ ꨆꨓꩊ ꨈꨪꨤꨮꩌ ꨕꨤꩍ ꨆꨓꩊ ꨓꨝꨳꩀ꩝ ꨆꨩ ꨋꩇ ꨈꨰꩅ ꨅꨩ ꨟꨪꩆ ꨜꨯꨱꩃ ꨎꨪꨤꨆꨯꨱꨥ ꨕꨫ ꨤꨪꨆꨭꩀ ꨝꨪꨡꨮꩃ ꨚꨮꩉ ꨟꨰ ꨕꨭꩄ꩞ ꨛꨯꨮ ꨆꨓꩊ ꨚꨵꨯꨱꩃ ꨓꨟꨩ ꨀꨝꨭꩀ ꨀꨳꨩ ꨚꨵꨰꩍ ꨎꨪꨤꨆꨯꨱꨥ ꨢꨮꨩ ꨀꨣꨳꨯꨮꩃ ꨢꩀ ꨈꨣꨯꨱꩃ ꨓꨝꨳꩀ ꨆꨙꨪꩇ꩞ ꨓꨆꨓꨶꩀ꩝ ꨛꨯꨮ ꨆꨓꩊ ꨥꨮꩀ ꨚꨵꨯꨱꩃ ꨓꨝꨳꩀ꩝ ꨕꨭꩌ ꨓꨚꨶꨮꩉ ꨌꨈꨭꨥ꩝ ꨣꨟꨯꨱꩃ꩝ ꨀꨧꨮꨭ ꨎꩃ ꨝꨵꩀ ꨓꨈꨯꩀ ꨨꩀ ꨀꨓꨭꨥ꩞ ꨛꨯꨮ ꨆꨓꩊ ꨆꨭꨚꨪꩀ ꨕꨤꩍ ꨆꨓꩊ ꨆꨵꩀ ꨙꨶꨮꩄ ꨖꨪꩅ꩞ ꨚꨓꨯꨱ ꨤꨪꨊꨫꩀ ꨥꩉ ꨈꨵꨰ ꨨꨝꩉ ꨕꨀꨩ ꨣꨯꨱꩀ ꨓꨟꨩ ꨤꩃ ꨆꨩ ꨚꨧꨳꩌ꩞ ꨣꨯꨱꩀ ꨚꨡꨵꨥ ꨧꨳꩀ ꨆꨣꩃ ꨀꨳꨩ ꨕꨶꨪꩋꨦꩀ ꨕꨫ ꨕꨭꩆꨗꨪꨢꨩ꩞ ꨚꨓꨯꨱ ꨤꨪꨊꨫꩀ ꨨꨝꩉ ꨌꨳꨪꩇ ꨝꨴꨬ ꨁꨗꨩ ꨈꨪꨣꩈ ꨚꨴꨭꩍ ꨀꨳꨩ꩝ ꨓꨭꩍ ꨈꨴꨮꩇ ꨤꨪꨝꨪꩀ꩝ ꨥꨮꩀ ꨨꨝꩉ ꨚꨈꨶꨮꩆ ꨧꨯꨱꩃ ꨣꨯꨱꩀ: ꨟꨢꩍ ꨨꨝꨳꨯꨮꩆ ꨨꨤꨬ ꨕꨭꩆꨢꨩ ꨨꨓꨶꨩ꩝ ꨣꨯꨱꩀ ꨥꨮꩀ ꨈꨣꨪꩀ ꨓꨈꨬ ꨚꨕꨮꩉ ꨤꨪꨊꨫꩀ꩞ ꨣꨯꨱꩀ ꨎꨰ ꨤꨶꨰ ꨎꨝꨶꨮꩊ ꨟꨰ꩞ ꨕꨭꩆꨢꨩ ꨀꨳꨩ ꨕꨮꩇ ꨝꩀ꩝ ꨆꨭꨢꨮꨭ ꨥꨮꩀ ꨟꨕꨩ ꨕꨝꨭꩊ꩝ ꨓꨟꩆ ꨎꨗꨮꩀ ꨨꨕꨳꨪꩇ ꨥꨮꩀ꩝ ꨀꨶꨮꩆ ꨓꨝꨶꨮꩆ ꨣꨯꨱꩀ ꨀꨶꨮꩆ ꨗꨯꨱꩀ ꨎꨝꨶꨮꩊ ꨨꨭꨩ ꨚꨈꨴꨮꩃ ꨨꨓꨰ ꨎꨰ ꨚꨓꨯꨱ ꨤꨪꨊꨫꩀ – ꨛꨯꨮ ꨞꨯꨩ ꨆꨩ ꨓꨟꩆ ꨎꨗꨮꩀ꩞ ꨟꩃ ꨘꩆ ꨣꩍ ꨟꨰ꩝ ꨟꨢꩍ ꨣꨯꨱꩀ ꨈꨣꨪꩀ ꨓꨈꨬ ꨘꩆ ꨤꨪꨊꨫꩀ ꨎꨰꩀ ꨧꨫ ꨨꨎꩆ꩞ ꨆꨢꨶꨩ ꨢꨮꨭ ꨘꩆ꩝ ꨕꨤꩌ ꨝꨶꨮꩊ ꨚꨣꩆ ꨨꨭꨩ ꨦꩇ ꨀꨕꨯꨱꩍ: ꨀꨣꨯꨱꩀ ꨘꩆ ꨚꨣꨯꨧꩀ ꨅꩃ ꨤꨪꨊꨫꩀ ꨟꨢꩍ ꨔꨬ ꨀꨓꨯꨱꩃ ꨣꨯꨱꩀ ꨢꨮꨩ ꨤꨪꨊꨫꩀ ꨀꨓꨯꨱꩃ ꨐꨭꨩ꩞