ꨞꨭꩌ ꨚꨤꨬ ꨤꩆ ꨀꩌ ꨔꨬ ꨔꨴꩇ ꨈꩇ ꨣꨰ ꨣꩀ ꨕꩀ ꨚꨕꨮꩃ ꨝꨩ ꨓꨶꨬ ꨨꨗꨳꨪꩌ ꨜꨶꨮꩊ ꨦꨄꨰ ꨧꨯꩂ ꨀꨕꨬ ꨢꩀ ꨢꨭꩌ ꨎꨭꩌ ꨚꨓꨯꨱꩌ ꨕꨴꨬ ꨋꩀ ꨡꨮꩃ ꨀꨊꨶꨬ ꨡꨮꩀ ꨈꨯꨱꩀ ꨤꩆ ꨔꨭꩆ ꨝꨪꨤꩆ ꨤꨪꨎꩃ ꨇꨪꩀ ꨀꨚꨭꩍ ꨕꨴꨬ ꨤꨪꨀꨶꨩ ꨓꨊꨮꩈ ꨣꨝꨰ ꨚꨴꩃ ꨝꩀ ꨝꨩ ꨟꨰ ꨆꨩ ꨦꨄꨰ ꨧꨯꨱꩃ ꨀꨕꨬ ꨞꨭꩌ ꨚꨤꨬ ꨤꩆ ꨀꩌ ꨟꨭꩀ ꨆꨬ ꨕꨴꨬ ꨟꨯꨱꩃ ꨀꨳꨮꩀ ꨚꨎꨳꩀ ꨚꨎꨳꨮꩂ ꨨꨕꩉ ꨥꨮꩀ ꨀꨆꨯꨱꩀ ꨟꨓꨪ ꨤꨪꨥꨪꩀ ꨔꨭꩆ ꨕꨨꨵꨭꨥ ꨜꨭꩆ ꨆꨢꨭꨥ ꨈꨵꨰ ꨚꨓꨭꨥ ꨝꨩ ꨀꨝꨪꩍ ꨢꨥꨩ ꨚꨴꨲꩆ ꨋꩀ ꨎꨳꨮꩂ ꨧꩃ ꨥꩃ ꨚꨈꨩ ꨝꨪꨊꨭꩆ ꨀꨳꨩ ꨣꨯꨱꩀ ꨎꨳꨮꩂ ꨨꨟꨭꨩ ꨨꨭꨩ ꨈꨗꨭꩇ ꨧꨯꨱꩃ ꨟꨕꨩ ꨝꨩ ꨟꨰ ꨆꨩ ꨦꨄꨰ ꨧꨯꨱꩃ ꨀꨕꨬ ꨂꨣꩃ ꨤꨮꩈ ꨥꨰꩍ ꨟꨰ ꨕꨫ ꨞꨭꩌ ꨚꨤꨬ ꨔꨬ ꨌꨰꩀ ꨣꩍ ꨟꨰ ꨨꨕꨳꨮꩇ ꨚꨧꩃ ꨀꨗꨫꩅ ꨈꨮꩇ꩝ ꨕꨯꩌ ꨝꨯꨱꩍ ꨚꨗꨶꨮꩄ ꨙꨯꩌ ꨚꨶꨮꩄ ꨟꨢꨭꩅ ꨟꨢꨮꨭ ꨤꩆ ꨀꩌ ꨣꨯꨱꩃ ꨝꨩ ꨟꨪꩀ ꨥꨩ ꨚꨤꨬ ꨗꨈꩉ ꨆꨎꩇ ꨆꨣꨯꨩ ꨧꨶꩆ ꨔꩇ ꨟꨢꩍ ꨤꩄ ꨀꨊꨪꩆ ꨣꨝꨭꩀ ꨙꨮ ꨨꨤꨬ ꨅꩍ ꨟꨕꨩ ꨚꨣꨞꨩ ꨞꩉ ꨣꨪꨢꨩ꩞